السلام عليكم ورحمة الله وبركاته

اعزائي كما وعدناكم باكمال الحلقه

هذا انا ارجع من جديد واكمل ماتبقى من حلقه


][ ياشينها لو تبلع ملعقه ][

واليكم الباقي


كل واحد يربط كرسيه في الطاوله عشان ماحدي يقول طحت من الكرسي بسبتك


< ماودك تخلص ..؟



نبدأ مع الفاصل الاعلاني

هذا البرنامج برعايه ... مع تايد الغسيل مافيش موووستحيل




بس عقب هاليووومين تفاجــأت ان الملعقـــه إختـــــفــت مره ثانيـــه ؟؟ و سكت عنهاااا قلت اشوى يمكن راحت و الا طلعت من نفسها ههههههه


رحت العصريه العب مع العيااال كورره و مع الحماااس و اللعب و بعد ما عركبــلي مساااعد الاطرم و انا منفرد بالهجمه ههههه الا و اجيك محضر بوجهي في المرمى و الكوره طلعت برااا .. و حسيت بشي طلع من تحت بطني و وقفت و قمت انفض سروالي و اناااظر في الاطرم بغيت العن خامسينه .. الا وواحد من العيااال يصيح يقووول عيااال شوفوااا اللي في سرواله وشهو ... أناااا ناظرت في سروالي على طول و اشوف البـــلاااا اللي جايبن العيد .. و العيااال يضحكوون علي .. و انا احط يديني هههههههههههه قلت خلاااص ما عادني بلاااعب و انا اروح امشي للبيت و اسمع العياال في الملعععب يقولون .. اخس يا داشــر و الله و طلعت منتب هين ههههههههههههه ..

رحت للبيت و دخلت الحماام على طووول و قعدت اتفحص .. و لقيت الملعقـــه ملعونة الوالديـــن طالعه في مكاااان ماله داعي
هذي و الله النكبه .. احاااول ادفهاااا ابيها ترجع .. ما لك أمـــل ترجع .. رضخت للأمر الوااقع و طلعت من الحمااام و صرت ما عاد امشي في البيت الا مدنـــق و الا رافع ثوبي بيدي هههههههههههههههه و في هاك الليله جاء عندنا عشااااء و ابوي راح للسوق وشرا الذبيحه و جابهاااا و قالي الليله عساني ما اشوفك تصب القهوه للريجيـــل قلت لاااااا .. أبشــر إنشاء الله طااال عمررك ... قاااال : و بعدين انت وراااك مدنق تسذا ورا ما توقف زين ؟؟ قلت لاااا بس ظهري يعورني و يمكن ما اقدر بعد اصب القهوه الليله ( يبي الفكه هههههه ) قاااال : تصب القهوه و انت ملعون ابو جــد لو ينكسر ظهرك .. <-- يقولها و هو ماسكني بحلقي .. قلت خلاااص ابشر ابشر ... و اروح للمقلط ( الله يشغلك انت و هاالمقلط ) و اقعد ادور في المقلط رايح جاااي .. اقول يا ولد وش هالنكبه .. كيف ابوقف عند الريجيل و اصب القهوه قلبتــها في راسي يمين يسااار .. و اطير طيراااان للنعيـــم السوداني راعي البقاله اللي في حارتنا .. قلت يا نعيم .. بالله عطني شطرطوون فلوس بسرعه هههههههههههه .. قااال : وش تبي به ؟؟ لأن ابوي موصيه ما يســجل لي اي شيء الا اذا كان ضروري هههههه .. قلت يا نعيم اوخيتي الصغيره لقت خمسميه في شنطة امي و جت امي بتاخذها منها و انشقت الخمسميه .. و نبي نلصقها .. عشان نجي نشتري بها من عندك طمع السوداااني و قال خلاااص رح .. طلعت من عنده و الشطرطون معي .. و دززيت للبيت و على الحماام .. و اقعد اثبت الملعقه و الف عليها و الف الف الف الف مبرووك خخخخخ قصدي الف الشطرطوون عليهاااا و اثبتها مضبوط كله عشان ما يلاااحظون الريجيل شي لا جيت اصب لهم القهوه ..

جاء العشاااء .. و جيت وقفت عند الريجيل و نافخ ذا الصدر و ماسك الدله و الفناااجيل و مغير اتطفق .. ما يمدي واحد مخلص فنجاااله الا انا داخل في وجهه بالدله ههههههههههههه و بعد مرور ساعتين و جينا بنقلط العشاااء و قاموا الريجيل .. مرني خااالي و قاااام يمزح معي .. يقول : ما شاء الله اليووووم طالع رجااال .. قلت : رجال غصبــن عنك <-- تهورت هههههه .. انا قلت له كذا .. قعد يضحك هو و قااال هاااه .. اجل ورني اللي معك اشووف ههههههههه معك شي ههههههههههه قلت لعن الله شكلك فك وش اللي ورني .. استح على وجهك... قام يسحب ملااابسي .. يا هوووه فكناا من شرك .. و مع المطاااارح يمين يسااار .. انفك الشطرطوووون و طلعت الملعقه و طلعت الفضااايح هههههههه .. و انا اناظر الا الورعااان اللي في المجلس يناظرون فيني و خااالي منصدم يناااظر هههههههههه .. و انا اناظر فيهم .. قلت هااااه .. هذا هو اللي تدوره من اليوووم ..


سحب نفسه خالي و راح يتعشى مع الريجيل و انا جلست مكاااني عند القهووه و ما عاد ظنتي بتحرك من مكاااني ههههههههههه و جلست لين خلصوا الريجيل و طلعوااا و جاني ابوي في المجلس قال قم ناد أهلك خلهم ينظفووون المجلس انا بروح مع الريجيل و اجيكم شوي .. قلت زين ابشر ابشر .. ابيه يرووح ابتحرك ههههههه و اول ما طلع من هناااا و انا اروح و اناااادي من آخر الصااله يمـــه يااااااااااااااه يمـــه ... ابوي يقووول نظفوووا المجلس و انا بروح العب بلايستشن عند ابو رمش و اجيكم شوي .. قالت خلاااص بس لا تبطي ثم اتصل على ابوووك .. قلت زين زين .. و طلعت .. و رحت اتمشى في الشارع مدري وين انااا رااايح .. و الدنيااا ضايقتبي .. و بعد شوي ما دريت الا انا مار من عند ميد .. و ادخل ابي اشتري لي مويه ... الا من يوم دخلت و الفلبيني اللي في ميد اشوفه يتبـــسم و يناااظر فيني .. أثره شايف الملعقه هههههههه .. حاسبت الفلبيني و طلعت ..

جلست على هاك الصبه و انا افكر وش اسوي بها الملعقه اللي ابلشتني و كل شوي طالعه في مكااان .. انقهرت و مدري وش صار فيني و قعدت اصيح في الشااارع يا عاااالم يا هووووه وش اسوووي .. و من القهر وانا أحذف قارورة المويه اللي معي با اقوى ما عندي .. و اخذ شوي الا هي راجعه لي تمشي مليووون و توقع في جبهتي ههههههه ( حاذفها على ناس يمشون ) هههههههه حضرت موية الصحه في جبهتي من هناااا و حسيت بشهقه قويه .. حتى عيوني من قوتها دمعت و خشمي قام يطلع معه رز ( ايه توني متعشي ) و اناااظر مكااان الرجاال الا ما فيه شي .. الملعقه راااحت و انا التفت على اللي حذفووني .. قلت مشكووورين يا هوووه اقسم بالله معروفكم ما راح انساااه .. و انكم احسن ناااس يحذفوون في الحاااره كلهاااا .. ما دريت الا هم راجعين لي يمشون مليوون يحسبوني اتهــزااا فيهم ههههه .. و انا احط رجلي لين دخلت بيتـــنـــا .. و اصك الباااب ..


دخلت البيت ما فيني شي بس .. افكر اقول وين بتطلع الملعقه هالمره الله يلعنها ههههههه .. بعدين قلت يا رجاال رح ارقد بس .. و بكره لها الف حلااال .. رقدت و قمت ما لقيت الملعقه طالعه .. اخذت يوميـــن و انا فاقدهــــا ... وين راحت ذي ؟؟ يمكن طلعت من هنا و الا من هنااااا .. اروح اشوف نفسي و اشيك يمين يسااار .. ما لقيت شي .. قلت اشوى فكــه ... و يا فرحه ما تمت في اليووم الثااالث ... بديت احس بلخبــطه في كلااامي و لخبطه في الحركااات .. دخلت علي امي مره و لقتني راقد و انا واقف ههههه .. و مره جيت بنااادي ابوي قلت يا ابو راس ههههههه .. يعني زي ما تقولون فقــدت التركيــز ههههههههه قلت اكيــد ان فيه شي في راااسي .. و الله يا خوووفي ان الملعقه طايرتن في راسي و مسببه التمااااس ههههههههههه .. يوم خفت على نفسي و خفت اني افقــد شبااابي .. قلت ما لها غير اعترف لبوووي ... و اللي يصير يصير ..
رحت و قمت انااااادي ابوووي .. يبــه يبــــــــــه .. يبه و وجع <-- الملعقه مأثره على راسه لا تلومونه ههههههه .. قال هااه وش عندك .. قلت يبـــه أنــا بلعت لي ملعقـــــه و الملعقـــه الحين في راس أمي <-- ما زالت الملعقه مأثره في راسه ههههههه .. قااال ابووووي .. ويـيييييش ؟؟ مهبوووول انت ... انت شاااربن شي .... تبلع الملعقه و تجي في راس امك ... تعااال هناااا تعااال .. قلت .. شف و الله لو ما توديني للمستشفى انك ما راح تشوف وجهي للأبد .. و بكيفك انت الخسرااان ههههههه .. جاااني ابوي يمشي و خفت أناااا من التصفيق و انصرعــــت ... و لا صحيـــــت الا و انا في المستـــــشــــفــــى ... و ابوي عندي و امي و راسي ملفووووف عليه شااااااش .. قلت آآآه راسي يعورني .. قااالت امي : الحمدلله على السلامه يا وليدي .. و الملعقه و طلعت .. الله لا يعيــدها ملعقـــه .. قلت يمه تكفين وين لقوهاااا قولي لي .. قالت لقوها معترضه في مخـــك يا وليدي .. و انا اناظر في ابوي .. قلت شفت اني معلممك اني بالع ملعقه .. قال و الله بلاااه من الدلاااخه .. احد يبلع ملعقه .. تفوووو عليك انت و امك و هو يطلع من عندنا ..


بس و الله يا عقب الملعقه اني ماني بطيــب ... شكل الدكتووور يوم لقاها في مخي .. أخذ له ملعقــه من مخي و اكلها و الا شي هههههههه


ما يستـــفــاد :

لا بلعت شي رح للمستشفى على طول .
الاعتمــاد على النفس .
عدم ترك الملاااعق في ايدي الاطفاال .
ريع هذا الموضوع بيروح لأخواننا الفلسطينين . بعد إذن الاداااره يعني


يا الله خـــدعــــه شيء ..

و آسفيــن على الإطاااله ,,, <-- يا ويلي يا الذراابه كلها