لو تجرعني همومك وأرتوي من سمّـك && أعتبر كل ما يجيني سر مـن أسـرارك

قلبك اللي في خفوقي مايل ٍ مـن يمـك && لو دعيته قال مابي استـرح فـي دارك

قد سكنت اللي هواك وجاري ٍ في دمـك && لو تقول اسباب عذرك ما قبلت اعـذارك

يا غناتي والله ان اكبر همومـي همـك && وبالهموم احتارنـي والله ثـم احتـارك

وش يفرحني ؟؟ جوابي بس ضحكة فمك && وان بغيت اختار وسط الكون بس اختارك

ليتني مخلوق لحظة من قرايـب عمـك && والله أني لرتويـك ولـو تشـح آبـارك

لو تقولي لي تمنـى قلـت ودي ضمـك && والله أني لاصهرك بالثلج واشعل نـارك

والله أني غير اضمك واهتني في شمـك && واحرقك بأنفاسي اللي ترجمتها أفكـارك

عانقيني ليـن آآصـل لانهايـة جمـك && وأرتوي من بحرك اللي غير كل بحـارك

لو تذميني ابنطـق آآآه محـلاا ذمـك && لاني احسد في يدينك خاتمـك وسـوارك

كيف ما يحلى كلامك وانتي أصـلا أمـك && قطعةٍ من نور تابَـع داخلـه مشـوارك

بس ابسئل يا غناتي وش فصيلة دمك؟؟ && عفواً أخطيت بسؤالي ويش هي اخبارك؟


تركي بن عبد العزيز ...