أحبك حب لو تعرف كم أحبك بلا حسبان = كرهت اللي يحبونك وجيت الحب من شأني
تخيل لاتذكرتك : ذكرت البحر والطوفان = ولامن غبت عن شوفي لقيتك داخل أعياني
أحس الكون من بعدك متاهات وقهر وأحزان = أنا بعدك كذا عايش مابين الذنب وأحزاني
دخيلك كيف ماتذكر حنين الشوق والوجدان = دخيلك والزمن غلطة ثمنها وين وداني ؟
دخيلك لصفاء جوك تذكــّرلك بقايا أنسان = لعلك تذكر أجناني ليا من صرت وحداني
وأذا ماجابني هاجس ولا ذكرى ولا تحنان = يا أن الوقت متغــّير ؟ يا أنك واحدن ثاني
عرفتك مرهفٍ .. حسـّـاس .. عطوفٍ تكرة الحرمان = أجل ماهي بمعقوله تصير أسباب حرماني
تذكرتك / تذكرني / تذكر وقتنا اللي كان = تذكر كيف أغني لك وحضورك يربك أوزاني
الا وشلون ماتذكر حروف من الولة وأشجان = وكل ماغبت عن عينيك تدوّر لين تلقاني
أقدم لك قصيدة حب عروس ولابسه فستان = ذهبها بعض من روحي .. فدتك حروف قيفاني
من أول لاكتبت أسمك أحس بنشوة الكسبان = ولاكنه غدا هالحين يذكــّرني بخسراني
خسرت أرضاك بجنوني وأنا المخطي وأنا الغلطان = حشى لله ماتخطي ولالك ذنب بجناني
ورجعت أرتب أوراقي وضاع الرقم والعنوان = وعساة اليا قراء شعري ذكر رقمي وعنواني