لاجيت ابنسى واتراجع واسامحـك && صاحن جروحي واشتكن لي طعونك
كلك خيانه قول وشلـون ابمنحـك && وش موقفك من شخص دايم يخونك
اكبر خطا لو جيت يمـك اصالحـك && اول تحـول لاتـغـرك إلحـونـك
اللي تقوله صح لو كنـت جارحـك && (مير) انت غارق للاسف في ظنونك
وصفك نسيته بس باقـي ملامحـك && بنهيك وانهـي بالنهايـه جنونـك
ماتستحق امد (كفـي) واصافحـك && مثلك غلـط عمـري وابحيابدونـك
لعبت دورك شاهدات(ن) مسارحـك && خدعتني واظهـرت خافـي فنونـك
كنت اعتقد قلبي هو ابرز مطامحـك && اللي يبيع النـاس لجلـه يصونـك
تعبت اسوق الشوق يمك واصارحك && اخلصت لك بالحب شوفت عيونـك
لكن خسارة صرت غاية مصالحـك && ياليتنـي ماجيـت لحظـه بكونـك
بالامس كنت بنشوة الحب امازحـك && اخيـل برقـك واتحـرى امزونـك
واليوم من صفحة حياتي ابمسحـك && هديت صرحك ثم طاحـت ركونـك
ولابي عيوني لو تصورت تلمحـك && اعلنت موتك وانسجن لـي كفونـك
وان جيت تطلب ترتجيني اسامحـك && بهديك طعنه مـن بقايـا طعونـك