الا يـــا صبر ملــيتك متــى تـــتــحقق الامــــــال متى هالفرح يعرفني متى ارسي على جالهـ
متى هالضيق ينساني تعبت اسمر معاه ليــــال يرحبي في كل ليلة يقلطنــــي على دلالــــهـ
واقوم اقدع من همومي ويصب من الحزن فنجال تعبت اتمــــم دلاله تعبــــت اهــــز فنجـــــالهـ
الا ياصبر شف ضيقي ترى والله كـــريم سبـــال في كل ليله يقهويني الا يامطيب افعـــــالهـ
والا ياصبر مـــن شانك تجرعت العذاب اشكـــال وحشمتك مثل ما يحشم كريم الاصل من جالهـ
والا ياوقت وش باقي مــن الضيقه من الغربـــال تعـــال ودلني وينه ابنهــــي اخر اوصــــالهـ
والا ياحبي الغايب تعال وشوفني باي حـــــال عشان تعرف وش معنى حكاية حيل يرثـــالهـ
وعشان تعرف وش معنى قصيدن ينكتب مــوال شعور الحزن يبكياه الا من جــــــر مـــــوالهـ
اذا هذا شعور الشـــعر فغيابك بعـــد ماطــــال اجل وش حال من حبك تصور وشهي احوالهـ
حبيبي صعب تتصور ترى حالي صعب ينقــــال شبينلك شوضحلك حبيبي خلنــــــي دالـــهـ
ترى قلبي من بعادك يشيل من الهموم جبــــال تعال ورجع اوصالك تعال وحطــم جبـــــــالهـ
انا صابر على ضروفك ولو ان الضروف اثقـــال مدامك تشرح لقلبــــي ضروفك هانت اثقــــالهـ
ولكن غيبتك طالت دخيــــل الكحل والسلســـال دخيل الجمر بشفاتك دخيل الرمش وضـــــــلالهـ
دخيل الشوق في قلبك متى نرجع لقى ووصال متى هالشوق يتحدى ضروفك يحضن وصــالهـ
ابي ترجع مثل اول ابكسر شــــــوكة العــــذال لان القلـــــب فغيابك كثر بالحــــيل عذالـــــهـ
ابي ترجع عشان انطــق الا ياصبر وقــــتك زال توكل روح الا تنسى تشيل الضيق ودلالــــــهـ