تدري وش اللي يتعب البنت ...؟

--------------------------------------------------------------------------------

تدري وش اللي يتعب البنت يا عبود
رجلٍ يخون أشواقها و الموده
اللي إلا احتاج الغلا صار نمرود
وإلى شبع مما عطاه استرده
البنت ريحانة غلا ... ناعمة عود
تبي لها رجلٍ ورث طيب جده
رجلٍ فعوله كلها جود في جود
ما يلتفت للي كفوفه تمده
رجلٍ إلا جته الليالي بمنقود
يتكى لها ما بيح الوقت سده
مهوب خبلٍ ما رعى للهوى عهود
وادناة ما عارض طريقه يرده
ولاهوب لاعله ... ولاهوب ملهود
ولا شكوك ... و كل طاري ٍ يحده
ما اشين من الرجال لا جاك ببرود
وإن قال له ترف القدم شي صده
تبي لها براق طيبٍ له رعود
إن اجدبت يمطر على ريف خده
وإن نادته تكفى لقت عنده الفود
يشيل عزتها على قو زنده
كفه نفل ... وأنفاس صدره لها عود
وظلاله الضافي بيدها تمده
البنت خد ... وقد ... و نواظرٍ سود
وريحة غلاً ... يا عبود من شم نده
البنت إلا ضحكت ثمرها لك ورود
يا عبود من يقطف نواوير ورده
واللي يهين البنت ناقص ... ومقرود
فرس غلا ... ما هي حمارة مكده
,,,,,,,,,,,,,,,,,,,,,,,,,,,,,,,,,,,,,,,
والله محد قدكم يااااانعومياااااااااات
محبكم نوااااااف بلاحدود
منقووول