تابع ( 4 )

قل علي ولابلاش

لي متى يشبه شروقي ياولدعمـي غروبـي
لي متى وانااتحاشىمـن شعـوري واتفيـا
البلا اني كل ماجيت اتحلـل مـن ذنوبـي
مالقيت مسامحه وابليـس يزهمنـي تريـا
اوجعتني ظيقتي والناس حولـي مادروبـي
بين قوم من وصال وبين قـوم مـن جفيـا
كل ما ظاقت علي اوساعهاباحت اغيوبـي
وان سلمتك ياالمواجـه ماسلمتـك يالقفيـا
لا..تقول ابومحمد.مالي اعـوال وعزوبـي
وينه محمـد وانامانـي هنـاك ولا...هنيـا
قل علي والابلاش ان ضقت قلي ياجنوبـي
والجنوبي ماذبحـه الا المسامـح والحميـا
ظاع عمري وانكسر قلبي وربعي غرفلوبي
واوقفولـي واخـر المشوارباعتنـي شفيـا
يامحمد واصدقاي اللي مساكنهـم جيوبـي
روحو حسبي عليهم من هنـا ليـن الثريـا
لا..تقول اعيوبهم خلهم وعلمنـي عيوبـي
كانني غلطـان علمنـي وانااتاسـف بليـا
يا محمد .. يا محمد .. يا محمد.لد صوبـي
ماتظيق وعـاد فينـي حيـل واناخومهيـا
قلهم شفت البحـر بصابعـه وانعذربوبـي
رحت اصب البحر في كاسي وانادم واتهيا
والصحيح ان الزمان اللي غدى دوبه ودوبي
قلت ودك ننهي الموضـوع ونحله..وعيـا

قلت ياقلبي

قلت ياقلبـي حشـى لله ماهـي لـك بعـاده
يظهر انه ماسرقك الحب سارقـك الحرامـي
كيف غشك ونت ساعدته على غشـك زيـاده
وحرمك عذب الشعور الذرب رواي كل ظامي
مارعاه الطرش من بير ابن عسكـر لا هـداده
ماخلفت روس قحطان ولا ازعلت صبيان يامي
ومانفق في سوقنا جلـب الهرافـى والنجـاده
والله انها بيعـت الفشـار للرجـل العصامـي
تستحـق التهنئـه والمـدح وانـواع الاشـاده
يالجنوب الي نعرف ان كل ظلع(ن)في قزامي
عاش ميثاق القصيد ، الي ينومسـك انفـراده
ماسح(ن)كل الوجيهه وقاطـع راس الهلامـي
ان حدتك السابلـه يـازرع وكلتـك الجـراده
بندقـي يابندقـي ولا حـزامـي ياحـزامـي
انشدي لين الحسود يمـوت ماقـال الشهـاده
وكتبي لين الزمان الكوميدي يرجـع درامـي
غن في ثار وظلوعي خفاش والساري وكـاده
وبشر بنصر كتبـه الله ويثبـت لـك كلامـي
ياسليـل الصيفـم الـهـادر وبالله اعتـمـاده
جعل من جابك على وجهه البسيطه مايظامـي
والله ان بعض القصايد ذبحهـا اجـر وعبـاده
وبعضها ينقش على اسمك كما نقش الاسامـي
دامك هنا ،، لابغيـت انـام كبـرت الوسـاده
واثق(ن)مافات ماجوبـي ولا قـل احترامـي
اشكر الله وحمـده لكـن عمومـا ،، للإفـاده
والله انك شعرة(ن)من وجه ابوي ومن عمامـه


لله در الجرح


لله در الــــجـــــرح لله درّه
مدري وش اللي عن هل الحكي مخفيه
من نفسي إللـي مـا تحـب أتكـرّه
وإن صابها جرح الزمن ما لتهت فيـه
والطيب لـه وجـهٍ حسيـنٍ وغـرّه
والشـر وجهـه ماحـدٍ يلتفـت فيـه
والرجل لو يبدي على النـاس سـرّه
يسيـر سـوقٍ ماتجمٌـل مشـاريـه
يهـزه اللـي مايجـيـب المـسـرّه
اللي ليـا جـاب الخبـر مـا يوديـه
والعلم يُسمع مـن الرجاجيـل مـرّه
والحُـر نظـرات المجامـل تكفيـه
والنـذل لـو يبـدي عليـك المبـرّه
لو صافحتـك إيـده تقفتـك أشافيـه
والرجـل لـو نقـى شعيـره وبـرّه
ما صادله حق العشـا اللـي يعشيـه
واللـي غـدى لعيـون الأيـام قـرّه
ماهو بعيـد إمـن الغـلا والمشاريـه
ولدت حـر وخطـوة الحـر حـرّه
بعيد عن والـي الزمـان وجواريـه
وقمت أتهجا النجـم وأقـرا المجـره
و أحن لأيام الصبـا وأجمـل التيـه
وإن شفت في تالي زمانـي مضـرّه
الحين أموت ولا يجي يوم مـا أبغيـه
وأقـول لابـو هالزمـان المـعـرّه
لاهـو مقدينـي ولا نــي مقـديـه
واللي معه مـن العقـل مثقـال ذره
أشوى ولا وقتٍ خـذا عقـل راعيـه
دام الهـوى جبـار لـيـه آتـشـره
ودام الفراق الحل ليـه أنجبـر فيـه
ولا غـلاً بحسـان كـنـي أطــرّه
الله ..ولا حـبٍ يمنـنـك معطـيـه
أهـم شـي يصيـر للقلـب كــرّه
ملـح السوالـف ذكرياتـه بماضيـه
الـجـرح هــذا رجـــل لله درّه
ماهو يخيب هقوة اللـي هقـى فيـه

ليت قلبي

ليت قلبـي مثـل جوالـي يبـدل لـه شريحـه
كـان ابدلهـا وخلـي رقمهـا بيـنـه وبيـنـي
وذكـر الـي غرنـي بالفعـل ولا بالنصيـحـه
والثلاثـه فـي عيـون الكفـو ماترجـع ثنينـي
واتجنب واحـد مثـل الحنـش تسمـع فحيحـه
ان لقاني طار بي ون رحت حط العيـب فينـي
وآه من قلب طواه الجـوع وعتـاش الجريحـه
عقب ماكانه يصيـد الصيـد ويعـض السمينـي
والفضيحه لابغيـت انهـاه ، ون عيّـا فضيحـه
ابتلشت بماحصل شفـي ونـا وش فـي يدينـي
والعيون الـي لهـا مـن صكـة الايـام ميحـه
والبلا مـن طيبهـا مـاردت الدمعـات عينـي
والغلى مثل اخض النعناع لـه طعم(ن)وريحـه
والوله شوك القلوب ، وجمرة(ن)بين اصبعينـي
ودري ان الذكريات اعـذب مواريـد القريحـه
ريحها يغشى على عينـي ويكتـب فـي جبينـي
كنهـا تعـرض مفاتنهـا وهـي فعـلا مليحـه
البيـوت اهدابهـا والـوزن طـوال الجادلينـي
مالهـا الا ونة(ن)تظهـر مـن السـد وتبيـحـه
غيـر دمع(ن)مايسـاق الا لفـرقـى والديـنـي
حاجة(ن)بالصدر لو تنزل على الثابـت تزيحـه
شاركتني في حياتـي وحرقـت شمعـة سنينـي
عادها ون مسكتها ضيـق ، مسكتهـا صحيحـه
ضيقة(ن)لابطيت عنها جيـت لاهـي تحترينـي
طمنو بيض الـدروب ان الخطـاوي مستريحـه
لويخالفهـا زبـد دمعـي ، ويرعدهـا ونيـنـي
ظاقت الدنيا على عينـي وهـي فيهـا فسيحـه
بس راسي من انحنى ، ولا اخبر ان عزمي يليني
والزمن لـو يعسـف الرجـال مايذبـح ذبيحـه
والزمـن مايدحـم الا راعـي الجنـب المتينـي
والمراجل ماتجي غصب(ن)عن اليمنى الشحيحه
مـن يدورهـا يلاقيهـا ومـن يقعـد حصينـي
الحصان اليا كبر والرجـل لـه قومـه وطيحـه
والثقـه بالله ثــم اخــوة عـيـال طيبيـنـي
مامعي من حاجـة الدنيـا سـوا نفـس منيحـه
ذرها بحر يـزف المـوج مسحـوب وهجينـي
خلتها بين الظلـوع ورمسـة الجـرح ونزيحـه
وشلتهـا ماسقتهـا عنـد الرجـال الغانميـنـي
ياحيـاة الـي حياتـه ، بيـن شوكاتـه وشيحـه
كلمتك لاتنثنـي فـي خاطـري لـك صدقينـي
مابقى فـي داخـل الجـوال قلـب ولاشريحـه
مثل قلبي مابقـى بـه غيـر كلمـه سامحينـي



ليه تستذيب


ليه تستذيب وفـي عرقـك نعاجـه
أحترف ناقص عقل لعب النقيصـه
العوج لو عمـي ماخـلا العواجـه
تلحِقه عوجاه لـو نفسـه حريصـه
قصتك هذي دليل أعلـى السذاجـه
فكرتك ضحله 00 واساليبك رخيصه
تحسب إن قلبي مثل قلب الخواجه ؟
لاهدر راسي غدى صدرك خبيصه
كان لي بك قبل مـا كلمّـك حاجـه
وبعدها جاني من الدعوى قريصـه
أم أنـا مانـي بمـن دوّر خراجـه
عند من لاينعرف حيصـه وبيصـه
خاولك لحجي يعلمّـك اللحاجـه !
وخاو قناصٍ يجمّل بـك قنيصـه !
قدك من صيد أمس لوصيدك سماجه
وأنت مشكلتك مع النُـدّر عويصـه
ودي أئمّـن عليـك بـأي حـاجـه
وإن خذاك الله تغانمت البوليصـه !
قصة النبـي يوسـف وأحتجاجـه
والدليل أللي معه (قـدّت قميصـه)
والله اللي يولـج الضيـق أنفراجـه
يسّلم المزمار ويعـذّب رقيصـه !


ماتشيخنا نساوين وتجارة

الحشاء من بحر 00والبـال سنـاره
والجـروح بغبـة الصـدر منـثـره
أظهر إمن البيـت لامسجـد الحـاره
غير ذا الدربين مال القـدم جُـره !
أفـرح بضيفـي وعلمـه ومسيـاره
وأرفـع الترحيـب وأثنيـه وآكـرّه
واحـدٍ يمنـاه ماتسـبـق يـسـاره
عيب 000لا تبكي على موته ألحره ‍‍‍!
الفتى يرخص مـن العيـن مقـداره
لالبس له ثـوب مـن كبـر وأزدره
يحسبنّه قاد فى الحـرب طيـاره !!
مادرى أنه من عيال أمس وتغُـرّه !!
ورثـة العطـار لعيالـه أعـطـاره
ويـرّث المغبـون لعيالـه الـحـره
ماتشيّخـنـا نسـاويـن وتـجــاره
الطلاقه عين 00واحنـا لهـا قـره!!
ذكرنا فى الشرق كنـه جبـل قـاره
وذكرنا فـي نجـد تشهدلـه الحـره
الكـرم حنـا مشايـخـه واكـبـاره
والشجاعـه مـال وقلوبنـا صــره
مايقلّـب فـي نقـاء كـون عثّـاره
(نيّة الوافي مـن الدقـن للسُـرّه) !!
ريّح إمن العـز منـت بولـد كـاره
وأفّترٍش بطحاً علـى القـاع منّثـرّه
طالبـاً ثوبـه 00وجنّبيتـه عــاره:
وش يجمّل به على فاقـلٍ بُـرّه ؟!؟
جعـل عـودٍ ورثـك جنـة انهـاره
وانت حـي دون سـره ولا ضـره
فعّلـم إن النفـس بالسـؤ أمّــاره
والـردا مالـه معـاذيـر بالـمـره
ومركـب الاحـلام مافيـه بحـاره
والبحر ماهـو علـى حلـم يتشـره
والوطـن لـولا نسانسـه وغبـاره
ماعشقنـا القـاع مالـذر ,,للـذره !
جمّـل الله حـال زنـدي ومعبـاره
معـه سـرٍ منّـه النـاس مسـتّـرّه
مني وفينـي وأنـا خـوه واستـاره
لين أشوفه ضلـع وأجـزاه وأبـرّه
للغـلا عنـدي منـابـع وقـطـاره
حاكـمٍ قلبـي مـن البحـر للـدره
حط لك قوسين وأكتب لـك عبـاره
فىالحشـاء مغّتـرّةً ٍ مثـل مغّتـرّه
عادفيني شـف00 واعـزوم جبـاره
والهوى محّلوو00 والنّفس مخّضرّه !
الله أعلم ويـن اراضيـه واديـاره ؟
شايـخ ٍ خـلاّ المعاليـق منـجـرّه
يانفس صـدري وياغالـي أسـراره
حرّمو ريقه وأنـا أشفـاي مظّطـره
أشفق لموتـه 00وقبـره00 وقبّـاره
ويل والي من سواده00 و 00 محّمرّه
أتنشّد عنـه ويـش آخـر أخبـاره ؟
أوحشتني شوفتـه خذتنـي شـره 0
أتنقّـى منـه مـاحِـب وأخـتـاره
حتى لو مابه من الكـرّه مـا كـرّه
من شرب خمره ,, وتكّا على بـاره
مايجنّـب منـه حلـوه ولا مــرّه


ماني بعبد ابوك

ماني بعبد ابـوك لاتامـر ولاتنهـى علـي
رجال واطلق من شواربك القصار ام الردى
البارحه جدك يحلب العنـز ويـرب الدلـي
واليوم جيت تـدور العليـاك فينـي بعبـدا
يحرم علي معاشر الخثـرات لا ونـا علـي
ان كان ماخلي لوقعي فيك يالخايـب صـدا
ابوك،، انا من لابة(ن)مثل السحاب المنزلي
ان صب يحيي قاعها ون مد ماجا لـه مـدا
يوم الليالي العابسات ام المسوايـح الخلـي
بطرف بيوت الربع لو مابه عشا نلقى غـدا
يوم القبايل قوم والرجال يذبـح فـي طلـي
كانو عيال العـود وافيـن الخبـر والمبتـدا
ويوم الحروب فيود وردنا على الموت الجلي
ننحـر مـن صفقنـا قرنيـن مـاردو هـدا
ويوم الفخر بالذود ولا الخيل والعـد الملـي
فيها خذينا الاوله والحيـن ماراحـت سـدا
قحطان ربعي لاتعدون العـدد والعـد لـي
من وادي الاحسا الى نجران وبهـا والهـدا
يالازهري يالازهري عاين علـي ولـد لـي
ماقد خبرنا واحد(ن)منكم علومـه فـي قـدا
عـز الله انـك ماتجمـل يالدقيـق الممتلـي
من كان ابوه العيب سموه الرجاجيل الـردا

ماهو غريب

ماهو غريب(ن)صوتها سامع(ن)سامع فيه
الـي تغـط الــرا وتـشـدد الــلام
هـلا بصوت(ن)سـامـح الله تجافـيـه
والله يبيـحـش ياخطـيـات الاقــدام
هــلا بغـالـي ماشحـنـي تغلـيـه
لوكان تمـره مـن يمـن وبلحـه شـام
هـلا بغيث(ن)مامعـي قـاع ترجـيـه
انـا ظمـاه الارض وظلوعـي حطـام
هــلا بجرح(ن)مشعلتـنـي معانـيـه
ماهي بشهرة(ن)من شرو حبـر الاقـلام
هـلا هـلا يامعطـي القـوس باريـه
من عقـب واجهـة الحقيقـه بالاوهـام
هلا بعـد مـاراح مـن الحـال غاليـه
ثلثيـن حالـي راح والـمـوت قــدام
لاتنشديـن الحـال حـالـي خذيتـيـه
الي لحقتي مـن علـي جلـد وعظـام
وقصايد(ن)يسمـع بهـا الحـي وتجيـه
ابـلا وسيلـة مـن وسيـلات الاعـلام
ياأنسـه مــات الـغـرام ودفنتـيـه
وسنيـن يطـري بـس عـلـي هــام
اموت وعـرف كيـف رقمـي ذكرتيـه
ومن حفظك شعـري مـن التـام للتـام
قلتي على طول اتصل قلـت لـك ايـه
الله يبـارك فـي القصايـد والارقــام
لـو ان قلبـي مثـل رقمـي حفظتيـه
ماكان ضيعت الزمـن خمسة(ن)اعـوام


من رمى الضلع

صاحبي وش يضر الحال لا قالـوا
كلمة الشين بيـن النـاس منقولـه
خلهم يوم صاعوا البـر وأكتالـوا
ما لقوا من حمـار البـر مفقولـه
كل ما مالت الدنيا علـي مـا لـوا
و كـل ميلـه بحيـل الله معدولـه
أختبوا في ضلوعي ليـل وأغتالـوا
قلب شاعر وطار السرب من حوله
لو يقولون فينـي للأسـف طالـوا
من رمى الضلع ما يخطيه من هوله
أسمعوا ما يهـد الحيـل وأنهالـوا
شاعرٍ مشلح القمـه علـى طولـه
شاعرٍ ما يخول أشبـاه مـا خالـوا
التميّـز ضـروريٍ علـى قـولـه
لين ساق القصيد العذب مـا والـوا
غير طاعت قصيده وأجمل فصولـه
وساع ماأنشى قصيده راحوا تماولوا
فـي سحابه..وبراقه..وهملـولـه
ليتهم يوم راحوا شرق مـا سالـوا
حاسدٍ موّل الدعـوى علـى مولـه
صاحبي والجروح بقلبـي اتشالـوا
جرح مهبول مـن كفيـن مهبولـه
كان ما أحتلت وألا كان ما أحتالـوا
ما أنت مسئول ولا الناس مسئولـه
غلطتي .. يوم أصدق كل ما قالـوا
كنت أصدقه لكـن كنـت ماأقولـه

أبـــــــو نـــــــايــــــف