أبو نايف

تابع ( 3 )

حطه على الصامت

أنـا ودي أعايـدك واشــوف مـالـك ود
واخاف أتصل وتصد 00 وتفرّح الشامت !؟!
ياغالـي إذا دقـيـت ولانـويـت تــرد
بسيطه : لازاد الدق حطه علـى الصامـت
تبي الجِد خايف لاتهـور معـك مـن جـد
هذي العين لا لدّت 00وذي النفس لاشامـت
وش اللي يحدك تسمع الناس حِـد وحِـد ؟
بضاعـة جلاليـبٍ لابيعـة ولا نسـامـت
تبي نفترق؟ حاضر..تبـي نتفـق ؟ لابـد .
اعرّف الطيور اللـي علـى نيّتـك حامـت
ولانـي بطايـح فـي فراشـي ولامنـهـد
جـروح المفـارق لا اقعدتلـي ولاقامـت
ياكثر التعـب والضيـق والبهذلـه والصـد
عوين النظر لا حـب 00والـروح لاهـام
إذن أعتذاري يفرحِـك يـا جميـل القـد ؟
ياكم عن أسفك تجلّت النفـس وتسامـت !!

خلك سمح

ليا جتك عوجا في طريقك فخلـك سمـح
ترفع وروس اعـداك فلقـا ..ومنكويـه
تعلم مـن الايـام واكتـب عليهـا وامـح
بني نبـح ماتفعـل فعايـل بنـي عويـه
وجيه الليالـي ياسنـادي عبـوس قمـح
توارد علي من شـدة الضيـق منطويـه
وانا يوم أحق الشـوف فيهـا بليـا لمـح
تقول انهـا مـن ثومـة القلـب مشتويـه
علي الحرام اني عن اهل السعاده طمـح
بعد ماقضى الصيف ونوينا على الضويـه
ياعطاف بين الرمش واخوه رمح ..ورمح
لهـا زرقـة والـروح منهالهـا دويــه
بخيل الخطايا طايـح فـي كريـم الدمـح
ثقـة نفـس ماتلـوي ولا هـي بمنلويـه
وجودي عليكم وجد من يزرعـون القمـح
كلا الطير مرزقها وراحت وهـي خويـه
وألا ياوجودي00 من وجود جمح بي جمح
توجاد اخو نوره على (وليد بـن شويـه


خــواتنا


حنا عزاوينا ماتقرن في الذلـول وفـي الحصـان
خواتـنـا رســت عزاويـنـا وفيـنـا لقـبـو
لاصاحت الحره طلبنا الموت عـن وقفـة جبـان
واللي تعزوو في دواب الارض قلي وش عبـو ؟
قصيرنا له في الحلال وفي الزلال وفـي المكـان
ورفيقنا يصنـع بنـا فرجـة ومـن دونـه قبـو
واذا تجاهلـت الحقيقـه ماتجاهلـهـا الـزمـان
لكـن تعـال وهـاك منـي عـن فعايلنـا نـبـو
حنا عيال امظيم يوم الظيم فـي حـرب قحطـان
وحنا سلالات ارحبو .. ثم ارحبو .. ثـم ارحبـو
يفرح بنا العاني ويلقى له عـن الصوكـه ظمـان
وضيوفنـا علـى مجالسنـا يسوقـون الجـبـو
مـن طيبنـا بيـن القبايـل لانهـون ولا نـهـان
واللي يشكك في تسلطنـا العـرب ملعـون ابـو
كان ابن هادي ياخذ الجزيه علـى تاجـر عمـان
يحميـه يـوم ان القبايـل ماتعـيـش الا سـبـو
وعدونـا مـن بيرنـا لاشـرب يلحقـة الامـان
وامهارنا مـن خلقـة الدنيـا فـلا تعـرف كبـو
حنـا نتحـزم بالجنابـي مانشـيـل الخـيـزران
واهل القلوب السـود لاطالـو ولا منهـم شبـو
خذ كلمـة اللـي لاتحاكـا مايبـي لـه ترجمـان
واترك عجاج الخيل لا يلحقك فـي العجـة ربـو
واعرض عن كبار الجموع الي لهم في الشأن شأن
وانا ما عرف اسمك ولا رسمك ولا حتى يبـو !!


يقولون اربوعنا ماينفع إلاّ أللي ابوه ينفع !!


ياحامـل مكتوبـنـا هــذا ألــى
أمطـاول اجبـال البلـد ونخيلـهـا
رح لين تضرب فى العلا وأنشد على
لهـبٍ سحايبهـا وحـربٍ سيلـهـا
سلامةً من حـرب كسـب أمجمـلا
قبيـلـةً مــا ينـخـذل قبيلـهـا
فى الهينات امـن الامـور امكفـلا
وإن جت ألامور الكايده خلّـي لهـا
قـل ياسلامـه لاعـدم ولا خــلا
منك وأعـوذ مـن الحيـاة وميلهـا
أنا بوجه الله ووجـه أغـلا المـلا
سلمـان أبـوك مريفهـا ومحيلهـا
أموالنـا ضاعـت وحالتنـا بــلا
وأعوالـنـا برقابـنـا ونعيـلـهـا
على وجيه أهل الـردا قلـة حـلا
وأخـوان شمـاء جملهـا جميلهـا
لولـي بنـي عـم هنـا ومـعـوّلا
بعيرها يحمـل 000وتنجـي خيلهـا
مابيع في سوق الغـلا غيـر بغـلا
الطيبه فـى السـوق ياحبـي لهـا
إذا عطيت إحمـدت وإن ردّت فـلا
يلحقـك منـا حطهـا ألاّ شيلـهـا
الطيـبـات أمسمـنـات ألـهُـزّلا
والفرق بين أعني بها 00وأعني لهـا
والله مـا ننـسـى جميـلـك ألاولا
إلا إذا تنسـى الخيـول أصهيلـهـا




سوق ودكان


نصحيتك فادتني وانا خـوك يـا سلطـان
وانا وانت صحبـه والهمـوم انتقاسمهـا
خذاك الرياض ورحت عني وابن قضعان
خذته الكويت وصار ضحكـه لمبسمهـا
وانا لو معي في سوق فرقا النـدم دكـان
لبيـع الدمـوع اللـي مقامـي موسمهـا
ابوّة هل البـر وفعايـل هـل الاحسـان
تقـول انهـا تشربـك وانـت اتنسمهـا
ولاانت بصديقي لن كل العرب صدقـان
ولابـث روحـي للهبايـب واقسمـهـا
رفيقي..وابن جدي وسيفي على من كـان
ولارفقـةٍ لا زلـت افكـك طلاسمـهـا
اجاهد جفا الاصحاب وارهي على النسيان
مدام ان حـب الشارقـه مـن قواسمهـا
ياشين البلد لاصار فاضـي بـلا سكـان
لو الـدار عاقلهـا بلـش فـي منسّمهـا
وانا لو حسبت الصد من قيمـة الحقـران
علي الزرى لا اموت من حـر ميسمهـا
تريّح ترى ماهيـب صـده ولا سفطـان
فصلنا سلـوك احلامنـا عـن مقسّمهـا
بيوت الكرم من غيـر سـورٍ ولا بيبـان
وبيوت الردى جولات والبخـل حاسمهـا
ابيـك اتذكرّنـي ليـا شبـت النـيـران
مثل ماذكرتـك يـوم ثـارت عواسمهـا
كبار الدول ماحررت شبـر مـن لبنـان
ولا القدس رجعهـا حمدهـا وجاسمهـا
وانا وانت معنا قاسـمٍ مشتـرك يااثنـان
اقولـه وعطـران الشـوارب ندسّمـهـا
نجوم الهواجر بيّنه فـي سمـاء قحطـان
عطيتـك وصايفهـا يارسـام وارسمهـا


شلون تقسى

شلون تقسى ياحبيبي ونت عودك خيـزران
لاعاد تقسى مثل ماتقسى السنين الماضيـه
ياعود ماسموك عود الا ولـك قـد وليـان
حتى الايادي عينها عن قطفتـك متغاضيـه
يالله تحنن مابعد جربت في عمـري حنـان
ناظر عروقي من الحنان الي تعرفه فاضيه
ماعاد في صدري جلد يالله عليك المستعان
غديت كني بايع الرمضـى لعيـن لاضيـه
ليه اتغلى ؟ ولت دروب التغلي من زمـان
الي طرحني في هواك الضربتين القاضيـه
الاوله ساعت لمحتك وصبحت عشري ثمان
والثانيه يومك معذبني وروحـي راضيـه


ظربة معلم


ضربة معلـم صـح ، لكنهـا تعدتنـي كـذا
ونا احسب انها بين حجاني وماضاقـن فـرج
جت لي سلامه ماكتب ربي علـى نفسـي وذا
الي مع الله دايم(ن)يلقى مـن العـوق مخـرج
انا بوجهـك ياكريـم الوجهـه عنهـا واعـذا
عن عيشة(ن)فيها يساوي العاج عيدان الـزرج
اطاولك ياورد لو مالـك مثـل وردي شـذى
ون كان تبغى الصدق عن دعواي حدث لاحرج
انت تكلف في مواصيلـك ، ونـا فاهـم لـذا
قررت اقصرها معك بشويش خطوات الـدرج
مابيك تجبـر خاطـري ، وتعلـم العالـم وذا
بمواصلك منه ، انا ماني مريـض ولا عـرج
البحر ياغطشان مابه شـرب لكـن بـه غـذا
ليتـك تعلـم تسبـح الامـواج لامنـه مـرج
الي عطاني اياك هـون عـن عطايـاه وخـذا
وحلفت مايصدع عليك الراس والدمع يهـرج
كنت اتمسك فيـك ليمـا لحقنـي منـه قـذى
العشره الي شققت صـدر الحبابـي ونبـرج
تقـول الزمـان مغيـرك ولا عـدو الله هـدا
وتصير تركب لك حصان لانعسف ولا انسرج


طولت السفر


قال طولـت السفـر قلـت الحقيقـه
مامنعني من الرجـوع الا ضروفـي
باعدتني مـن الشقيـق عـن شقيقـه
وفــي يديـنـي كــف شـوفـي
كل ماواجهت وسـط القلـب ضيقـه
قلت ياجـوال افعـل بـي معروفـي
كلـم الـدمـام لوكـانـت دقيـقـه
تنحسب في شركـة الهاتـف بالوفـي
والله انـي ماستشفـه ليـن اريـقـه
هاجسـي وطمـن الجمـره بجوفـي
ونت لاتشره علـى البحـر وغريقـه
شرهتك لاصار وقتـي فـي كفوفـي
بـس ياهـي ولعـة فينـي حريقـه
دمعتـك ومناهـدك قـرب حتوفـي
الصبـر ثـم الصبـر لومـا تطيقـه
خير من شماتـة الحـال الضعوفـي
ياصديق القلـب قلبـك مـن صديقـه
انت حرف(ن)من القصيد ومن حروفي
ماذبحني فـي الذهـب لمعـه بريقـه
الذهب مـن معدنـه والحـر يوفـي
منت بغلا من هلـي هـذي الحقيقـه
امنعتنـي عنهـم وعنـك ضـروفـي


عرض الطاري

عرض الطاري لبوحمري وغنى
واستوتله طرقتـه والقـاف لالا
ساع مالجت هجوسه مـا تونـا
هاجسـه جباروافكـاره تـتـالا
منيتي ياسعد ابـو قلـب تمنـى
واحد موتي على شانـه حـلالا
قام يهدم فـي ظلوعـي ماتبنـى
قبل عرفه واصبحت جرف هيالا
لاحنى وأنـا احسبنـه مستظنـا
وانتقض جرحي وأنااحسبه تشالا
مرنـي وألا ادن منـي واتدنـا
واجعل أدقاقي على شوفك اجلالا
ياهواي وياعنـى قلـب المعنـي
لوسمحت اسألك ياعمري سـؤالا
ليه يوم انك ذهب بالكـف حنـا
والهوى صحاك وارموشك كسالا
وليه عودك بيـن كفينـي تثنـى
كن كفينـي علـى لينـه تمـالا
غبت منـا واقبلـت منـا ومنـا
وعقبها خليـت للدمـع المجـالا
وعذري ان ايامهاخرقاء وخنـى
والربيع ان مـر ورداتـه ذبـالا
يابعد راسي وأنا زبـن المجنـا
جيت يمك زابـن عمـر تـوالا
هارب من سيف عنتر والمثنـى
راضي في حكمته جل وتعالـى
لاتطـول غيبتـك خطراجـنـا
واحـد مهبـول وتزيـده هبـالا
يوم شافك غبت هم هملك وغنى
يــالالالايــالالالايــالالالا


علم وسلم


من هانت النـاس فـي عينـه ولـد هنـه
لاغاب يا قِلّته000 وان مـات ياهونـه !
ماتلحـق اللـي يحِـب ألاولــه ونــه
حـي ألـذي كلـمـا عدّوو00يعـدّونـه
يابيـت عـودٍ لـه الفضـل ولـه ألمِنـه
من بعد فضل الولـي ومسيّـس إركونـه
علـيـك يـبـاالله الشِـكـات والظـنـه
وعن ذكـر زولاً دلقنـي دلقـة اقرونـه
اللي خذا الحُسن من حُسّنـه ومـن فنـه
جماله (أشيـاء فـي أشيـاء مقرونـه) !
يعجبـك فـي منطِقـه ويهوّلـك سِـنـه
من خفّـة إيديـه ماحسّيـت بطعونـه !!
أحن نفسـي عـن الختـلات 00 واحنّـه
عن كلمةٍ (مُرّغلـه) مهيـب (مختونـه) !
إمجـار يابيـت غالـيٍ عنـدنـا كِـنـه
بيـتٍ لنـا ندهـره بالطيـب ونصـونـه
احِـب جيّة(ظـلال الضيـف) فىالكنـه
وهبّات ريحه000ومجلاسه000وماعونـه
بيـتٍ لطمنـي شحمـه00 وساقنـي بنّـه
ُحّـرم علـي ماتعـزّب فيـه وا خونـه
لو نفـرض إن (الـردا) ماعنـي وعنـه
وش جابني في حجاا النايف وانا دونه؟؟؟!!
أنـام وأنـا أفراشـه مستـحـي مِـنـه
أللـي سواتـي منامـه عـار لعيـونـه
من جاب له ورع مِن ( قينه) حمـل قنّـه
السِنّه أللـي مِـن (العـادات) مسنونـه!!
ولاني بمحـروم جعلـك تُحّـرم الجنـه
يُقّسم لنـا مـن بنـات الـدُر مكّنونـه !
وماضّرني قول (يابلّفيـت ),,,(ألآفِنّـه )
أشيل من بالي أني شخـص يعنونـه 00
فليـا حمـى سـوق يومِنّـه00 ولكِـنّـه
أشّلـع بهـم راس صوحـاً مايطولـونـه
أللـي يـدوّر علـى (ألملهـات ) لوإنـه
ماهوب (ممّلووه) (مانقبه علـى شوونـه)
من يحّسِد الخِبل فـي عقّلـه ياعنـك إنـه
ملعوب به لعب 000كان الله في عونـه !!
أحـدٍ يجـي حظـه أجيـد مِنـه ويعنّـه
وأحـدٍ هبوبـه قِشر000والحـظ بالونـه


على الله

علـى الله نتـكـل والـعـز بالله
وظـل(ن) لاظـلال غيـر ظلـه
امـنـا وستـعـنـا وهتـديـنـا
بهديـه والرسـول بخيـر ملـه
اذا الرب ابتلـى عبـده بحاجـه
وهـو داري فهـذي حكـه لـه
ونـا عبـدك ذليـل فـي قبالـك
ذليل (ن) فـي قبالـك والمسلـه
افل الراس لـك وحنـي جبينـي
على سبعي وعفوك مشفـق لـه
إلاهــي يـاإلاهـي يـاإلاهـي
مبـي عمـر طويـل ولا مهلـه
ابي نـور يسفـر لـي طريقـي
وذكــر مـاخـذاه انـسـان لله
وعلـم اتقـي بـه عـن جهالـه
ومـال ابـذلـه وقـنـاد دلــه
وســد ماتبيـحـه اللـيـالـي
وشخصيـه ولـكـن مستقـلـه
على العبـد الدعـاء والاستجابـه
بـيـدك يـامـعـزه يـامـذلـه
بعدهـا يانجـوم اليـل هـاتـي
عـلـوم لادقــاق ولا مجـلـه
ذعاذيـع الصبـاح بيـوم بـادي
بدى خلـف الشواهيـق المطلـه
سلام الله علـى وجه(ن)ذكرنـي
بعـد لحقـه مـن الفـلات فلـه
ونا مثله ذكرته مانسيتـه مـزار
الطيـب مـانـي كــاره لــه
سلامي له علـى قـد المعرفـه
وحبـه مـن محبـة شايـب لـه
بنـي عـم وبنـي دم وجماعـه
وصيب وطيـب عرفـه مايزلـه
يذكرني بهـم بيـض الصحايـف
وتذكرنـي بهـم بيـض الاهلـه
وتذكرنـي بهـم هـب النسايـم
وتذكرنـي بهـم نـار مصـلـه
وتذكرني بهم صعـب المواقـف
اذا ضاقت علـي والربـع قلـه
نصيـت بيوتهـا والقـى عمدهـا
محـرره الصـدور المستعـلـه
ونا عنـدي بنـي عـم وجماعـه
ولـي لابـه ونـون مستخـلـه
على ارض المعرفه يمطر سحابي
لاشفـت ان الطوالـع مستبـلـه
ولا اسكـت للظليمـه والهزيمـه
وحشم الكلب في حشمة هل (ن)له
يزيدك لا لحقت انسـان ناقـص
ولا ماشي الضعيف ولا استغلـه
ولا زاد القصيـد اشبـار كفـي
تداولهـا العـرب ولا المجـلـه
قصيدي قبل اقولـه ينحنـي لـي
وقبـل اطهـره وبشـرط مـلـه
اذا شـرواك يالقرفـي عوافـي
اذا حـاف الـردي نذر(ن)لشلـه
من الصدر انزعه نزعـة مدلـي
نزع دلـوه مـن الطـاوي وتلـه
لهـب صـدري مقـام مايطـاول
وربي بين اصابيعـي كفـل لـه
كلام(ن)مايـسـاق الا لـغـالـي
عسى كـل القصايـد فدوة(ن)لـه
ياسلطـان المحبـة منـحـة الله
يجيه الرجل حـر وتنسجـن لـه
ونا ماني مشكـك فـي شعـورك
لاشك الرجل له قلـب(ن) يدلـه
ونـا بعلمـك حيـلـة يديـنـي
وكفـي باسطـه مانـي بـغلـه
عطاك الله ثلاث(ن)من صحيبـك
عوضهـا والزمـن لاتستكـلـه
وذا هي بالوجيه الوجهـه ماكـن
وذا هـي بالحـلال فـداك كلـه
وذا من دونها عصـم الشـوارب
حـلال القـوم ياسلطـان خلـه
ترا تزويجهـا مـن راس ابوهـا
ترفع عن هوى منت بـهوى(ن)له
يردك باب وتجـي لـك دريشـة
تحججـك البـراهـن والادلــه
اخذ مـن كـل وردات الحدائـق
وشم الـورد عـن قطفـه وهلـه
وكبر الجد لـو تـدري مصيبـه
ضريبة كبر جـد الرجـل علـه
ليا سرت الجبل ماخطاك رامـي
كبـار الاسـم ماهـي مسفهلـه
اقـولـه والشـدايـد علمتـنـي
ماحط السيف في مغـلاف سلـه
وحب المطلق الذرب المحكحـك
وعاف المنثبـر والطلـق اجلـه
لان الاحتكـاك اصـل الحـراره
اعامل منـه وحيـان اعمـل لـه
ونـا ماخذتهـا قسـم ووراثــه
وماجتنـي ونـا قاعـد .. لابالله
اسوق لها القدم فـي كـل ديـره
وجي راعي التجارب في محلـه
جنوبي(ن) يهـز الظلـع طولـه
جميلات المواقيـف استعـن لـه
اخذت الطيب من وجهـي لبيتـي
وطيع ابوي كني الا عصى(ن) له
تظيـق وبعدهـا كـل انفراجـه
كلامـي لا سمعتـه ففتطـن لـه
اذا طال مرضـك قلـو ربوعـك
تـروح بفلتيـن وعـاف فـلـه
ورفيقك ثم رفيقـك ثـم رفيقـك
تبيـن ضيقتـك ابلـه وظـانـه
يجيك يشـد دلـك ويشـد ازرك
ولامـن غـاب عنـك ماتـدلـه
صديق (ن)ماخذ(ن)كاس الصداقه
ترا راعي الجمايـل ينجمـن لـه
هـذا والبيـت لاتنسـى عمـوده
وسلم لـي علـى خشمـه وقلـه
حلمت البارحه حلم (ن) مسمـى
ولاجته السماوه مـن سمـا لـه
خيوط المسبحـة عنـده خرزهـا
ونـا انشـد عنهـا نشـدة مولـه
ونا شفت الخرز في كـل ديـره
وببيـوت الشعـر وبكـل فـلـه
ونا راضـي بمـا قالـه ظميـره
عسى الي مستوي لي يستوي لـه
اذا هي بالوجيهه الوجهـه ماكـن
وذا هـي بالحـلال فـداه كلـه


غـــــن

سبحان من نـزل الانفـال والزمـري
والحمـد لله بـاول واخـر الصـوره
من بعدها والقصيـد بطاعتـي ومـري
انزل قوافيـه والقـى الـدر ببحـوره
يامحمد الغصن الاخضر يانع(ن)ثمـري
وراه الايـام محـمـود ومشـكـوره
ماياكـل الميتـه ليـثـي ولا نـمـري
والله يعـز الاسـد والنمـر وشبـوره
والخيل لولا السبق واللـز والطمـري
مافرقو فـي كديـش الخيـل ومهـوره
ان فازت البكره انشد عنهـا الظمـري
مادخلت في السبـق ماهـي بمظمـوره
شهران ماتجهل الكـودي ولا الغمـري
قبايـل عاربـه ورقــاب مسـمـوره
قصايدي تنتشي بـك نشـوة الخمـري
تدور بك في الفلك تسعـة عشـر دوره
الصاحي ادنـوه والمجنـون للعمـري
ودوه علـى مطـوع يضبـط شعـوره
لاعبس الوقت شاعر عبـس ماتمـري
عنـه المواقيـت والاحـداث مخبـوره
واللوح في مركب البحار من سمـري
الله يسهـل علـى الكابتـن وبـابـوره
والسيل يحيي البلـد ويسبـب الدمـري
كان السماء غيـم والقيعـان ممطـوره
ادخل على الهاتف الجوال في الميموري
تلقى الهواتف والاسماء فيـه مذكـوره
كلم على الي حديـت لبيتـه الكمـري
تشـوف ترحيبتـه وتـذوق ميسـوره
قله علي بن محمد بن علـي الحمـري
لاجـاع ماياكـل الا خـبـز تـنـوره


فاصل الريوس

ياخيّتـي هـذا الـزمـان التـافـه
خلانـي أتعـرّف علـى طُُـرّافـه
فـي ليلـةٍ عقّـال أهلـهـا قِـلّـه
هاجـه وسمّاجـه وضيـم وآفــه
منـا تجـي خطمـه ومنـا لطمـه
لاوالله إلا شغّـلـوو المِـحـذافـه
والماقـف أللـي تعّسُـره شيبـانـه
وتغيـب عنـه ؟ تحوفـه الحوافـه
والمجلس أللي فيـه عشـر أشـدّه
عجزت لاعّرِف هامتـه وأطرافـه
والعارفيـن (أشـدادهـم) مايُثّـنـا
لاصرت راعي مشيخـه وعِّرافـه
ومن لاخذو شوره وهـم فـي بيتـه
لا تحسـبـه ولا تعـيـد تخـافـه
تـدرون ؟ يارجـلٍ بليّـا هيـبـه:
ماينحـفـظ قــدره ولا ميقـافـه
لوكنت ذا مـالٍ ولا لـك سُلطـه ؟
خليفـةٍ لـكـن بــدون خـلافـه
ياحبنـي لـك يالقصيـد الشعـبـي
مـن بحـره لقيفـانـه لمحـرافـه
أملك مـن الاشعـار مايجعـل لـه
فى الصدر بنك وفى الجما صرافـه
نغمـة قوافيّـه تهيّـض سمـعـي
علـى نغـم تسلّسـلـه ولاّفــه !
يهبنـي هـبـه ويــدرج سيـلـه
أعّرف مضمّرّته ومـن عُسّافـه ؟؟
أحيان ياخـذ وهفتـي مـن وقتـي
عشرة دقايق00 لاصدق وهافـه ؟؟
وكثيـرتـه يومـيـن لا طوّلـهـا
ألاحي المشـرف علـى مشرافـه
ولايـقـال إلا لعيـنـا مـطـلـق
هيّابـتـه ياكثـرهـم وحّـلافــه
ولاّ لصرفٍ من صـروف الدنيـااا
أشين من صروف الزمـان إنكافـه
تهـب فـى الميـدان هبّـة موتـه
ماهيـب لا نسـمـه ولاهفهـافـه
تمر في صـدر الشجـاع الصامـل
وتجنّب أصدور القصـب وحشافـه
ولاّ لعيـنـا الشـايـخ المتشـيـخ
علـى النهـر منابعـه وضفـافـه
سلطـان صـدري حاكـمٍ سلطنتـه
قابـل سمانـه بالهـوى وعجـافـه
مشتتيـن الشمـل يــا فرقـاهـم
يامـال فرقـا العـالـم المنعـافـه
منهـم ومـن نماتـهـم ياغـالـي
ومـن الشقـاء وشفاقتـه وشعافـه
مجار ياشوفـي وممشـى جوفـي
ياهيـف زرع الصـدر ياميـلافـه
شفنـي بدونـك ضايـعٍ فـي غبّـه
باقي على راس الغريـق اكتافـه !!
أنـا أعـرف إن لوكلهـم حبونـي
نصف المحبه غصّبـةً 00وكلافـه
حبٍ معـه شِكـه ورسـم وخطـه
أفضل لي إنسى عدّلته 00و00نصافه
أتصدق أني ما شبحـت أخلافـي ؟
إلا لصـاح ابـوي يامـن شافـه ؟
مفصول عندي من زمـان الريـوس
الــراس لاريــوس ولانسـافـه
يسدنـي عـن زلتـك يـا غـالـي
عـذرٍ جمـيـل ونـبـرةٍ شفـافـه
ولابـقـى إلا أهلّـهـا قـدامــك
دمعة عزيـز كـم لهـا منرافـه ؟
(ملّحتك فينـي ماتبكـي عينـي)00
(وملحتك ماترضى علـي إهزافـه)
ولاتخليـنـي أدربــي راســي
أسوقـهـا هـجـافـةٍ سـجـافـه
أبـي حنانـك طـول الله عـمـرك
اغلا (نموناته) 00و00(اعز أصنافه)
مابـي حنـان كنّـهـم معطيـنـه
وزارة التعـلـيـم للكـشـافـه !!

أبــــــو نــــــايــــــف