انتي متاكده من العنوان .. إيه متاكده اخاف انك غلطتي .. لاماغلطت ( ياريت تراجعين نفسك قبل لاتهذرين )
نفسي تقول توكلي على الله واهذري ( احلى ياواثق )
_ الرجل هذا الكائن الغريب ( مدري ليه اذا قلت اسمه وقف شعر راسي ) من بشاعة تصرفاته ماخلى فيه شي نمدحه حتى لو فيه فيه يخربه ..
وفيه مقوله تقول الرجل اناني وازدواجي وشكاك ومدري وش بعد .. هي خمسه بس انا اضفت عليها (غبي ) (ياانهم بيكفخونك)

مو انا اللي قلت ..هاذي مقولة سمعتها .. وجييت اتاكد منها ..وطلعت صحيحه 100% ( بس مو كل الرجاجيل ) ( اكيد مو كل الرجاجيل في بعض منهم .. وانا اتكلم على البعض ( لايروح فكركم بعيد ) ماودك تغيرين .. ترانا تونا على الباب .. صعب اغير خلاص بديت لازم اكمل ( شكلهم حقدوا )

_ صفوا النيه .. الاختلاف في الرأي لايفسد للود قضيه ( اقول اركدي ) طيب واللي عذبها اخوها ورماها بالمستشفى عشان فلوسها من سبته رجل ( امحق)
_ والله ها الرجل عجبه شايف نفسه .. مدري على ايش .. والمشكله ما خلفته الا حرمه اللي يكفخها ويهزئها ( اقول احمد ربك ) والغبي الثاني يااني ودي اكفخه يقول باذاعة ( ام بي سي اف ام ) في برنامج من شاور الحرمه ماربح ( جعللك ماتربح ) لاويضحك طبعا على خيابته ..

ودي اعرف وش زودكم يالرجاجيل ( غتره وعقال ) ولا قصايد ياراعي المشاعر اللي تنقط عسل ( درينا انك رومنسي ) طيب وزوجتك
( مالها الا بيتها وعيالها ) النظره الغبيه الى الان ماتغيرررت ( مو كانك تطاولتي )
يعني اعتذر



اختــــــــــــــكم المخــــــــملــــــــــيه