اعيش العمر من عقبك وحيده
واردد لك صدى صوت القصيده
الا يا مبعدٍ عني مهاجر
دموعي آخر علومي الجديده
اسافر وابتعد عنك والاقي
رماد الشك للخافق حصيده
احبك كلمةٍ فيها حياتي
احبك نغمة الشوق الفريده
انا وش عاد بيدي ويش اسوي
غرامي فيك مات بيوم عيده
غريبه حايره خوفي ذبحني
عليك اكذب واقول اني سعيده
جميع الناس في عيني بقايا
ووجهك لي محطاتٍ بعيده
افكر فيك واتمنى اللقا بك
ومجروح الزمن وش عاد بيده
الا يا آخر طريقٍ كنت أمره
صعيب اعاند ايامٍ عنيده