حسبي الله من كلام ن به رعود=حالف الأيمان كذبه مخسره
لو بغيت الرد ِ من رد الوجود=لحْضر أوراق ِ واكتب مفخره
وما هقيت إن الموالف لي يعود=من عقب صيحات قلبه مسخره
ظناته اني ارتوي بعين العنود=اتاري قلبه مع هميس ِ ميسره
وظناته اني احتوي كلمة عهود=في غياب الشوق ِ يمكن اكسره
الحاجز اللي بيننا ثقل السدود=منبع خفايا حاضرن من مكمره
هاك القلب من عطاه حق الصمود=للعشق ونات ِ يعزف مأسره
ولن نويت البعد ِ عللت الردود=والردى لن جاه يمي اهجره
كاتم الانفاس من حرة جحود=يظيم قلبي اللي تبعثر بعثره
صعب القوافي لطمة الخد ِركود=لجاني خلي بكتاب ٍ ما اشكره
ومن يوم يومي بهواه دمي رصود=فوق الغدير موقع تلاقي أحمره
نافر ٍ حبه الزبيب توه عقود=به وناسه ما تعلل جمهره
بناظره وعيون ِ تخشى من الحسود=خوفي عليه من الصفات المبهره
يا ويل قلبي يا سعد بنت السعود=من جفا الالوان صدة محظره
ولا حكيت ولا بكيت حسب البنود=لن غبت عنه كتاب شوقي يخبره
اني طريح بالهوى فرشي رقود=اليا أقبلت خفاقي يعشق منظره
وما هقيت ا ن الفكر فيها جحود=لا بكت عينه حروفي مسطره
فيها الغلا رمز المحبه والودود=صفحن جميلن حالمات المعشره
زين الكلام ِ والشذا همس الورود=الاقي نصي وابكياني اسحره
وزيد عليه من العطايا ما يزود=من خفايا قلبي محضر محبره
واخر كلامي لا تعديت الحدود=استغفر الله من كلامي ما اجبره