:::::::::::::::::::::::::::::::::::::::
اعترفلك اني خنتك يا عيوني اعترف
في دقايق ضعف مني خنت وعدي البارحه
ما توقعته فؤادي ف حب غيرك ينجرف
بس جتني اللي فهواها جت صريحة و واضحه
قالت انته كل عمري انت حبك مختلف
انت عشق في حياتي فيك روحي سارحه
يا عسى ” شيك ” المحبه باسم قلبي ينصرف
يا عسى تبقى نصيبي دوم وابقى رابحه
هي تحبني تموت فيني تفدي روحي و تحلف
في رضا قلبي وعيني تبقى دايم ناجحه
غصب عني حل فيني شي لا ما ينوصف
لا تلوميني دخيلك لا تكوني جارحه
أدري لحن الحزن دايم في فؤادك ينعزف
وأدري عينك في دموعك يا حياتي سابحه
وأدري قدري في عيونك خف نوره و انكسف
وأدري اني في حياتك صرت غلطه فادحه
بس لحظه سمعي مني لك بقول و بعترف
كل هذا حلم جاني في المنام البارحه
وسلامتكم ,,,,
اختكم الاميرة