السلام عليكم ورحمته وبركاته
احيــانا .. يحتـــاج الانســـان للتعبير عن ما يجول في خــاطرهـ..!
قد يعبر عنـهــــا .. بالكلام, لشخص عزيز.. او يعبر عنها بالشعر.. او بخاطره .. واساليب التعبير كثيرهـ..!
لكن في الاول والاخير ... يظل الشعر .. هو الاسلوب الاميز .. للتعبير..!
مهمــا اختلفت اللغــات .. او اللهجــات ..!!
مهما عبــر الانســان عن ما بداخله.. فليس شرطــا ان يظهره للغير ..!
<< مااعرف اكتب مقدمــات . . لمواضيعي ..!
من الآخر قصــيــده كتبتهــا .. من زمــن .. واحتفظت بها في ( ملاحظات جوالي )
لا اعلم ما الذي جبرني على نشرهــا لكمـ .. لكن نشـرتهــا.!
لا انتظر النقـد عليها او التصحيح ..!
ففقد كتبتها عفويه .. وجاءت تلقائيه .. لم اتوقع ان اعرضها على احد ..!
لا من قريب ولا من بعيد ..!
ولكن تقبلوها بجميع ما فيها من عيوب ..!
اسف على الاطــاله
اترككمـ مع ما انتجه خيــالي المتواضع..؟
قبل الفجر قدام يرفع اذانه = سمعت صوت اللي احب وتكدرت
و نثرت دمع العين كله عشانه = والا قبل ياما عن الدمع كابرت
وكل .. مابكى!!! ...(قلبي تغير مكانه) = وأحس كني في وريدي تخدرت
ورحلت عن دنيا الشقى والمهانه = لا الواقع الحاضر .. ولا الناس عبرت
ومن زود حزني عشت واقع زمانه = ممرضه .. دكتور .. شكله تصورت
وسرير ٍ ابيض ضم بيديه دانه = ولو إني اقدر رحت ولغرفته زرت
حتى ولو يزعل علينا اخوانه = ولو ان موتي عندهم رحت خاطرت
يا ليتني اجلس دقيقه وزانه = وأعوض سنين ٍ بها كنت قصرت
يا ما طلب مني اجرب حنانه = يا ليتني يومه طلب ما تعذرت
واليوم من دونه وقف لي حصانه = وسحبت نفسي من حياته وقدرت
ودعيت من رب ٍ تعلى بشانه = يالله تقبل دعوتي يوم لك جرت
انه يعيش براحته و ابأمانه = انت الذي خلقت خلقك وقدرت
وسلامتكم .. بعضكم يمكن يقول القصيـده ناقصه ..!
اقول له .. حذفت بعض الابيــات للخصوصيـه ..؟
تـحـيــآتـــيـ آبـثــهـــآ لــكـمـ عــبــر آثـيـر مـنـتـديــآتـ .. مـمـلـكة ذوقـــي ..!