ما عليه الخط كبير بس هذا طلب الاعضاء





(( قالت أحبك))

قالت احبك
واحضنتي ثم ٍ قالت من انت ؟؟
وضحكت .. ثم ٍ بكت
ثم ٍ حكت .. ثم ٍ سكتت
ثم ٍ قالت لي من انت !!

اللي جرى .. ماهو غريب
الزمن فعله .. عجيب
نسّاها اسمي ..
نسّاها حبي ..
نسّاها دمعي ..
في يوم انا ..
في احضانها طفل وحبيب !!

ياهي جرحتني .. يوم نكرتني
حاولت اداري عبرتي .. بس ماقويت
خانتي دموعي .. وبكيت
وبعدت عنها واتبعتني وامسكت يدي
واحضنتي ومسحت دمعتي من فوق خدي
رجعت البسمه لشفاي
نسيت انا همّي وشقاي
صرخت للدرب الطويل
لا مانستني .. مستحيل
الزمن او اي شي ..
يقدر يقسيها علي
يقدر ينسيها هواي
وفجاءه سكتت
ثم ٍ ضحكت
ثم ٍ قالت لي من انت ؟

((الشــآعــر الأول))



قرّر التاجر يكون الشاعر iiالأول افرحوا يا اهل القصيد وجهزّوا iiالساحة
سهلّوا الأوزان لجل المبدع iiالأفضل بعد إرهاق العمل يحتاج له iiراحة
فاضي هو يوزن ؟ .. كلامه كامل iiمكمّل يكفي انّه لجلنا يكتب عن iiجراحه
الكسر فاسماعكم وإدراككم يجهل عبقرية فرحته والفن في iiنواحه
جدّدي له يا صحافة عهدك iiالأمثل وارسمي الأشعار صحرا وشعره iiالواحة
واكتبي عنه العظيم الشامل iiالأشمل كان يحتاج الشعر جهده iiواصلاحه
واسألي كيف ومتى وهل كان أو iiيعقل عمرنا من غير فكره تكمل افراحه ii؟
وين " نوبل " عن قلم من أشرق واشعل ظلمةٍ كنّا بها أفناها iiمصباحه
من يقول ان الشعر في وقتنا iiمبهذل شعرنا عقب الخساير زادت iiارباحه
لحّنوا الشعر البديع الأصعب الأسهل واعرضوه بكل شاشة ليل iiواصباحه
وادفعوا للي شدا للشاعر الأجزل مبلغ وقدره " كذا " يستاهل iiصياحه
ابشروا يا مطربين الدفتر الأجمل يكفي عن مُرّ السؤال وذل iiإلحاحه
دفتر ٍ فيه القصايد تشتري iiالأخطل وعنتر يضحّي بعبله ويرمي سلاحه
دفتر ٍ فيه المعاني في اليمين iiاسفل أقوى أبياته : فقط لا غيري في iiالساحه

((سيد جروحي))


سيد جروحي شمس عمري iiوظلي البعد طوّل والخطأ منك واضح
اذا غرورك يمنعك تعتذر iiلي تعال جنبي وابتسم لي iiواسامح
تدري احبك لكن الموت iiذلّي ادوس انا قلبي لو الشوق جامح
الله عطاك الحظ واصبحت iiخلّي والله عطانياك طاغى iiملامح
سألتني يا ياسميني iiوفُلي ياكيف يشفى الورد .. والشوك جارح
مثل العيون اللي لها كل كلي زايد حلاها لكن الدمع iiمالح
وش تنتظر يكفي دلال iiوتغلي الوقت ماهو للوصل دوم iiسانح
مادمت ترحالك ومادمت حلي ان صرت انا خسران ماصرت رابح
لا تعطي الفرصة لعذالنا iiاللي لكل ماهو يهدم الحب طامح
مالك صبر عني ومالي iiتسلي والوقت خيل صوب الآجال iiرامح
سيد جروحي شمس عمري iiوظلي الحب بعد وقرب .. مخطي iiوصافح
اذا غرورك يمنعك iiتعتذرلي لا تعتذرلي قول اسمي iiواسامح


(( الوداع))


الا يا قلب نبضي ..
يا سما دمي ووجداني
فمان اللي عطاكي كل طهر الأرض ..
أنا ماشي ..
هذا كان اخر مانطق قلبي ..
وأول نبض في لساني
وتلاشى النطق ..
وعصر حزن الوداع اللي حضر قلبك دموع ..
بكت ادفى دموع الخلق ..
وسرى في داخلي برد الخشوع
وغير العطر ودموعك وجرحي من وداعك ..
مابقالي ..
استعفر اللي صورك مما طرالي
طرالي يادفى عمري..
وياترحالي وحلي
ارشف دمعك الطاهر .. واغسلبه واصلي
واحمد ربي اللي بك حباني
الا يا ام اجمل من سكن قلبي
ويا داري وعنواني
فمان اللي عطاكي كل طهر الأرض ..
أنا ماشي ..

(( تعبت))


تعبت أنزف جراحي حبر و أدور للألم iiأسباب
لجل أكتب شعر يحكي بعض أصغر iiمعاناتي
قفلت من الأسى بابي وسجنت الكون خلف iiالباب
وعصتني دمعةٍ فيها سؤال لكل اجاباتي
ملل أخبار حسّادي أحد صادق وأحد iiكذاب
و أحد ما طال تجريحي و أحد عايش iiلزلاتي
أنا شاعر رغم أنف الحسد والحقد و iiالأحباب
وانا ياحاسدي المسكين بعيد العيب عن iiذاتي
أنا ما زادني شعري ولا زادتني الألقاب
تجي دنياي أو تدبر عزيز فـ كل حالاتي
أنا فرحي لمِن حولي وأيامي فدى iiالأصحاب
قصيدي بلسم المجروح ونبض الناس iiأبياتي
كسرني قلبي المكسور نادت دمعي الأهداب
تعبت أركض ولا أوصل ولاتوصلني غاياتي
أبي ذل ٍ يغطي الأرض لك يا رب يا iiوهّاب
وابي أحيا جبيني فوق ما تملكني iiرغباتي
من الدنيا أنا مابي سوى عفو العلي iiالتواب
ويحسن خاتمة فعلي ويغفر لي ضلالاتي
أبملا العمر "بالتوبة" و "نوح" و "هود" و"الأحزاب"
متى كانت سنيني عمر انا عمري في iiركعاتي...

يتبع