ياليـل مالـك لشايـل الهـم خــوه
يكفي عذاب القلب وبالعقـل هوجـاس
سـو ماتبـي فينـي ياهالليـل سـوه
ضاقت علي دنياي وضاقت بي النـاس
ياليل مـن همـي تـرى أقـوم اتـؤه
زادت بي جراحـي وجانبنـي نعـاس
ياليل دمعي غـدى كمـا سيـل تـوه
هلت به مزون الحزن مثل سكبه الكاس
ياليـل خذنـي يـم محبوبتـي قـوه
دامك بعيد عن الحيا وسلـم الأجنـاس
واطفي لهيـبٍ ابداخـل القلـب جـوه
واسري لها لاعين ترقبنـي ولانـاس
اسري وابـرد داخـل الجـوف واروه
وأهنى قرير العين مافينـي ولابـاس
ياليل قلبي فقـد مـن عقبهـا ضـوه
واقفى ضرير الفكر منهوب الإحسـاس
توي دريت ان هالزمن ماعاد به خـوه
ابكى لي عيوني وعلـى خافقـي داس
باسهر معك ياليل ولـو مافيـك خـوه
واشكيك مافي خاطري وماهد لي ساس