اخواني اخواتي وعشان مايزعلون البنات
(سيداتي سادتي )

اقدم لكم اخر قصائدي واسمها((( الموعد )))عسى ان تنال رضاكم واستحسانكم:


ودي اجلس معك ساعة او دقيقه اللي تبين ** المهم يرتاح قلبي يالحبيب العمر دين

لو تواعدني حبيبي اجي قبل بساعتين ** والله مو مني حبيبي هذا شوقي والحنين

انخطف ويضيع صوتي لا لمحتك لي تجين ** اتلعثم بكلامي صرت اقول السين شين

تسحر العين بحلاها وتخفي كل الجالسين ** كن هيئتها حديقه والورود الشفتين

حتى قبل تقول كيفك التفت واقول : زين ** ياحياتي ياعيوني امري وش تطلبين؟

قالت : ابغى قهوه تركي والحلا بس حبتين** قلت انا اشربها سادة والحلا من النظرتين

اشرق ان قلتي حبيبي وانسحر لو تضحكين ** لو جمال الكون كله يبتدي ماتنتهين

قدرها غالي عليا فوق عيني والجبين ** حبها يجري بدمي وعشقها بعيني يبين

عشت وقتي مع حبيبي آه يامحلى السنين** عشتها لحظه بلحظه من يسار ومن يمين

وابديتنا بالسوالف واهمستلي ليه حزين** قلت كله من ظنوني وخافقي همه دفين

واسمحيلي ياحياتي اسألك قلبك لمين ؟** قالت القلب لحبيبي وانت سيد العارفين

وقالت عيونك حزينه قلت خفت تفارقين ** قالت شدعوى افارق وانا احبك من سنين

لكن الواقع حبيبي مايطيع العاشقين ** والظروف اللي جمعتنا صعب ترجع او تزين

قلت وشوله نجامل وابتدى الخافي يبين ** وينها ظروفك من اول والا توك تذكرين

وصمتت عدة دقايق واعقدتلي الحاجبين ** وشافت الساعة وقالت : مابقى غير الانين

وقامت ولمة شعرها واستحيت اقول وين ؟** وراحت وعيني عليها لين اقفت ماتبين

بعدها عزمت اقسى وقلبي ابدً مايلين ** وانتهى الموعد بنظره من عيون الحاسدين

ومابقى غير الاماني والاماني ماتعين ** وانتهينا في دقايق وابتدينا في سنين


اخوكم ومحبكم

HAWAWEEE

وسلامتكم