بسم الله الرحمن الرحيم


والصلاة والسلام على أشرف الإنبياء والمرسلين


أخواني الأعضاء أخواتي العضوات

رجاء بتكلم بكل صراحه معكم وبالهجه العاميه

طبعا موضوعي بخصوص الحريم الي يصوتن للأنفتاح والحريه

الحريم وماأدراك مالحريم

موضوع ارتجالي يعني لحد يشره

ألاحظ
في كل زمان وكل مكان وهم يشتكون ياربييييييه وش كثر حنا مظلومات ~

ياقلبييييييه وش كثر نعاني ~ بعدم إعطائنا الحرية

شوفوا بنت هالحلال وش تقول !! تقول نبي الحريه
خافوا ربكم فينا وش خليتوا لنا وش بقيتوا ! في كل مكان تزاحمونا
بالأول تقولون وشوله نكرف بلحالنا بالمطبخ وهو حضرته متوسد المخدة لين يجهز الغدا وشوله مايساعدني بالطبخ والا بغسل المواعين مثل الاجانب هذاهم يساعدون حريمهم حتى البزران يغيرون لهم الحفاض ولكم الكرامه عاد تخيل منظرك وإنت مبوبز وتغير حفاضة البزر
والا يدخل عليك أحد أخوياك وانت لابس مريلة المطبخ وهات ياغسل وفرك بذا القدور !

يالله وش موقفك وقتها !

ياشيخة استحي على وجهك يومنك تقولين تعال ساعدني شوف الاجانب وتعلم ! قبل ماأشوف وأتعلم اعرفي شي مابيه يطوفك وهو ان الاجانب هذول اللي كل يوم والثاني وانت معيرتن الرجال فيهم مايصرفون على حريمهم ولا لهم اي حقوق لامن مهر ولامن نفقة ولا حتى سكن وانه بالبلدان الاوروبية ملزومة الحرمة تدفع مع الرجل على البيت وعلى العيال وحتى اغراضها الشخصية إهي اللي توفرها غصبن عن أمٍ جابتها


بينما

انتو يابناتنا كلش واصلكم وحقوقكم تاخذونها كاملة وفوقها بوسة وعلى الراس بعد !
وبالاخير تجي الوحدة منكم تصارخ وووووووين حقوقنا وين !

حنا مثلنا مثلكم نبي ونبي ونبي
اللي تقول نبي ندخل الانتخابات واللي تقول نبي البرلمان واللي صوتها لسطح برج المملكة قال ايش قال نبي نسووووووق لييييش محناب قد المسؤولية والا ناقصنا يد والا رجل
اقووووول يامال القص اللي يقص رجلين ويدين عدوك وانت تقولينها مهوب بعيد عليك بكرة تطالبين بسواقة طيارة جعل الصاروخ اللي يصك فم بوش صك زاد ماحاسناء بهالأفكار ألاهو

احمدي ربك على هالنعمة والعز اللي انت فيه
روحي شوفي فبلاد اوروبا الحرمة تشتغل فمحطة ! تحل وتربط بذا المواتر وتشيل على ظهرها الاثقال ! ياانها مالقت وظيفة والا انها من امهات اللي يطالبون بالمساواة بين الرجل والمرأة

أقول وش رايك لو تلبسين فرهول وانطلك عند اقرب محطة تعبين بانزين يابيجينا خير بذاك النهار يساوي كرف هندي بالمحطة شهر كامل
هذي وحدة من المساواة وش رايك تجربين !!!

نجي لظليمة ثانية من ظلايمكم ياالحريم الي مايطالبن ألا بالحريه
الحين لامن الواحد فينا طلع السوق يقاله يقضي اغراض يرجع البيت وكل اللي معه فنيلتين علاقي وحدة للعيد والثانية استبنة + سروالين سنة واحد للعيد والثاني استبنة + ثوبين من أبو عرض (فصل واحد وخذ الثاني مجاناً) وطاقية وشماغ واحد ويخب بعد على جزمة وشراب وكبك
يعني لو تبي تحسبها ماتجي كل ابوها 500 ريال

بينما

ست الحسن والدلال الخمس مية هذي حق جزمة وشنطة اي كلام بعد مهيب ماركة والا كله كوم يوم تفتح فمها وتقول آآآآآآآآبي لبس ماركة لك وللزمن ! غسيل ولبس ! اي زمن ياقلبي اللي تتكلمين عليه وانت اصلا ماتلبسينه الا مرة قولي غسيل ونطل !
والمصيبة إن الواحد منا مايشوف هالملابس الا بالمجل لاجينا نحاسب لان حضرتها ماتلبسه الا لطلعاتها : أووووف منك وش تبي فاااارق وش اللي ألبسه ! تبيني أروح فيه لصديقاتي وهو ملبوس ! حتى السعر مابي اشيله يقالي ناسية ؟؟

هذا من غير قروش الكوافيرة ! هَو هَو هَو تبيني آآآنا أروح العزيمة وشعري منكوش ووجهي املط مابه مكياج ! طيب وش ذنبي أنا يالشيفة اذا كان شعرك فلافل ووجهك اللهم لك الحمد والشكر تقل وجه عنز تولد

ومن الكوافيرة وياقلبي لا تحزن ! وتطلع لك سالفة ألعن
وووووين تبي تسفرنا هالسنة نبي نتعيد مثل الناااااااس ! رح شف الناس اللي صدق إشي باريس إشي جنيف إشي الصومال (طموح هالمرة) مهب حنا مغير مرابطين بذا واذا طلعنا طلعنا لربوع بلادي علينا بتنادي

ويجيك البزر اللي مابعد فقس من البيضة ويقول لك : يبا يبا نبي نروح لم هذيك العمارة الطويلة اللي تبي تطيح اللي تطلع بالتلفزيون (يقصد برج ايفل) والا بنتك يوم تجيك والدموع اربع اربع : يباااااااااا ع نبييييييي ع تودينااااااااا ع تسونامي(الخبلة تحسبه شيِ زين) أخ يالله ليت من تسونامي صغيرون كبر بيتكم يضفكم من أمكم لحد هالبز الشبير اللي مابعد طلع من قاع الارض
وأنا اللي أقزهم واحد واحد بنظرات احتقار واستهزاء وأقول بصوت ما يتعدى صدري ليتن من يشحنكم بوانيت وينطلكم بالخرخير بقلعة وادرين همن يرجع مرتاح الضمير

<~~ يصحصح من أحلام اليقظة على كابوس ! المدير يبيك بمكتبه ! وتروح للمدير ويلعن آبو خيّرك لانك جاي متأخر وفوق كذا ماخلصت الاوراق اللي طلبها منك والسبب في هذا حرمك المصون اللي هاتك يادش فوق راسك للفجر : نبي نسافر نبي اغراض للمطبخ نبي المكتبة المدارس فتحت نبي مريول للبنت وثوب للولد نبي ونبي ونبي .............الخ الخ الخ خ خ خ خ خ

تركب سيارتك تفتح الدرج والا هاك الاوراق اللي تناثر على الارض تجي تدخلها الدرج والا تلقى بوجهك فاتورة الكهرب : (سدد والا احجز لك موعد مع الظلام)
شوي وتطلع لك فاتورة الثابت : (سدد والا سوف تفصل عنك الخدمة نهائياَ) يضيق صدرك وتجي تدق بجوالك على البيت تبي تشوف وش طبخوا إلا وتسمع (نظرا لعدم تسديدك للفاتورة فقد فصلنا عنك الخدمة نهائيا يالأثول)
تنطل الجوال وتطلع الثاني ابو سوا تجي تدق : (عفوا بطاقتك انتهت لن تتمكن من اجراء اي اتصال لبيتكم لا تسدد طع شوري انت الكسبان)

تدخل لبيتك وانت مثقل بالهموم تلقى بوجهك تمساح لابس باروكة وحاط روج ومركب رموش وعدسات ! تتعوذ بالله من الشيطان وتجي تبي تطلع على بالك غلطان بالعنوان والا بمخالب تنغرز برقبتك : وين منحاش يالأخ كو ودن لبيت هلي نبي نرقد عندهم يومين البيت مابه كهرب ولا فمتو (وش جاب الفمتو الحين ! الصوم ومايسوي)
واسطوانة الغاز تسلم عليك وتقول استح على وجهك املاني ياجعل تمتلي بطنك هوا ترى كلها خمسطعش اريال لا راحت ولا جت

عاد انت يالمسيكين ماتصدددددق خبر وبسررررررررررعة البرق تضف ابوهم وتصقعبهم بالوانيت وتذبهم عند اهلها وترجع ورررررررررر طاير من الفرحة طاير وتقعد تدندن

(محلى الحرية ياولاد قاي لك يادنيا قااااي)

نصيحه لكل وحده تطالب بالحريه والسواقه ومثل أمور الإنفتاح

أسجدي لربك وأحمديه وأشكريه غيركن والله العظيم يتمنن عيشة البنت الخليجيه أو بمعنى اصح هؤلاء الغربيات والاوربيات يغارن منكم غيره ماتتوقعونها يا خواتنا العربيات على النعمه الي انتن فيها

والحمدالله على كل حال

أخوكم

ملك الذوق