لهجة للملح والفتنة
بغيت ارمي بعض حملي
عجزت القى صديق
الا الرصيف وبارد الاسفلت
ركلت اللي صدف رجلي
من احجار الطريق
وقلت :
ابي اقرا في الحصى
سر ارتباكي
لا ... لمست
الضاحك / الباكي انا
***
حملني
قبل لا اعرف الكتابه
موجك الازرق على متنه
وقال ان البلل : فتنه
وقالت لي :
قبل حتى الـ (( قبل )) قاعك:
تضيع ان كثروا اتباعك
تغرد بالاغاني
بالاغاني البيض ياشاعر:
نجوم الليل : تفاح المسا
وعيونك : ذراعك
***
الملم حنطة غباري
البّس لهجتي ما يستر العاري
وأفك الباب : ... بلا ... د ... ي
والجهات الاربعة في غيبتك : ظلما
وما بين الجهات الاربعة : ظلما
ابي اتجهك ... معي : وجهك
واول ما حفظت من ((الرمل)) و((الما ))
واذا ما شابه المعنى عيوني
عاذرك : .... خوني !!!
ولكن آه لو تدرين
عن طعم الثواني في غيابك
عن لهاث الضو في الشارع
عن الفارع من الحزن الطري
عن دفتري / عن جلسة المقهى
بلا ... اصحاب !
***
تهجيتك .. ت .. هـ .. ج .. ي .. ت .. ك
رفضت الممكن / الباهت : طريق
وهذا انا : جيتك وناجيتك :
اذا ما اشتقت في الغربة
قل الذكرى طحين الوقت !
واخبز من تبي قربه !!
بــ .. لا .. د .. ي
يا مفاتيح الكلام البكر :
جوعي لك / رجوعي لك !!
مثل ما للنجوم : اسرارها
مثل ما للهدوم : ازرارها
مثل ما للهموم : اوزارها
للمفردات الخارجه عن سلمها,
والداخلة في حلمها زوارها !
قومي هو العشق
احتمالات التـطاول في البنا
منح البنفسج فرصة الركض
انعتاق اجسادنا / المفرق هو العاشق :
جنونٍ يحفر فـ كبد السما
من شان دفن الارض في الازرق !!
ويـا ... ازرق :
يابعد .. وقرب !
يا لمحة في العيون الغرب !
يا سقف الكون ! يا لون اللون !
يا حبر اقلامنا المعجون
بالفوضى , وطين العاقل المجنون !
يا ... ازرق :
من اللي .. يعرف ان البحر :
هين ؟!
... قال ... (( من يغرق!! ))
***
اشـوفـك ملح واتهجّا
حروفك وادخل فـ ملجا
كفوفك واغرقك وانجا !
واحبك واشبه الجامح !
***
احبك : واشبه الجامح
لذا كان الصهيل : وسادة المعنى
وكنتي : أوّل الاشكال
مرَه فيها من التفاح
ما يحني غصون القلب للموّال !!
وكنتي : اخر الاشكال
مرَه لكن : فرس ودلال !
وانا بين السما والقاع
كنت اركض وامد من العيون :
................ ذراع
أزاوج بين نجم الليل والنعناع
واهدي خطوتك خلخال
أنا الشاعر بلادي أو أنا الأشياء
ما تخفى وما تنقال !
أحبك واشبه الاطفال !
تحب وتشبه الاطفال
وتغريد الكتابه
(( بالرذاذ الطيب الدافي )) :
بهذا ثرْثرت نسمه وهفْهفْ شال !
***
أحبك واشبه الجامح
لذا كان الصهيل : وسادتي
كـانت عـيونك : عادتي
والمثقلات من الغصون قلادتي
كانت !
اذا ماشابه المعنى : عيوني
عاذرك خوني !!!
ولكن لا تظنين القصايد بالوفا
خانت !
بلا ... د .. ي .. , آه لو تدرين :
عن طعم الثواني في غيابك
عن لهاث الضو في الشارع
عن الفارع
من الحزن الطري / عن دفتري /
عن جلسة المقهى بلا اصحاب !
عن الأشيا يقيدها ويطلقها (( الغريب ))
وبعدها يسال عن الأسباب !
عن عيوني تصير (( الرّمْث ))
ويصير السهر (( حطّاب )) !!
عرفتي ليه انا المخطي وانا المعطي
وانا المطلوب والطلاب !
عرفتي ليه انا كل الحضور
فـ حفلة عيونك وانا الغيّاب !!
عرفتي ليه انا الصادق
إلى حد الذي سميت به : كذاب !!
عرفتي ليه :
انا اكره دفتري واغليه ؟!
ليه اموته واحييه ؟!
ليه اثبته وانفيه ؟!
ليه اهدده واحميه ؟!
ليه اعطيه واستجديه ؟!
ليه اجلس في كلي خارجه
واجلس في كلي فيه ؟
ليه ابدا الحزن وانهيه
باسمك
او عرفتي ليه
انا ارمي لهجتي : للملح والفتنه
وارد الباب !!
***
وحدك تفتحين الباب
وحدك
تطلعين النورس الغافي على صدري :
سمك واعشاب !
***
ارتب لهجتي يا أجمل ضيوفي
واهيّل قهوتي وتهيلين عتاب !
تصبين (( الدرايش )) في عيوني
و(( الرسايل )) و((الجدايل ))
و(( القبايل )) و (( القوايل ))
والكلام الحلو ... والاحباب !
واضمك
سالفة (( غوص )) قديم فـ بحة
الشيّاب
أضمّك .. شيطنة طفل
ان ضحك : يجمع من غيومك أرانب
وان بكى : ت .. ت .. ك .. س .. ر ..
الألعاب !
أضمّك
حبْل في (( حوش العشيش ))
و (( ضرتين )) !! وهفهفات ثياب !
أضمّك: في الأغاني - لا ارتفع
صوت الاغاني
و (( الهوى .. غلاب )) !
أضمّك داخلي يا داخلي
شنطة كتب فصل
وطباشير وشغب طلاب !!
أضمّك صالةٍ ضجّت بجمهورٍ غريبٍ
وشاعرٍ مرتاب !
وتروحين ويظل العطر
تروحين ويخون الـسطر
لا (( الجهراء )) تجمّع رملها في
راحة يديني
ولا هذا هو (( المرقاب )) !
,,,,
نعيق غراب ... نعيق غراب
نعيق
أ .. غراب !!
,,,
امد يديني لـ يديني !
بلادي واسالك ويني ؟!
واصيح : اهواااك
يكشر بينك وبيني :
((خميسٍ )) من جثث واسلاك
ورق ينشر ورق يطوي
شفاه من الظما تروى !
جسد يركض بلا جدوى !
ذراعٍ طيبه تلوى !
بنادق ترتفع مابين :
طفلين وصحن حلوى !
أغاني والرصاص أقوى
((بلادك وين يا نجوى؟! ))
بلادك وين؟!
يا نجوى بلادي وين ؟!
نغني والرصاص أقوى
من الاثنين!
لو تدرين لو تدرين لو تدرين
عن طعم الثواني عن لظى الفرقا ؟!
وكيف ليا غزاني في خميسك
صرختي ترقى؟!
ابعْثر لهجتي في كل صبح
وكل صبح القى :
حروفي جامدة
قهوة كلامي باردة
نار الأغاني خامدة واشقى!
***
من اوّل يوم لفراقك إلى هاليوم
ووحدك تفتحين الباب
وحدك تطعمين النورس الغافي
على صدري
عتاب ولوم
من اول يوم لفراقك الى هاليوم
ووحدك تذبحين النوم !
هذاك اللي دماه تلطخ عيوني
سهر ونجوم!
من اول يوم لفراقك الى هاليوم
وانا اركض واتبع آثارك
وامد من العيون ذراع
واقطف من سماك :
هموم !!
من اول يوم لفراقك الى هاليوم
وانا فوق الورق
تحت الورق
بين الورق مهزوم !!
***
كتبت وما بخلت بجرح
،،،،
كتبت وما تنفس صبح !!
عرق واشباح/ ارق واشباح
ورق واشباح / كفى ياديرتي
بــرتـاح
من اول يوم لفراقك
ولا خان الظلام ولا وفا مصباح!!
من اول يوم لفراقك
وانا اضمّد جراحك يا بلد بجراح!!
من اول يوم لفراقك
وحمل المفردات (( سفاح ))!!
كفى برتاح
كفى ياديرتي/ ياسيرتي/ ياحيرتي
يا غيرتي برتاح!
خلاص! ما عاد امدّ من العيون ذراع
واقطف نجمة التفاح
هي الفرقا :
وما فينا الذي من فارقك ما
يرفضه رفضه!
وما فينا الذي ما يلفظه لا من
حكى لفظه !!
وما فينا الذي ما ينهدم صبح ومسا
بعضه على بعضه !!
غبار ارواحنا يزداد ما نقدر على
نفضه !!
تبرينا من الاشياء
تبرت مننا الاشياء
تغيرنا كثير وكل قلب خان به
نبضه
هو الإنسان من اقصى حدود الدمع
الى اقصى حدود الدمع لعبة في يد
اللحظه !
وضاع الشعر كل الشعر
في معنى : عجوز/ ومفردة
نبضه !!
والشاعر
يغازل بالرذاذ الطيّب الدافي صباحه
والمسا: يصفع جبين الشعر بالكبريت
والفضة !!
***
أبي أصرخ في البحر : تكفى
يباس فشفتي وسكوت
ولا ادري كيف تبـ تشفى
جروحي والجروح بيوت
دخيل عيونك الاوفا
ترفق بالتعب يا (( كوت ))!
في برد يشفه المنفى !
في ليل يشبه التابوت !
قليل من الحطب وادفا
قليل من التعب واموت
اردّ الباب
دخيلك يا بلد لا تفتحين الباب
,,,,
أبي أرمي من عيوني الناس
والإحساس
والأجراس
والحراس
والكناس
والوسواس
والخناس
الفظ آخر الانفاس
ارمي جثتي فوق السرير/ الياس :
لا شاعر
ولا معنى
ولا قرطاس
نعاس ... ... نعاس
... نعاس ...
... نعاس...
... نعاس ...
...
نـ.. عـ .. ـا ... س ...
... نـ .. حـ .. ا .. س
..نـ ..
... عـ ..
...ـا ...
... س ...
***
من اللي هناك ؟!
من اللي هناك ؟!
من اللي يرمي الشباك
با حـجـار الحنين ويوقظ الفطنة ؟!
انا القاع اللي قالت لك :
تضيع ان كثروا اتباعك !
وانا البحر اللي شالك فوق متنه ! !
بلادي.. !!
يا كثر ما ني مقصّر بالغلا وادري
ولكن ما قويت الجرح
تمنيتك تهجيتك
وشبّيت المعاني منْ حطب صدري
كتبت وما تنفس صبح !!
من اول يوم لفراقك
وانا اركض واتبع آثارك
واركض واتبع آثارك
واركض واتبع آثارك
ولكنك وقفت
ادري
لأنّ الصمت عاجز يقتلك !!
والشعر عاجز ياخذ بثارك!!
..!!
!!
!!
أبي حرّيتي
هذا الحكي من غابت عيونك:
شبك وسياج../ غضب كرباج
خذ عيون الهوى معراج !
تشبه دايما بالجامح / الطفل
وتذكر حكمة الامواج!
ولا تهتم قصر ليل او طول
وكون المستحيل المعطي/ الذاخر
,,,,
تقدم دايماً من أوّل الأوّل
وخذ حلمك معاك لآخر الآخر!!
...!!
تعلم كيف تقطف من بساتين الكلام
الــ ((لاء)) وتصرخ (( لا ))
أحبك
كثر ما احبك
أحبك واكره الاملاء !!
هو العشق احتمالات التطاول في البنا
قبل الالف !!
منح البنفسج فرصته للركض
بعد الياء !!
خذذيني
علميني من جديد استلهمك
واستل همك
علميني كيف اغامر في البياض
من الورق
واعطي لصدرك فتنة الغامض
من النابض من الاشياء !!
خذيني ..
علميني كيف اسوي من عصافير الطفولة :
قاعدة والمدفع استثناء !!
جراح الطيبين : القاعدة والمدفع استثناء!!
عيون الطيبات : القاعدة والمدفع استثناء !!
***
زمنا وان قسا بيلين
وطنا وان قصا داني
تعودنا نزف الطين
عروس وصدرنا حاني
وندخل فى الكلام اثنين
وننسى أينا الثاني
كفو
كفو هي مالها إلا واحد ٍ مثلك شديد الباس
...... الى ضاقت على الحر الكريم وخانت ظروفه
كفو من اول إحدود الامل لأخر حدود الياس
...... ولابه باس دام أنك هناك .. ولك بها شوفه
أبو نواق أبو كل النوايف رافعات الراس
....... ولد عبد العزيز اللي حياته كانت حتوفه
طلال وقبل احدّر حاجتي يرقى لها قرناس
....... كثر عرفه بجهلي شفت أنا جهله بمعروفه !!!!!!!
جلس مثل الرضا في قلب من صلى العشا بنعاس
....... وقف مثل العفو .. هو فيه مثله ساعة وقوفه !
عزيز في الحياة ليا صمد ماكن فيه احساس
....... ذليل ٍ فالصلاة اليا سجد ماقام من خوفه !
وش إكتب يالقلم / يالمحبره / يالليل / يالقرطاس
..... تعّزبت المعاني ... والمعاني كانت ضيوووفه ..!!
كفو ماهي (كفو) اللي صارت لحي الله من الناس
...... كفو .. للي كفو ... لو كملوها صارت ( كفوفه )
مدى
أهـز جـذع المسافـة ويتساقـط مــدى
أهز جـذع القصيـدة ويتسـاقـط نخـيـل
تزهـر يدينـي أحـس انـه طريقـي بـدا
واقول حيـا علـى هـذا الفـلاح الجميـل
أبـدا بتجهيـز اوراقـي ، وقطـرة نـدى
أشوفهـا مـن علـى خـد النوافـذ تسيـل
آخذ معي كل مايخطـر فـي بالـك . عـدا
ثوب ٍ تركتـه معلـق فـي جـدار ٍ هزيـل
تبكـي الستايـر تنادينـي .. أرد الـنـدا:
عمر الشقي ياستاير - لاتخافـي - طويـل
أودع البيـت ، ياجـدران طيـن وصـدى
من كان مثلي رحيله أرض وارضه رحيل !؟
أسير حافي قدم .. دربـي ضـلال وهـدى
وجهي سحاب وظما .. صوتي نواح وعويل
أقطـع مشاويـر تقطعنـي بطـيـب وردى
واصير انـا الهيـن الميسـور والمستحيـل
وليا لقيـت الطريـق اللـي مشيتـه غـدى
قصير مثل الفرح .. مثـل الليالـي بخيـل
.. أهـز جـذع المسافـة ويتساقـط مـدى
أهـز جـذع القصيـدة ويتساقـط نخـيـل
دخيلك
دخـيلك دخـيلك لاتصلح غلطتك هذا الخطا غالي ii" " رفـضت انـك تـجيبه من عرفتك لين هو iiجابك
ومـدام ان الـزعل مـثل الرضا يبقيك في بالي ii" " انا مزعل ولاارضى منك انا ازعل عنك وارضابك
هـلابك يـالخطا ضـيف عـزيز يـكرم دلالي ii" " اذا صـبيت لـه فـنجال عـفو ونـوخ iiاركابك
مـن الـليله بـاسمي غـلطتك عـنقودي الحالي ii" " الامـنـي قـطفته بـالسماح انـتثرت iiاطـيابك
حـبست الـعقل واطلقت الـعنان لـمهرة اهـبالي ii" " وقـريت ان الخطا عين الصواب بصفحة iiكتابتك
وش الـقمرا سـوى غـلطة ظـلام ولاني مغالي ii" " وش الـظلما سـوىغلطة سـما بـتقلد iiهـدابك
يـساورني يـقين ان الـمطر غـلطة هوا عالي ii" " حـسب نـفسه يـصالح غـيمتين وبـلل ثـيابك
فـديتك لاتـعذر والـذي سـواك واهدالي عيونك ii" " مـالـقيت الـطـف بـهـالدنيا مــن اعـتابك
جــزاك الله خـير وبـيض الله وجـه عـذالي ii" " مـتى مـاجيت ابـنسى سـيرتك قالوا لي احبابك
وانـا لـقالوا احـبابك عجزت اسمع وش التالي ii" " خـذيت الـكلمة الـلي تـشتهيك وضعت باسبابك
لولاي أنا
انـا .. انـا .. لـولاي انا من iiتكونين"
" اقـولها وانـا نـعم .. فـيك iiمغرور
انـا جـعلتك نور وانتي .. من الطين ii"
" جـرة قـلم .. وامحيك من عالم iiالنور
انـتي بـدوني وردة فـي الـبساتين "
" والـورد فـي دنيا .. البساتين iiمغمور
لكن معي صرتي .. كما الشوف للعين ii"
" والعين لولا الشوف .. ماظن لها iiدور
هـذا وقـصدي تـعرفي موقعك زين ii"
" وحذرا .. ترى من انذرك صار معذور
اما اشتري ودي على العسر .. واللين "
" والا تـراني .. بـايعك بـيعة iiالبور
بـسطور .. خـليتك شـعار المحبين ii"
" وامـسحك مـن دنيا المحبين iiبسطور
ذنب ومغفرة
نصف وجهي هجير ونصف ظل "
" وأنـت غالي وطبع الحب iiكافر
بـعض مـني يخاف انك تضل ii"
" وبـعض مني يخاف أنك iiتسافر
بـين أقول الصواب وبين أزل ii"
" ضـعت فـيك متجاذب iiومتنافر
خـلني فـيك ضـايع لين أدل ii"
" وأنـهزم مـنك لجل أرتد iiظافر
أمـتليت بـغلاك وفـضت غل ii"
" وفـرت الشوك تعني الورد وافر
ول سـافـرت مـاسافرت ول ii"
" ما اجتمع غير بك مذنب iiوغافر
الطنايا
هـينه دام هـي هـذي فهي هينه ii"
" والله انـي حـسبت العاقبه iiعاقبه
عاد تدري هي من أول وهي بينه ii"
" شـوفها مـايبي لـه نـظرة iiثاقبه
بـنت سـتين كلب وزفت ومطينه ii"
" قـصة الـنجم والخبل الذي iiراقبه
مابعد ماشفت من همي سوى عينه ii"
" كيف أجل لو همومي جتك iiمتعاقبه
جـيتك بـغصن طيب زهرته لينه "
" كيف لو ييبس وتصفر الأوراق iiبه
مـن رجا خير في شرواك ماعينه ii"
" لاأنت سباق طيب ولاأنت لحاق iiبه
مومس الوقت لو صلت ماهي دينه ii"
" يعرف البير واللي فيه ومن واق به
لا تـحلف اليمين .. ولا نبي بينه ii"
" فارق الصدر يالسر الذي ضاق iiبه
كـل شـخص له من الذل مافينه ii"
" وكل شخص له من العز مالاق iiبه
زيـن الـلي تبي واللي تبي شينه "
" مـاانت حول الطنايا لحيتك iiعاقبه
كيمياء الغيّ
ساور الشاعر يقينه
في النجوم
البرتقال اللي يقشر عاشقينه
طفل .. طفل
في القوافي مجدنا الحافي
يبللني جفافي
في السفينه ناقة البحر الحزينه
يرتحل يرتحل يرتحل
ارخته شفاة عذرا
قبلته بشهوة ثيب وجغرفها الكحل
في المواني
ماسوى الغاير في روحي
من جروحي
يعرف الليله مكاني
كل درب وعر شعر
وكل ماهبت غصونك
مالت الريح
وتشظت في دم الشيح
المعاني في الجسد
يامنافينا نمى فينا بلد
من سلالات التباريح اجتباني
كل ماهو نافرٍ
هذا نقيضي يابسٍ ماراود الأعشاب عن نفسه
ولكن
كيف ابكتب
كيف أبخدع كل هذا اللّب
وأغويه يتخلى عن قشوره
قلت أبرمي رغبة القارئ
في عرض الحيط
وأرمي عرض هذا الحيط للبحر
الذي برميه للأسماك
واستغني من النقد الكريم عن المشوره
خربيني
غربيني في الصدى
جربيني في المدى
احطبيني للضلالات الطرية غصن
يابس من هدى
أعربيني فاعلٍ للمبدأ
خربيني .. خبريني ..بخريني
كيمياء الغي
أمنحيني بهجة الجهل
واعطيني فتنة الأشيء
عقرب الساعة نحاس
يسرد الكبريت وحدي
كنت في الغرفة
ووحدي شفت
كيف اغتصبت الظلما كتاب الضي
غصّت الغرف ظلام
ناشفٍ صلد يتناثررغبة ٍ ملسا خرجت
الباب
كان بعشرة أقفالٍ وصايا
وانكسر من ركلة مرتبكةٍ
ماكانت الشمس اسبلت
لحظة خرجت عيونها
كان النهار بآخر انفاسه
وكان الإنهيار بأكثر اجناسه شبه
بالفلفل
أما الناس
بين اللي بقى في غرفته يلغيه ورثٍ
باذخٍ في الصمت يستشري
وبين الخارجين بركلةٍ مرتبكةٍ
للشارع المبحوح شمسٍ
تلفظ آخرماتبقى من شعاع
بعضنا قال أرجعي ياشمس
لكن بعضنا قال انطري حتى نشر هدومنا
ياشمس
قالت طفلةٍ يتلعثم التفاح في ترتيلها
غيبي
حبيبي قال أنا الشمس
و
سألني صاحبٍ كنا تعرفنا على بعض
فقصيدة
بعد خمس سنين
ليه الشمس تسهر وحدها
قلت
أذكر اني قلت شيٍ مبهمٍ حتى عليّ
الشمس صابونٍ تنامى رغوته
واليل ذقن الأرض
قالت مومسٍ يكتظ فيها التبغ
والدهن الرخيص
اليل شمسي
غابت الشمس
وتشّكك بعضنا
مادام حتى الشارع الواسع ظلام ليه
مانرجع
صرختي
كنت شفتك قبل هالمره
ثلاث مرات في كبد الزحام
وماتنبهت لوجودك في
دمي
لاترجعون
الشمس ترجع والظلام
أهون من الظلم
ألتفتك
كنت الأشبه بعشبه ويوم
طاح احجابك الأبيض وشلته
كانت الريح أثمرت في قذلتك
مهرٍ خصيب
**
ماعلى الناقد
سوى انه ياخذ آخر كلمتين
وكل مافي السطر الأول
والسفينه
ناقة البحر الحزينه
بعدها يسفك ثلاث أربع عبارات ويثرثر في جريدة
مو قصيدة
**
ليّنٍ فوّاح هذا الليل
شفاف امطري
يستوطن الكرّاث باطرافه
ومع هذا نخافه ؟
أبرقت أوهي طعوني
أرعدت أو هو أنين
والسهر يحطب عيوني
رمث وأوراق وحنين
الفواصل
كانت أقرب للمراجيح الصغيرة
ليه ترسمها مقاصل
.. يالقصيدة
لاتواصل
.. آه لو تدرين شلي
لاتواصل
.. فيك حاصل
لاتفاصل ردها مثل المراجيح الصغيرة
مثل حبات الذرة
شيّطنت لاعب كرة
ظل شعره طيّرتها الريح
من قذلة مره
كل ليلة
يخرج من الما
ويدخل في القصيدة
طفل
يبادل ضيا القنديل
باسرار الفراشات
ويضج بدفتري
الشتا تلويحة المنفي إلى الأرض
البعيدة
والمسا نادل وانا في حزنك العشرينيا
واستبدل اسمك بالفراغ البربري
من حصاتين .. لحصا تين
استدار اليانع المجبول بالأوتار في العاشق
بلادي
مثل ماتغرق سما في نجمها
أعلنت نعناني على صدرك
ومرغتك في وجه بنيّتِ ماشاغبت نسمه
طرف فستانها إلا
ونورست احتمالاتي
حليبٍ عاريٍ حتى من العري و
**
بطاقه
أكثر الأشيا قرف قارئ يقلب في كسل
حزنك تماماً مثل ماسيل المجلات القديمة
في صوالين الحلاقة
..
انطلاقة
ماتوّحش في دم الباذر سوى الأخضر
بلادي من حصاتين لحصا تين
ارتبكتك
ارتكبتك
وابتكرتك
كيميا وغيّ
تك تك
مرحبا
تك تك
ومرٍ بي حبا
تك تك
قصيدة
تك
فوجهٍ طاعنٍ في اليتم
تك