اسعد الله كل اوقاتكم بالمسرات

بـخـيـل لـســـان





هلا يانجمةٍ عينـي .. تراقبهـا كثيـر أزمـان
هلا يانسمةٍ راحـت زمـان .. وردّهـا سامـر
هلا ياكلمةٍ فكـري .. يناديهـا أسيـر وكـان
يسافر عن معانيهـا بعيـد .. وينتظـر باكـر
غرامٍ جفّت غصونه .. تبسّـم للمطـر ولهـان
وصيفٍ مارحل راضي .. رحيله ماكسر خاطـر
سريت بكل مافيني .. من آمال تجـي لانسـان
عساي الحق مداه اللي.. بقيت بأولـه ساهـر
يكم عينٍ قرت بوحي تحس انّي بخيـل لسـان
وانا رغم الحكي فيني عجزت اوصف كرم ناظر
عرفت أبعد عيون أكرم .. من عيونٍ لها عنوان
وهي الاقرب .. ولا خافت تقول بصمتها : آمر
سألت الذنب كان انّه لقى .. فالتجربـة برهـان
وتاه بعذره الواهي .. يدوّر لـه علـى عـاذر
وأعاصير الحزن مرّت سوالف تشبه النسيـان
شتاتي .. جمعه نور.ن. حماه الواحـد القـادر
أكيد أفرح .. ولكنّي بديت أفرح كثيـر أحيـان
لأنّي لا بغيت أحكي .. سبقني بالنظـر حاضـر
هلا بك يالفرح نجـمٍ ضيـاه يحـرّك الوجـدان
هلا بك كثر مالامس .. تراب الأرض من طاهر
هلا بك والجديد أجمل نشيـدٍ فالسمـا يـزدان
لعشقٍ سافرت روحه..زمـان وردّهـا سامـر


لكم ولاعينكم
ولقلوبكم كل المحبة والتقدير

دمتم بخير

النجـ هازم ـــلاء