السلام عليكم ورحمة الله وبركاته
يقول الشاعر / أحمد الصانع
في إحدى روائعه
كنت أظنك من عيوني ماتطيح
لين في عيني ارتفع غيرك وطحت
ويقول سالم الراشــدي :
الطريق اللّي يجيلَك مِنْـه رِيْـح
ابتَعِـد عنّـه ولَـوّك مااستَرَحْـتْ
ايه ابعِد يافؤادِي ( تَسترِيـح )
دامَك انْته مِـن سبايْبـه انْذَبَحـت
دام حبك في غَيَاْهبهُـم طَرِيـح
ماتفيدِك هَالدُمُوعْ انْ كَـان نِحـت
جُملة أوْجَاعِي عَلى هَمِي تصيِح
( لا تزيد الجَرْح فِينِي لو سَمَحت )
ورِّنِي ذا اليُـوم سَـدِّن مَايبيـحْ
دَام خلَّـه نَاحِتـه هالغَـدْر نَحْـتْ
آه مِنّك ياسوَد الوَجـه الكلِيـح
اه مِنِّك كـم ف طَعْنَاتَـك سبَحـت
لاتحسِّبنـي مُغفّـل يالشحـيـح
ماتحرك شـيّ فِينِـي لَـو نَبَحْـت
مايضر السُحْبْ يالهَامِـي نَبِيـحْ
لو يعدِّي بِك خَيَالِي كَـان سحـت
اذكر انِّي كُنت كَالطَيـر الجَرِيـح
واذكُر انَّك كُنت مرتَـاح وفَرَحـت
واذكُر انّ الصّدق عُنْوَانِي صَرِيح
واذْكُر انّك خَاينٍ مِن ويـنْ رُحـت
كيْف تَطعَنِّي وَانَا كَنِّـي ضَريْـح
حَتَّى وآنَا فِي جُروحِـي مَافَلَحْـت
كُنت اظن أنِّي ف قُربَك مستَرِيْح
لينْ مَاأَقْفيـت عَنَّـك واسْتَرَحـت
وكُنت اظنّك مِن عيُونِي مَاتطِيح
لين فِي عيني ارْتَسَم غَدْرَكْ وَطحت
تحيتي بماء الـ //ـورد
أختكم
أمـــل
