صعب الفراق وصعب أسافر وأخـــــليك
صعب أعـيش العمر بعـدك ثوانــــي
يامن سكنت القـلب والقــلب مغــليـك
يامـن لعمري صرت كـل الأمانــــي
ولعتـني بـك وصرت بالصوت أناديــك
أنت حيـاة الـروح وأنـت الحنانـــي
كيف أقدر أنسى يا حبـيـبـي ليالـــك
وأيام بـك حـلوة مضت من زمانـــي
أبكيك أنا لوغـبت عن عـيني أبكيــــك
بدموع حـب قد مشـى في كيانــــي
في قلـبي أخفـيك وبالعـين أراعيـــك
دايـم على بالـي ومنطـق لسانـــي
ماعـاد لي حيلـه وأنـا ميـت فيــــك
والشـوق يالمـحبوب يمك دعانــــي
الله يساعدنـي مـع الوقـت وأجــــيك
يرتـاح بالـي بـك وبالـوقـت هانـي