تابع ( 2 )
قالو توادع قلت ياصعـب الـــــــــــوداع
قالو توادع قلت ياصعب الـوداع
وشلون أوادع من معه قلبي وديـع
قلبي معه والسر من فرقاه ظـاع
صحيح من يفقد زمام امره يضيع
الى ذكرت الخد والسـود الوسـاع
تسابقت غارات عبراتـي جميـع
اصبر على الهجران قدر المستطاع
أحمل همومي للخلا وأشري وأبيع
أبيع شـي بالجواهـر مـا يبـاع
بعته رخيص وضاق توي كل ريع
بين الرجا والياس يشتـد النـزاع
بعده دهر ومشاهـده لـي ربيـع
تستدرج الأيـام مفتـول الـذراع
من حيث لا يعلم ويرمي بالسريع
يقطعك يا حـبٍّ توقـف علـى مـاش
يقطعك يا حبٍّ توقف علـى مـاش
و من حب حلوين المظاهر بلاشـي
اللـي يبيعـون المحبيـن ببـلاش
حلوين الالسن و القلـوب الغشـاشِ
العرق لو يقصر عن المي ما عـاش
و الشمس لو تغرب على الكون عاشِ
تفخر بزينك يوم تجفـل و تنحـاش
ما تدري اني منك قانـع و ماشـي
من اولٍ عيني ترفرف بالارمـاش
جفن غطا و الجفن الاخـر فراشـي
مطوعٍ لك قلبٍ ابيض مـن الشـاش
و مستدخلك بين الضلـوع الهشـاشِ
و اليوم اب أنقش سر حبك بمنقـاش
الله و لا حبٍّ سعـى فيـه واشـي
ياللي قضينا بهـا أيـام الاعيـادي
ياللي قضينـا بهـا أيـام الاعيـادي
ما كفها الضلـع والعـرق والـوادي
مصيو نة العرض من عصر الاجدادي
أنـا مـراده وهـو غايـة مـرادي
فيض و قيـس بعـد حـل بفـوادي
قم حط في رجلـي عقـال و قيـادي
دمعي على خـدي أجـواز وأفـرادي
اخاف من هـرج عـاذل و حسـادي
و الفكر في و سط بحر الهواء غـادي
سيـرة حبيبـي تغلـق و تنـعـادي
ينقص على اهل الهوى بن و قنـادي
ذوب الحديـد ان تــولاه حــدادي
وجعان من حبه وأرجي شفـا طبـه
لو صاحبي يدري عن ماحوى صدري
مـا كـان يشقينـي البعـد يكفينـي
لـو زاد يتكسـر جذعـه ويتخسـر
انا ما ازهـم ولا يزهـم عليّـه
انا ما ازهم ولا يزهـم عليّـه
مثل ناسٍ محبتهـم فضيحـه
أحـب اللـي سواليفـه خفيّـه
خفيف الدم ابو نيّـه صريحـه
ألا يازيـن ياكبـر الخطيّـة
تشفقنـي ليالـيـك المليـحـه
عليك ابـدع لحـونٍ سامريّـه
معانيها على حبـك صحيحـه
وانا قلبي معك صبح وعشيّـه
و روحي منك ما هي مستريحه
ليا شفتك سقط ما فـي يديّـه
أفز لشوفتك واصعق بصيحـه
أموت ان كان ما تنظـر إليّـه
بنظرة عطف للناس الجريحـه
غشاك الملح و زيـاده شويّـه
على فرقاك ما اسمع للنصيحـه
عيونك سود حوريـه جريّـة
في جسمك من الريحان ريحـه
ألا يا اسمر ترى النيه مطيّـة
تبي تكسب على هجري مديحه
تفاجينـي بحجـه جاهلـيّـه
تدش حمى هـواي وتستبيحـه
تعديت الحـدود وبـرت فيّـه
ورى نفسك على نفسي شحيحه
العيشة اللي تدبـل الكبـد تنعـاف
العيشة اللي تدبـل الكبـد تنعـاف
والنفس عن ما تكرهه مستريحـة
نفوسنا دايـم عفيفـات ونظـاف
وابدانا من كـل علـة صحيحـة
صاحين صافين المشاريب واشراف
مـا ناكـل المترديـة والنطيحـة
يوم السنين الماضية حيل وعجـاف
يندر لنا من هبـة الريـح ريحـه
اكرام لو يلحق بنا نقص وخـلاف
نملا الصحـن ونلحفـه بالذبيحـة
صلبين في وقت الشدايد وعـرّاف
منا المشورة واختيـار النصيحـة
وان ثارت الهيجا لنا وسط واطراف
وجه الحريب نقنعـه بالفضيحـة
من هنوفٍ سلب عقلي هدب عينها
من هنوفٍ سلب عقلي هدب عينها
حفرة الموت في مقرن حجاجينها
والوعد طاف والاقـدام مشقينهـا
فرقا الاحباب لو يو مين ياشينهـا
صورةٍ حافها الرحمـن يازينهـا
وانتم اللي كبود النـاس كاوينهـا
شجرةٍ عن سموم القيض حامينهـا
ليت من ذاق من خضرة بساتينها
هلت العيـن واختلـت قوانينهـا
تحت هيبتك نعصا الروح و نهينها
وانا خطر ٍ علي اعوي عوى واجاوب الذيبي
وانا خطر ٍ علي اعوي عوى واجاوب الذيبي
ولوتبكـي نهاروليـل ماتطفـي لواهيبـي
جرالي منك ياجفـن العناسهـر وعواقيبـي
خفيف النود مـن فرقـاه تقبلبـي وتقفيبـي
ولاغيرك من الخلان إلـى جيتـه يهليبـي
ابي منك الصراحه وانت فاهمني وتدريبـي
واصبت القلب يامطلق عطيبات المضاريبي
دريت انك عذاب الروح لاشـك ٍولاريبـي
على شان المحبه تتصل شـرط ومواجيبـي
حلفت إلك بيمين اللـي يعلـم السروالغيبـي
ابي اكمل مطاليبـك وكملـي ومطاليبـي
جزا ً لك ماملكت فداك يازيـن التعاجيبـي
تحتك اخضع مطيع مريع والاقدارترميبـي
إلى منـي ذكرتـك جرقلبـي بالكواليبـي
وشلون ابارجع وارجّع وقتي الماضي
يا عيد سود العيون استنكـرن منّـي
وشلون ابارجع وارجّع وقتي الماضي
اسأل عن حالهن مـا سائلـن عنّـي
الله يغربـل حيـاةٍ جوّهـا فاضـي
يا عيد رمح الهوى بالقلـب طاعنّـي
والحب يمضي ورمحه بالهوى ماضي
يا عيد حدب الضلوع تصيح وتحنّـي
من عام الأول وانا صابر ومتغاضي
يا عيد أنـا مولـعٍ بصغيـر السنّـي
والحال منّي قضى وأنا بعـد قاضـي
يا عيد لي صاحـبٍ فاتـن وفاتنّـي
ولو مبسمه سمّ قبّلته وانـا راضـي
قلت اعطف لمن يرعى نجومك
فقلت اعطف لمن يرعى نجومك
بجـاه الله عنـي لا تـجـلا
ثلاث ضلوع يشكن الهضايـم
علي المعلوق والقلـب ايتـدلا
ليا نامت تصحّيها حلـو مـي
و ليّا صحيت تفيّضّ ثم تمـلا
من المو قع وخلا القفر خالـي
على دربه يتـلّ الريـم تـلا
انـا واليـل خـلان ورفاقـه
انا واليـل خـلان ورفاقـه
أخذته عشق وأخذني عشَاقه
افيضله ضناين مابروحـي
ويفتحلي على الغيات طاقـه
ألاياليل وش عندك وعنـدي
يقوله من تكدرلـه مذاقـه
عيونه من غرام الشوق تهمل
عبايرها على ذيـك الدقاقـه
وأنا بنهايت التسعين هجري
إلى خلن عجزت أقوى فراقه
إلى عام وثمان شهور كنـي
كسيرن عيب الجبار ساقـه
يفزع بالصياح هجوع ناسٍ
لهم بالنوم والراحـه علاقـه
ألاياليل وش عندك وعنـدي
أنا وياك لا عادت صداقـه
يالله
بمانك...
يا لله بمانك مـن النكبـات تامنـا
والـدار بحمـاك تمنهـا وتامنهـا
لأوامـر القائـد الا علـى تمثلنـا
أرواحنـا فـي سبيـل الله نعربنهـا
بقيادة الفهد شلنا الصـوت وأذنـا
علـى المنابـر تلـج ابنـا مآذنهـا
وإن كان صاح الفهد صاحت قبايلنا
بالصيحة اللي جميع الكون يذعنهـا
صيحة ندى والفدا فـن ولنـا فنـا
فينـا فنـون المعـارك ونتفننـهـا
وإليـا نخانـا ولـي العهـد ثمنـا
النخوة اللي علـى الوقفـة نثمنهـا
حوله ومن حول من حولـه تكونـا
جزمه ولزمـه وضربـات نعينهـا
وإلى اعتزى النائب الثانـي تزهلنـا
لمصامخ المعتدين وقصـف أماكنهـا
والمملكة في حمانـا حيـث ماكنـا
بالدم نسقـي ثراهـا وانتحضنهـا
فرض علينا وعهد قد مضـى منـا
إنرد بالنار هجمـات العـدا عنهـا
صنا المشاعر عن أشرار العدا صنـا
عنها الشوارب إلى فتلـت نحسنهـا
مكة وطيبة لنا والنا وغضـب النـا
ترسانـة الديـن للعالـم نترسنهـا
على الجزيرة بحـزم وعـزم هيمنـا
تفخر بنا فايسـر العربـان وايمنهـا
بالعدل والعرف والحكمـة تسلطنـا
نترك كثير الامور ونأخذ احسنهـا
لاهانت بـلاد اخونـوره ولا هنـا
الجوخه اللي لبسنـا مـن بطاينهـا
دار ربتنـا وضمتـنـا وفضلـنـا
المـوت فيهـا ولا نجـس يدرنهـا
دار على خدهـا الطاهـر تمكنـا
فيها ومن فوقهـا نحفـظ توازنهـا
يا دار طير السعد والعز لـك غنـى
حلو الأناشيـد بأصوتـه يلحنهـا
يا دار ما تقتحمك الأنـس والجنـا
دونك عيال تفادي عـن مواطنهـا
ذباحة الحيل وأهـل الهيـل والبنـا
نطاحـة القـوم حمايـة ظعاينهـا
في سوق جاتك ماهوب بسوق هونا
تحمى علمها وإلى ماتـت يكفنهـا
إن دندنت طبلـة الحـراب دندنـا
بآيات حق علـى وبـلال دندنهـا
كم من حريب تورط فـي حبايلنـا
حبايل من اسلوب الحـرب نتقنهـا
جاك . امتنكس ويخسر من يراهنـا
مثل الذبيحة بأسافلها نكـر عنهـا
واليادعا من يشيل الحمل لـه شلنـا
ارقابنا في حياض المـوت ترسنهـا
وحنا على جبهة الغـازي تكامنـا
حاضر بحاضر عدانـا مـا نعاينهـا
وحنا ليا عدت فعول العـرب حنـا
انساند العـرب وندعـم تضامنهـا
وحنا اليا انحلـت الآسـرة تعاونـا
وقمنا على جمعهـا حتـى نحصنهـا
وحنا ليا اشتدت الأزمـة توصلنـا
على حلول العقـود اللـي تهونهـا
وحنا ليـا جاتنـا الغلطـة تحملنـا
الاولـه نبـاع الغلطـه ونعلنهـا
وأن جاتنـا الثانيـة .. لا ماتماهنـا
بالسابقة نسحب الأخرى ونقرنهـا
وراعـي الغلـط معقـول ومثنـى
يلقـي الحقايـق وبعيونـه يعاينهـا
نسمع بنبـح الكـلاب ولا تجننـا
الكلب له حربـه بكـره نسننهـا
من دون صهيون .. بذتنـا صهاينـا
تكفر بالإسلام وتركـز كماينهـا
الله يا الأنذال يقلع رمسكـم عنـا
اطماعكم عندنـا بانـت بواينهـا
مع منكرين الصنيع أمست محاسنـا
سيات تحكي به العـدوان بألسنهـا
واليا تضايق غريـب الـدار يزينـا
تدمغ له الروس وأن طالت نطمنهـا
لوهي تلين الجبـال الصـم مالنـا
على الحقوق ارتكينـا فـي ممكنهـا
يا شيخ جابر لـك الله مـا تهاونـا
الفهد يأكد لك العـودة ويضمنهـا
ياشيخ والله زعلك اليـوم مزعلنـا
والمهزلـة والمهونـة مانواطنـهـا
ابشر بنصر يشيـد فـوق ويبنـي
بأيدي رجـال محكحكـة معادنهـا
ترجع لدارك وهذي مـن صمايلنـا
خطوة وسطـوة وتاريـخ يدونهـا
ما دام معك الفهد لا يلحقك ظنـا
أبشاية الله كويتك لـزم تسكنهـا
والقصر دسمان تجلس بـه وتتهنـى
لابد من فرحـة تطفـي غباينهـا
صدام .. لا تحسب أن الحرب يجهلنا
حنا هل الحرب والكلمـة نبرهنهـا
بالغش يالنـذل والخدعـة مباطنـا
تطوي سيورك على الفتنة وتدهنهـا
بمعاملات اليهود .. اثـرك تعاملنـا
تطمع بجارتـك يالخايـن وتطعنهـا
سلب النسا وانتهاك العرض غابنـا
اعمال سوء لك الشيطـان زينهـا
مخزي ومذنـب ولا تقـدر تقابلنـا
تجمع فرايسك يا لحصنـي وتدفنهـا
صبحت معروفنا وامسيـت خاينـا
بغداد تلعنـك يالفاجـر وتلعنهـا
جاني وفي المجتمـع منبـوذ ومجنـا
شعبك بري منك والنخوة بري منها
كفك ملطخ بـدم الشعـب ومحنـا
ما عاد تنظف يمينك لـو تصوبنهـا
حنا حميناك يـوم اعلنـت واعلنـا
بالحرب جتك أسلحتنا من مخازنهـا
بالمعركة لك ثمان اسنيـن مشغلنـا
ولك القوافـل مداومـة مكاينهـا
هذا جزى ما فعلنـا مـن جمايلنـا
تحشد علينا جنودك وانـت خاينهـا
لك يوم محتوم تصغـر بـه وتتمنـى
ما كنت فوق الوجود ولك نقننهـا
عليك باسم الله اكبر مـن تضامنـا
بالأرض سبع الفواسق وانت ثامنهـا
ياشعب دجلة ترى موطنك موطنـا
لا ترخص الروح للمجرم وترهنهـا
احسن تقولون : سل السيف واقتلنا
في حكم مجنون لا يأمـر ولا ينهـى
الواجب انك على وصلك تواصلنـا
ازحف على طغمة الطاغوت واطحنها
والياقمعتـوه لا عـرج ولا ثـنـى
نقص على ظاهر الدنيـا وباطنهـا