ريالين اتصال
للـحـزن سـاحـاتٍ بـصـدري مـثـل سـاحــات الـقـتـال
فـيـهـا الاصـيــل مـــن الـمـهــار تــعــوّد بخـيـالـهـا
ولا يطـفـي حـــر مـابــي مـــن حـرايــق وأشـتـعـال
الا الـدمــوع الـلــي مـــن عـيـونـي يـهــل هـلالـهــا
لازال فــيــهــا دمـعـتــيــنٍ لــلــفــراق ولاتـــــــزال
ذكـــرى هـنــوفٍ كـــل يـــوم أحـطّـهــا وأشـتـالـهـا
راحــت عـســى الله مايلحـقـنـي مـشـاريـه الـرجــال
تـقــول كــنّــي مـاخـلـقـت مــــن الــتــراب الاّلــهــا
عــزّ الله أنّـــي مانـسـيـت أفعـالـهـا بـنــت الـحــلال
لــعـــل ربـــــي مـايـجـازيـهـا بـــســـو أفـعـالــهــا
أكـبـر جريـمـه ترتكبـهـا فالـهـوى مــن وســع بــال
هــــذي ضـحـايـاهـا بـقـلـبــي شــيـــدوا تـمـثـالـهـا
وشلـون تهجرنـي وأنـا مالـي علـى الهجـر أحتـمـال
وشـلـون تهملـنـي وأنــا مـانـيـب أطـيــق أهمـالـهـا
وشـلـون تقطعـنـي بسـيـف البـعـد قـطّـاع الـوصـال
وأنــا لــو أقـطـع عــرق قلـبـي ماقطـعـت اوصالـهـا
وشــلـــون ماتشتاق,,ماترحم,,مـاتـذكـر,,مـاتـسـال
وشــلــون مـاتـطـلـق يــديــنٍ كـبــلــت بـأغـلالـهــا
وشـلــون مـايـطــري عـلـيـهـا لاتـفـيــت فـالـظــلال
مـتـشـبــثٍ لاوقــفـــت جـنــبــه قــعـــد بـظـلالــهــا
مكسور خاطـر والسـوال أعـووووذ مـن ذل السـوال
يـامـا أنتـظـر مــن بــرج هاتـفـهـا يـبــث أرسـالـهـا
لـكــنّ مـــال الآدمـــي حـيـلـه لامـــن الـحــظ مــــال
الميـلـه الـلـي فــال ربـــي خـيــر لـــه مـــن فـالـهـا
هــي افقدتـنـي مــن هـنـا .. وأنــا فـقـدت الاتـصــال
مــــن يــــوم راحــــت لارسـايـلـهــا ولا جـوالــهــا
يـاقـســوة الايــــام والــحــظ الـــــردي والاتــكـــال
عـلــى مـقـولـة ( للـمـواقـف والـلــزوم ارجـالـهــا )
يالله دخيـلـك مـــن تـردّايــة نـصـيـب وشـيــن فـــال
مــن حـيـرة آمــري لـيـت عـنـدي حيـلـةٍ وأحتـالـهـا
أن أرخصـت قـدري وطاحـت قيمتـي والهـجـر طــال
قـولـولـهـا تــتـــرك مـكـابـرهــا وتــاخـــذ بـالــهــا
أنا من اللي فوق .. فوق و فوق .. فوق و عال .. عال
تـركــد ويـركــد عـمّـهــا مـعـهــا ويــركــد خـالـهــا
لاوصــلـــت لـلــحــد هـــــذا لانــقـــاش ولاجـــــدال
تـبـعــد وتـنــكــف الامـــــور دقـاقــهــا وجـلالــهــا
لـو المفـارق صعـب والنسيـان ضــرب مــن الخـيـال
ارخــــاي راســــي لايــــروق الــهــا ولايـحـلالـهـا
احـفـظ لـهـا قيـمـة غـلاهـا وأنتظـرهـا مــن شـمــال
وإذا نـسـتـنـي هـــــذي الـدنــيــا وهـــــذا حـالــهــا
أمّـا أنـي أنساهـا .. نسـى الله مـن نـسـى ذاك القـبـال
يـاااااصـبّ روحــي صـــب دلـتّـهـا عـلــى فنجـالـهـا
قولـولـهـا لاستـخـسـرت فـيـنـي ريـالـيـن أتــصــال
تـهـدي عـلـى ( جمـعـيـة الـصــم الـبـكـم ) جـوالـهـا
هيبة جلاله
الـعـمـر مـقـفــي والـمـنـايـا مـقـابـيـل
كــــلٍ ومـاجـابــه نـصـيـبـه وفــالـــه
والشاعـر اللـي مايوقـف عـلـى حـيـل
يـدفـع عـلــى قصـيـدتـه مـــن حـلالــه
ســلام تسـلـيـمٍ مـــن الـبـحـر للـنـيـل
يـهـب لـــه ريـــح الـشـمـال بشـمـالـه
يسـوق ريـح المسـك والـبـن والهـيـل
والـعــود الازرق والـعـلـوم الـجـلالــه
علـى الاصيلـه فالجـة صـبـح الاصـيـل
صــدر الشـمـال وعـيـن نـجـد ودلالــه
عسـى السحـاب اللـي تمثنـى الاقاذيـل
يـصـب فـــي راحـــة يـديـهـا خـيـالـه
مـن غيرهـا يستاهـل العشـب والسيـل
الا نــــواة الارض مــهــد الـرســالــه
اللـي غزاهـا مـن غزاهـا علـى الفـيـل
واظـلّـهـا ربـــي عـنْــه فـــي ظـلالــه
شعـرٍ ماقـيـل بصيـهـد رمــاح ماقـيـل
تنـسـد أذانــي سامـعـه عـــن مـجـالـه
دارٍ لـهــا قـيـمـه وحـشـمـه وتبـجـيـل
يحـدهـا فــي الـصـدر جـالــه وجـالــه
تنهـل مـن امجـاد ( السبيـه ) مناهـيـل
هــاك الـقـراح الـلـي شـربـنـا زلالـــه
وتنبـت فخـر ماهيـب تنبـت محاصـيـل
وتـبـرز مــن خـيـار السـلايـل سـلالـه
يـنـرد عنـهـم فــي الـزمـان الاقـاويـل
فرسـان ابـو تـركـي وصـفـوة رجـالـه
كـلـه لـعـيـن ام الـرمــوش المظـالـيـل
يـامــا نطـحـنـا دونـهــا كــــل قــالــه
يالـلـي تحـذفـون الـجـبـل بالفنـاجـيـل
مـــدري تـغـرفـون الـبـحـر بالبـيـالـه
غـنـوا عـلـى مــوال مـطـولـك يـالـيـل
واخـذوا علـى عـض النـواجـد وكـالـه
المجـد فـي حــد السـيـوف المصاقـيـل
والا الجـمـوع الـلــي تـقـاتـل بـسـالـه
تنقـص مـن دونــه شــوارب رياجـيـل
وتسـقـط جـلالـه لـجـل هيـبـة جـلالــه
عـلـمٍ يحفـظـه جـيـل ويعـلـمـه جـيــل
واطـرف جـواب لمـن عطـانـا سـؤالـه
وقفـاتـنـا تـشــف الـكـبـود المغـالـيـل
ورجـالـنــا يـنـطــح قـبـيـلـه لـحـالــه
نمـيـل للـبـارود فـــي عـجّــة الـخـيـل
مـثـل الشـمـالـي يـــوم مـيّــل عـقـالـه
نـارد علـى حـوض المنـايـا مصاطـيـل
مــــن غـيّـنــا معـطـيـنـهـا لـلـثـمـالـه
لـنـا مــن الهيـبـه فـيـالـق واسـاطـيـل
ولـنـامـن الـمـجـد الاصـيــل الاصـالــه
ولنـا مـن السطـوه وش طيـور ابابيـل
الا مــــع ابـابــيــل عــمـــه وخــالـــه
اللـي تسـوي فـي العـروبـه اسرائـيـل
حـربٍ علـى المـلـه وبـطـش وضـلالـه
واللـي نـسـوي عـدلـة المـيـل بالمـيـل
جـهــالــةٍ تـــــرد كــيـــد الـجـهــالــه
حـنـا هــل الغلـبـا الـدهـاه الحـلاحـيـل
عـدونــا يـقـعـد عـلــى الارض عـالــه
الــيــا رضـيـنــا لـلـعـدالـه مـداهــيــل
والـيــا زعـلـنـا مـانـعــرف الـعـدالــه
يـا مـن كيـانـك مــش حـالـك وتظلـيـل
اسـرع مـن ارمـاشـة عيـونـك زوالــه
اقرب مثل ماعاش ( توقيع ابا الخيل )
عاش المليك وصورته في ( رياله ) !!
اغلى ثلاث
انثـر علـى خـدي مـن الدمـع وانــوح
لـيـن المـدامـع جــف مـاهـن وبـاحـن
ومشاعري من شان لاصيـر مفضـوح
اكذب علـى نفسـي واقـول استراحـن
اهـدي اعصابـي وانـا افـور وافــوح
لوفـوقـي الـدلــه والابـريــق فـاحــن
لنـي فقـدت الـروح مـع تـوأم الـروح
اغلـى ثـلاث(ن) فـي حياتـي وراحـن
راحـن وبـاب القلـب للحـزن مفـتـوح
والنـوم عـن عيـنـي دروبــه تنـاحـن
ورثت من مرواحهـن عشـرة جـروح
اسكت وهن سكوت ون صحت صاحن
والـى لزمـت الصمـت مــاودي ابــوح
تـجـردن مــن صمتـهـن واستـبـاحـن
يال النصيب اللي كتب لي على اللوح
علقتـهـن بـيـن المـحـاجـر وطـاحــن
طاحن ويـوم الظـل ميـل علـى الـدوح
كـن الحمايـم فــي ضلـوعـي تـلاحـن
ياكسـرة الخاطـر وياقصـرة الـشـوح
ضحيتيـن الـحـرب والـحـرب طـاحـن
قفن عن عيوني بروق(ن)لهن ضوح
واتلا العهد فـي شوفهـن عقـب لاحـن
زينةحياة, ونصف ديـن, وغـذا روح
اغلـى ثـلاث(ن) فـي حياتـي وراحـن
أول يوم!!
سـلام الله عـلـى ظـلـم الـفـراق وقـسّـوة الأيــام
عسـى ربـي يسهـلّ لـك طريقـك وتحيـا وتـدوم
رح ووجهك بياضه من بيـاض الصبـح ماينـلام
وانا من مـدّة ايديـن البخـت يرضينـي المقسـوم
وش بيـدّي وقـف حـظ الفقيـر ومـاتـت الأحــلام
إذا حبّـك مـن أوّل يـوم وفراقـك مــن أوّل يــوم
رقبتـي قفلتيـن وسيـف هجرانـك مسيـرة عــام
جلدنـي وأنكرتـي ملحـة العشـره وربعـي قــوم
يهونـهـا لــو أن الـحـظ يسّـلـك مسّـلـك الأقــدام
ماكان أوصل حدود الأرض وأعوّد وأنا محـروم
تصافـق لـك معاليـق الضمايـر يـا بعـد مـن قـام
وخلانـي خصيـم لوسعـة الصـدر ولـذيـذ الـنـوم
أداري عبـرةٍ ضامـت عيونـي والعـيـون تـضـام
وأكبّـر هقوتـي لا كبـرت الشرهـه وكبـر الـلـوم
ياويلـي مـن مناديـب الضنـون وطرقـة الأوهـام
تساوينـي معـك فـي خانـة المحمـود والمـذمـوم
تشوف أنّك على حد اليمن وتشوفني في الشـام
وأشوف أنّا على وجه الحياه أثنيـن تـوم وتـوم
تذكّـر وأنــت عـنّـي بـعـد الأبــوّه عــن الأيـتـام
رهيـن الغربـه اللـي مـن ديـاره ماتجيـه عـلـوم
بعـد مـادار عـام مـن المفـارق يـا غــرام الـعـام
وروحـي مابـقـى الا زفرتـيـن وتبـلـغ الحلـقـوم
لا ترخـص قيمتـي لامــن تذكـرتـك وأنــا قــدام
وجيهـن تذكـر الظالـم ولا تـدري عـن المظـلـوم
مابعتـك بالسحايـب والبـروق السمـر والأنسـام
وسامونـي بتلويحـة وداع وبعـت بــأوّل ســوم
سئمت العيش (نون وصاد) واللذات (سين ولام)
بـنــادم والـبـنـادم حيـلـتـه مـاتـوجـد الـمـعـدوم
مادام الصحف جفت وأنت رحت ورفعـت الأقـلام
علـى حـبٍ مـن أوّل يـوم وفـراقٍ مـن أوّل يــوم
ياويلي على الابتسامه
روحــي فـمــان الله ورعـايــه الله
مــع السـلامـه رافقـتـك الـسـلامـه
وانــا لـيـا غـنـا المـغـنـي لـلـيـلاه
جريت صوتي فـي طويـل العدامـه
وغنيت لك ياتـل قلبـي مـن اقصـاه
ولاحيت مع وجه العصير الحمامـه
وضحكت من (دوّر حبيبك وتلقـاه)
القـاه عنـد العـرض يــوم القيـامـه
روحـي وخلـي مـن نثرنـي بقايـاه
يمضـي عليـه العمـر عامـه بعامـه
يــومٍ بقـايـا دمعـتـه فــي مـصـلاه
يبـقـى لـهـا لادور يـومـه عـلامــه
ويـومٍ بهامـه بيـن راحـة شفـايـاه
مـن لوعـة الفـرقـا يعـضـه نـدامـه
ويـوم يفضفـض للمكـان وزوايـاه
عــن كــل شــي ولايكـمـل كـلامـه
يصيح صيحـة مـن غوالـي دنايـاه
مامنـهـم الـلـي جـبـر الله عظـامـه
حزنه من اقصى طعنةٍ فـي حنايـاه
ماجابـتـه سبـابـتـه مـــن بـهـامـه
تـمـره اغـلـى الذكـريـات وتـعــداه
ويمـوت بيـن الكـبـر والانهـزامـه
ما في الضلوع الا متاهـه ومضمـاه
ومافـي العيـون الا زراقـة غمامـه
رعــاه هـمـك لـيـن بـيـح خـفـايـاه
واصخوخفت روحه وزاد احتدامـه
ادنا مايزعل منـه وادنـات مرضـاه
مثل الغرير اللي علـى اول فطامـه
وان هب نسناس الهبوب وتمثنـاه
في ليـلٍ اغـوى العاشقيـن بظلامـه
يسري ولا يدري على وين مسـراه
ويسرح ورقاد الضحى فـي منامـه
كم لي وانا الـوم الزمـان بسوايـاه
ولاحر مـن جمـر العتـب والملامـه
الا ضروفٍ ترخي امتون و اجبـاه
تختـار معـهـا الــذل والا الكـرامـه
لـو انهـا بالمـال والـوجـه والـجـاه
كــم مــن سنـافـيٍ مقـامـي مقـامـه
لكنـهـا رحـلــة ضـيــاع ومـعـانـاه
يقضـي بهـا المغـرم بقيـة غرامـه
اللـي علـى ربــه ممـاتـه ومحـيـاه
وعلـى رقبـة غاليـه ذنبـه واثـامـه
من كثر مايبدي على الناس شكواه
مـاعـاد يـاجـد هيـبـتـه وحـتـرامـه
بحـاول انسـى ماحصـل وآتنـاسـاه
واظهر مـن الدنيـا برجـل العمامـه
احتـاج وجـهٍ بسمتـه فــي محـيـاه
حاجـة فقـيـر راس مـالـه حـزامـه
يقـول ياويلـي علـى المـال ويــلاه
واقـول ياويـلـي عـلـى الابتسـامـه
كرت العايله
عـلّـم عيـونـك لاتـطـوّل فــي الـكـلام ولاتـقــول
من قبـل أعرفـك مابعـد شفـت النجـوم .. القايلـه
خلـك تــرد العـلـم عـنّـي قـبـل سالفـتـك تـطـول
رد الـــرواه الـلــي يــــردون الــكــلام لـقـايـلـه
ضيّعتنـي ضيّعـك ربّــي فــي مضيّـعـة العـقـول
مـن يـوم أخايلهـا .. وأنــا مـاكـل بــرق أخايـلـه
وأن ضيّعتني ضحكـةٍ بشفـاك .. ياديـن الرسـول
غديـت مـلـحٍ ذاب فـصّـه فــي الشـعـاب السايـلـه
وحلمت بأنّك عرش في قلبي علـى كـف محمـول
وفسرتها !! أن العرش هو حبّك وأنا اللي شايله
وليـا نشـدت النـاس قـالـوا : يامغـفّـل يامهـبـول
حلـمـك بعـيـد ولــو تـمـد إيـديـك منـتـب طايـلـه
يارجل وجهك بالرضا والمسك والنـور مغسـول
مـن حيـث لاتعـلـم عـمـل فـيـك الـزمـن عمايـلـه
مامـات مـن ظلـم الغـرام إلاّ الحيـاوي والخجـول
تحـدّهـم ســو الطـوالـع فــي الحـظـوظ المايـلـه
غاياتهـم تحبـس وتبقـى فـي خواطرهـم تجـول
مثـل الـذي يمشـي علـى ستايـل مهـوب ستايـلـه
مـدري ملكتـك ماملكتـك !! والتباهـي والفضـول
يقـول مـالا تنتـظـر يـاجـاي لــك !! يـاجـاي لــه
خل الحسـود يمـوت فـي ثوبـه يقـول أو مايقـول
لاواهـنـي الـلـي يـحـط أسـمـك بـكـرت العـايـلـه
دقّه وتسكيره
رجـم الهـوى اللـي لعـن كوثـر جماهـيـره
عــز الله أنّــه مايستـاهـل تـعــب سـاقــي
أتعـبـتـهـا فــــي مـراقـيــه ومـشـاويــره
ذي جـرتـي نــازل .. وذي جـرتـي راقــي
لبيـه يـا (ســاره) .. ولبـيـه يــا (منـيـره)
في مهبل الناس مدري ويش أنـا لاقـي !!
صــدر الشمـالـي عليـهـن فــك أزاريـــره
الـلـي مـــن آدم وحـــوّا مـابـعـد ضـاقــي
جــن المديـنـه عـلـى غفـلـه مــن الـديــره
وتـورّطــن بالرومـنـسـيّـه والأشــواقــي
مـايـكـتـبـنّ أسـامـيـهــن بـالـطـبـاشـيـره
بيعلمـنّـك عــن الـمـوضـه والأذواقـــي !!
وجيـهـهـن طـالـعـات مــــن الـكـوافـيـره
مـن كثـر الألـوان كنْهـا (سبحـة عراقـي)
مـافـيـه داعــــي أجـامـلـهـن بتـكـشـيـره
وأقـول مشـتـاق .. لــو مانـيـب مشتـاقـي
ماهن بكفو السهـر .. والحـزن .. والغيـره
ودموعي .. وشعري الموزون .. وأوراقي
(كرت أحمر) و (باب طيّاره) و (تسفيـره)
فـي (قلعـة الوادريـن) و (بألـف طقّـاقـي)
الهـنـدي و وايـتــه !! والـعــود وبـعـيـره
هـــذا مـــدوّر ذهـيــب !! وذاك ســوّاقــي
لـو مـا أنصفتنـي سنيـن العمـر الآخـيـره
ماطبّقـت عيـنـي أحـداقـي عـلـى أحـداقـي
قفـلـت سـيـرة عـلاقـات .. وبــدت سـيــره
الـلـي عليـهـا الـكــلام وهـقــوة الـهـاقـي
أبرك ضيوف الهـوى !! وأغلـى مساييـره
ريحـانـةٍ تقـطـف اللهفــه مـــن أعـمـاقـي
ماهيـب مـن قـوم : (ابـو دقّـه وتسكـيـره)
مـن قــوم : (لاحاسـبـت ماتـاخـذ البـاقـي)
لـهــا عـلــى الـزيــن تهلـيـلـه وتكـبـيـره
أنعـم مــن الــورده الـلـي فــأوّل السـاقـي
مهـيـب أمـيــره لكـنْـهـا جـنــب الآمـيــره
ذات الحسب والنسـب والمستـوى الراقـي
مـن (أغنيـاء الريـاض) ومـن (هواميـره)
شركـات أبوهـا بضايعـهـا فالأسـواقـي !!
يومـي لـهـا الغـصـن وتغـنّـي عصافـيـره
والأمـــر يـنـقــاد لـرضـاهــا ويـنـسـاقـي
غـيـداءٍ سـهـم عينـهـا مــن قــوّ تـأثـيـره
مخـسـرٍ ســوق الأسـهـم عـنـد الإغـلاقـي
الـبـدي والهيـكـل الـلــي مـاتـبـي غـيــره
(أصطب) و (أستبنتين) و (قير علاقي) !!
مــازيّــن أخــلاقــي الــطــب بعـقـاقـيـره
لــــولا عقـاقـيـرهـا مــازانــت أخــلاقــي
مــن قبلـهـا الـحـظ مــن جـفـره لدحـديـره
لـيـن أوعــزت للـزمـان وحــرر وثـاقــي
وأعتضت عن قوم : (ابو دقّـه وتسكيـره)
باللـي : (لـيـا حاسـبـت ماتـاخـذ البـاقـي)
الصدور الجنوبيه
يــاوجــود الــلــي عـيــونــه شـقــاويّــه
مــرّهـــا حـــلـــو الــمــنــام وتــعــداهــا
كــــن بــيــن جـفـونـهـا جــمــرةٍ حــيّــه
مـايـطـفـيـهــا ســهــرهـــا ولا مـــاهــــا
بـيّـتــه لــيــل الـشـتــا فــابــو حــدريّــه
واحـتـداه و حــد نفـسـه عـلــى أقـصـاهـا
مشـكـلـة بـعــض الــصــدور الجـنـوبـيّـه
لـــو تجـيـهـا دمــعــة الـطـيــر تـمـلاهــا
الــعــوامــل والـــظـــروف الـطـبـيـعـيّـه
غــيّــرت مــجــرا زمـنـهــا ومـجــراهــا
يــاوجــود الــلــي عــشــق لــــه (....!!)
فـــي صـــلات الـرحــم مـاهــوب ويـاهــا
مـــن تـحـبّـه لـــو تـحـبّـه عـلــى الـنـيّـه
بـرّكــت بـأقـصــى ضـلـوعــه مـطـايـاهـا
ذوقـتـنــي هـجـرهــا ثــانـــي ضـحــيّــه
و اصطـلـت روحــي عـلـى حــر فـرقـاهـا
طـيّـرت مــن غـصـن الاشـــواق قـمـريّـه
ورهـنـتـنـي فــــي هــواهـــا ولامــاهـــا
حـايــلٍ مـــن دونـهــا حــــول وشــويّــه
مـــيـــر مالله حـــايــــلٍ دون ذكـــراهــــا
كــــل حــاجــه بـاقـيــه مــثــل مـاهــيّــه
مـاســرا مـعـهــا عــلــى درب مـسـراهــا
كــود عـضـوٍ (فـــي جـهـتـيّ الشمـالـيّـه)
فـــاع مـــن عـــوج الحـنـايـا وخــاواهــا
ودمــعـــةٍ نـطّـحـتـهـا راحـــــة ايــديّـــه
( افففف ) ياماحرّها و ( احححح ) مقساها
حـوّلـتـهــا يـــــوم قـــالـــت وداعـــيّـــه
و استـبـاحـت سـتـرهـا فـــوق مـاطـاهــا
حـيـلـتـي لاهــبـــت الــنـــود عـصــريّــه
قـمــت مـــع كــــل الـجـهــات آتـحـراهــا
وأمـســت الـفـرحــه يـتـيـمـه ومـنـسـيّـه
فـــي عـيــون حـرقــة الـوجــد تـصـلاهـا
عــن خديـنـات الـتــرف نـفـسـي امـعـيّـه
لـــو تجـيـنـي مثـلـهـا كـنـهــا ايــاهــا !!
مــن غــدت مـنــه ( الـذلــول العمـانـيّـه )
مـاتـعـوضــه ( نــاقـــة الله وسـقـيـاهــا )
دكّــــت ضــيــوف الـمـعـازيـب رجـلـيّــه
مـابـقــى الاّ ضـيـفــةٍ فـــــوق مـركــاهــا
سـيــرةٍ مـــن وحـــي عـامـيـن هـجـريّـه
ودّي أنـــســـاهـــا ولا ودّي أنـــســـاهـــا
الـمــعــالــم والـــرســــوم الــطــلالــيّــه
مـايـحــفــظ أمــجــادهـــا الا بـقــايــاهــا
ذكــريـــاتٍ تـعــبــر الـعــمــر طـرقــيّــه
وذكــريــاتٍ فــــي وطـنـهــا ومـربــاهــا
وصــورةٍ فــي مـتـحـف الـبــال مـطـويّـه
كــــــل يــــــوم آفــلّــهــا وآتـهــجــاهــا
مــــن لــهــا قــــدر أوّلــويّــه وأهـمـيّــه
مـاشـعــرت بـغـربــة الــــروح لــولاهــا
والــــذي نـفـســي بــيــده إنّــهــا لــيّـــه
أقـــرب مــــن كـفـوفـهـا عــنــد حـنـاهــا
لــــو جـفـتـنـي والـعـيــون الـشـقـاويّــه
مــرّهـــا حـــلـــو الــمــنــام وتــعــداهــا
الحكم السعودي
والله أنّـي جـيـت مـانـي بمـحـدودي
ماخـذك مـن زاويـة .. طـبّ وتخـيّـر
ليـن خوفـي مـن مساميـر الكبـودي
ردنـي لأجيـك ضيـف !! ولا مسـيّـر
والـغـلا زاد وتـعـدا بـــي حـــدودي
وأنت ما ترحم كبيـرك .. يـا صغيّـر
لا رحـم جـدّك تـقـول انّــك يـهـودي
مـا تقـول أنّـك بـري وإنسـان خيّـر
يا بري حالي عليك !! ويـا وجـودي
أحسـب أنّـك فـي يـدي شيـكٍ مجيّـر
لين جيت ورحت ما شـدّن عضـودي
مـن حبالـك لا طـويـل .. ولا قصـيّـر
والحـسـود أن عــاد وإلا لايـعــودي
جعـل مالـه فـوق وجـه الأرض ديّـر
كــل مــا يقتـادنـي للـمـوت قـــودي
ما ذكـرت الا أنـت !! يالريـم المذيّـر
يا أنتعاشي في الحياه .. ويا وقودي
دلّـنـي لا صــرت بـالـراي متـحـيّـر
لو تذعذع بـك رياحينـي .. و نـودي
النصـيـب أن ماتسـيّـر .. ماتـسـيّـر
لا يهـمـك لا عــذول !! ولاحـسـودي
هــد روعـــك ياحبـيـبـي لا تـطـيّـر
أنت حبّك كنّـه ( الحكـم السعـودي )
ثـبّـتـه ( عبـدالـعـزيـز ) ولاتـغـيّــر
تضايقت وبكيتك
لايغرّك حجـب دمعـي عـن ظهـورة
لاتقـول أنّــي سليـتـك .. ماسليـتـك
دايم أستر دمع عينـي ستـر عـورة
والاّ أنــا يـامـا تضايـقـت وبكيـتـك
أوّلـه يـوم الـغـلا فـأربـع شـهـورة
وآخـره فـي يـوم جيـت ولا لقيـتـك
أعتبر مسيـاري لجـارك.. ضـرورة
لجـل أوقّـف مـوتـري قــدام بيـتـك
وأنتظر لي ربع ساعة.. عند سورة
ماخبـرت أن دخلتـه.. مـا أحتريتـك
وأنت تأخذنـي علـى عميـا مشـورة
مسـرفٍ بـي لارحـم حيّـك وميـتـك
تحسـب أنّـي نـاسـيٍ حـبـك ودورة
لـو نسيـت أبـوي وأمّـي مانسيتـك
الله اللي حطّ لك فـي العيـن صـورة
والله أن يمـحـا نظـرهـا مامحيـتـك
تلمـحـك روضٍ يقـلـدنـي زهـــورة
نـاعـمٍ لــو أنّــك بـتـوكـل كلـيـتـك
موج حبك في الحشا صفقه وفـورة
والظنـون تسـد نفسـي لأشتهيـتـك
وش تعللهـا عليـه مــن الخـطـورة
يامعلـلـهـا عـلــى لـيـتـك ولـيـتــك
واحدٍ من طـاري أسمـك طـق زورة
وش يقول أن سمـع لبيـك وفديتـك
عـذره بمخبـاة لــو يفـقـد شـعـورة
وأنـت عـذرك لارمــاك الله رميـتـك
لاتـهـز الغـصـن وتطـيّـر طـيــورة
أتـق الله وأحتـرم مجـدك وصيـتـك
وأن حداك مساير النفـس الغيـورة
مرحـبـا مــن واحـــدك لكمبلـيـتـك
أرمنـي فالنـار مـن عميـا مـشـورة
وأسرف أسرف لارحم حيّك وميتك
خزاين الارض
مـن ديـرةٍ شرقـي الطايـف شمـال (الغريـف)
يـمـطـر سـمـاهـا فـخــر وتـرابـهـا يـرتــوي
دارٍ قطعنـابـهـا دابـــر (حـسـيـن الـشـريـف)
يـــوم العـمـايـم تـحــذّف والـذيــاب تــعــوي
نسيت ربعـي وسجّـات النفـس فـي المصيـف
وخلّـيـت وجــه الشـبـح يــم الخـبـر ينـتـوي
ا
لاسـود الـلـي مـثـل لــون الـظـلام المخـيـف
مـن سرعتـه كنّـك تـشـوف النـجـوم تـهـوي
متـرامـيٍ هيكـلـه .. كـنــه سـحـابـة خـريــف
اللـي ورى مستـوي .. واللـي قــدم مسـتـوي
لا انساب فوق المسـار اللـي يميـن الرصيـف
لـــو المـسـافـات زولـيّــه .. طـواهــا طـــوي
لا هـو شمالـي ثقـيـل .. ولا جنـوبـي خفـيـف
الشكل شكل حضري .. والطبـع طبـع بـدوي!
كشنـه مـن العـاج واسياتـه كراسـي مضيـف
من غالي الوصف .. تاصـف فيـه ليـن تغـوي
شقّيـت بـه صـدر نجـد وبـطـن وادي حنـيـف
وعقّبـت جـوده .. ولا مــال الـظـلال ضـحـوي
الا وانـا فـي كـنـف دمــث الجـنـاب المـريـف
فــي واحــةٍ تهـتـوي مــن جـالـهـا مـهـتـوي
شرايـح المجتمـع ترتاداهـا ضيـف .. ضـيـف
لمحطـمـيـن الـعــزوم .. الـدافــع الـمـعـنـوي
ما جيت ابا ابسط يدي .. واحتال حيلة ضعيف
جـيـت اتـشـرف بمعـرفـة (الامـيـر جـلــوي)
واصـب مــن سيـرتـه واقـنّـد الــراس كـيـف
وابـجّـلـه وامـدحــه واصـنّـفـه ... مـــن ذوي
الـراحــه الحاتـمـيـه .. والــفــواد الـنـظـيـف
والعـدل لا اقفـى علـى حـق الضعيـف الـقـوي
ابــوه مـــا حـطّــه مـعــزّي خـلافــه رديـــف
الا ان فـعـلـه لـــوى عـنــق الـثـريــا لــــوي
يــرد المنـايـا لـيـا لاقــا الحـفـيـف الحـفـيـف
(خمسين ينبـوع) صبّـن فـي فمـه .. مـا روي
كـم مـن كبـودٍ علـى نــار الحـسـام الرهـيـف
امـــا قـلاهــا قـلــي .. والا شـواهــا شــــوي
اثنـا .. وقبـل .. وبعـد .. ذاك النهـار الكلـيـف
مــلاحـــمٍ دار حـولـيـهــا الــحــديــث وروي
لـو سمـع عنهـا الاصـم ولـو نظرهـا الكفيـف
لا كـ