قصـيـده يملؤهــا الحزن ..!
لامست احسـاسي .. فأردت ان تلامس احساسكم ..!
لان اطيل عليكم ..!
هلا بك يابعد عمري ياقلبي انت ياالغالي
تهلي بي (عيون الحب) من اخر ليالـــــيها
تقول ارجوك لاتهتم انا في احسن احوالي
تبسم لي وهي تمسح دموع العين بيديها
تقول الدنيا وش تسوى.؟؟ اذا ماشفتك اقبالي
ابيع الكون لعيونك لجل لحظه معي فيها
تموت من الالم.. لكن!! تبي ماينشغل بــالي
الا ياناس ياعالم وربي من يســــــاويها
وهلت دمعة عيوني بعد ماضاق بي حالي
سجدت ادعي بدون شعور الا يارب تشفيها
وقالت لو يشيلوني وعنـّك شدو ارحالي
امانه يابعد روحي ابي روحك اوصيها
ابيك اجمل من الاول ابي كل ما تهيالي
بعد موتي اشوفك مهتني.. روحي تهنيها
الاياطـــيبة الدنيا.. الا ياشـمسي وظــــلالــي
نهاية روحي من قبلك عسى ربي يبديها
وشالوها بسرير ابيض وزاد الهم غربالي
وضاقت في هالدنيا وانا نفسي امنيها
وراحت تنتظر رجعه ودمع العين همالي
الا لو العمر يعطى!! قسم بالله لاعطيها
وطاحت وردة من كفي وانا ماشي على فالي
لقيت الشال في يدي يضمه قلب مغليها
جلست اراقب الساعه.؟؟ وانا ادعي ربي الوالي
عسى يارب يارحمن ياقادر تنجيـــــها
انا من لي بهالدنيا واعيش اشلون بلحالي
بعدها ما أبي نفسي وحتى الـناس مابيها
قسم بالله لو موتي يجيني قبلها اشــــوالي
ولاابي تبعد و تـــرحل وانا مــااقدر اوفيــها
وجو لي اربع اطبا !!! وقلبي مشتعل صالي
امانه هاه قــولوا لي ؟ امــــانه وش حصل فيها؟
وقالو البقى براسك!! وصاب الارض زلزالي
تزلزل كل مافيني بكــــــت نفسي وامانيها
ولكني بهالدنيا صرخت بصوتي العالي
الا يامصعب الفرقي وروحي من يواسيـــها
عسى الرحمن يرحمها ويغفر اول وتالي
وعسى ياربي بالجنه بعد موتي الاقـــــــــــيها
تـحـيـآتـــيـ آبـثـهـــآ لـــكـمـ عـبـر آثـيـر مـنـتـديــــآتـ .. مـمـلـكـة ذوووقــي..!