بســـــــــــــــــم الله الرحـــــــــــــــــــــمن الرحـــــــــيم ... نبدأ
أختـــــــــرت لكم هذه الأبيات ..عسى أن ترقى إلى ذائقتكم الشعرية
.....................................
«®°·.¸.•°°·.¸¸.•°°·.¸.•°®»فــــــــي خاطري كلمتــــــين «®°·.¸.•°°·.¸¸.•°°·.¸.•°®»
من عز نومي صحيت وشفت في عيني
دمعٍ تهادى على جفنـي وأنا غافـي
سترت دمعي بكـمي قبل يغرينــي
وأخذت هذا الجسـد من باقي لحافي
وسريت تايه ورى خطوات رجلينـي
لاالوجه وجهي ولاأوصافي هي أوصافي
أمشي وأقول لطريقي لاتودينـــي
لعيون ناس تبي تدري عن الخافــي
أمــانتك...خلهـا مابينك وبينــي
خابرك يالدرب خوة عمـروسنافــي
ماودِي الناس تدري وش يبكينـي
كـرامة النفس(ورث أبوي وأسلافي)
أمشي وأحس الخناجر في شرايينـي
والبرد يمشي وراي وينهش أطرافي
وحيـد والليـل بـردونه يغطينـي
تقول كن البلـد روح بهـا السافـي
إلين ماأوحيت لي صوتٍ ينادينـي
صوتٍ أعرفه مثل ماأجهل وش خلافـي
قمت أتلفـت وأنـادي لاتخلينـي
ماغيـره...الصوت هذا صوته الدافـي
ولمحت زوله من أقصى الدرب لافيني
مـدري وش أقول لكن حي هاللافـي
تعال.. شف غيبتك كيف أثرت فيني
تعال..شفني وأناأغرق عقب مجدافـي
تعال..خذني ورحبّي من عناويني
تعبت أعدي على جمرك وأنا حافـي
تعال وأقطف بصوتك زهرة سنيني
كل المواعيد عقبك شمـعها طافــي
تعال وازرع خصل شعرك بكفيني
بضـمها لين أحـس بليـلك الضافـي
تعال وشفيك خايف؟أنت ناسيني؟
قطعت صوتي عليـك وطال ميقافـي
حتى بديت أشعر أن الحب معميني
وأن أنت حلمٍ عثى فيني وأنا غافـي
لكن أمانه ترى اللي فيّ كافيني
إن رحت منك كذا مارحت متعافـي
بّصدق الحلـم وأحذر لاتصحينـي
في خاطري كـلمتين إن قلتها كافي
أمانة الله عليك إن غبت عن عيني
لايكون قلبك مثل قلب الزمن جافـي
مع كل دمعة تذكّر رعشة يديني
ومع كل ضحكة تذكّر قلبـي الوافي..
«®°·.¸.•°°·.¸¸.•°°·.¸.•°®»للشاعر//فهـد المسـاعد«®°·.¸.•°°·.¸¸.•°°·.¸.•°®»