سنة مرت على خير
سنـة مرت ومـرت على خيـر
سنه تعد الفارقه فـي زمـاني
ليالها غير ودفا ايامها غير
والروح فيها غير والقلب ثاني
كانـت كبيرة والغلا توه صغير
توه حديث العمر والعمر فـاني
والثانيه جتني تسوق التباشير
وهذا بداية ليلها الاولانـي
ابشعل شعر وشموع وتعابير
وعـده اقربلي من اقرب اخواني
حفلة عبث تلقي جميع المحاذير
تشرب عبثها من هدوء الاغاني
لعيون من جاني وانا جيته مغير
لو انـي مدري كيف جيته وجاني
منه المشاوير وعليه المشاوير
الفاتن اللي في عيونه رمانـي
ياحيلة الله يالرموش المفاتير
رمشأ تذكرني ورمش نساني
لو كان شافه جدنا سالم الزير
ماكان يقوي هالغنى والاغواني
الزين مايحتاج والعقـل تنوير
والغنج ميزت لونه الاقحوانـي
يوم الحيا طبق عليه المعابير
تشهد ومات بحياه وحيانـي
حيا ومنظوم الدلع والله يجير
اليا طرالي هرجه الزعفرانـي
لا قلت قرب قال عيب مايصير
ولا قلت بعد قال مابي وماني
لا قلت طيب حلها قال بكير
ولا قلت وينك اشر وقال كاني
كاني وكاني ولاادري وين
لكنها يشير على ماعليم الظلوع المحاني
يا اخوووي
يا أخوي يا اللي ما أنجبته أمي ولا جابه أبي
.............................. لكنه أقرب بالغلا من جملة إخوان الدما
لو إن بني عمي يحسبونك حساب الأجنبي
.............................. أنا أشهد إنك بين أبوي وبين جدي كلما
تبصرت نفسي بفعلك قلت يا دين النبي
.............................. أنا أشهد إن جدّك زعيم ومن سلالات زعما
معرب ساسك وأنا يا الظفر دمي يعربي
.............................. لا حسّ في ضيقة خويه ضاق عرقه وإنتمى
من بيننا رفقة يتعرب طيبها 100 صبي
.............................. أرداهم اللي طايل شبره .. وبأخلاقه سما
رفقة على وضح النقا ماهي مصالح ويهبي
.............................. اللي على درب المصالح ساق دمه وإنتمى
تحشم لحانا وشنبك يكرم ومحشوم شنبي
.............................. عن رفقة القلب الدهيم اللي نواياه دهما
أفخر بطيبك مثل ما أفخر في عظامة منسبي
.............................. وإن حل طاريك طرى هداج قطاع الظما
والله ما أدري وش سبب هالحال لو كان سببي
.............................. يعني تقل جاهل حضر درس علماء عند علماء
تعبث الريح بسنى ناري بعد قلّ حطبي
.............................. وشحّ المزن بالماء وأنا ماني برجوى غير ماء
حتى صرخ عقلي على قلبي ونادى ياغبي
.............................. ما للسنون البيض هيبة غير بعروق الجما
لكن تشربت الضياع اللي سبى حالي سبي
.............................. ضياع والله يا ولد مشيت له مشية عما
أقرأ ضياعي وأكتبه من منكبي لمنكبي
.............................. وأرد وأمسح ماكتبته وأتجاهل طالما
تشبه نهاية ضيعتي نهاية الداء الوبي
.............................. أستوجب إستغلال فرصة حظ وقتي لو زما
وأرمي ظلال الظبي وأتعشى من جنوب الظبي
.............................. و( مارميت إذا رميت ) ولكن المولى رما
تعبان والله يا ولد والموت لو طال تعبي
.............................. مالي ورى نار الحمى إلا جمر نار الحمى
هذي أحوالي وذا وضعي وجيتك يا صبي
.............................. أشكى وأسوق العذر وأقبل ما تقوله إنما
لايضيق بي مذهبك تكفى وإنت خابر مذهبي
.............................. ماضاق لو ضاقت علي الأرض وأبراج السما
ولازم تعرف إنك ولو ماجيت من أمي وأبي
.............................. محسوب أقرب بالغلا من جملة أخوان الدما
نــــــوتـــــــ
يامويس سلم لي على المترفه نوت
.................................. سلـــــم علــيها علـني من فـــــداها
نوت الغلا نوت الحلا شجرة التوت
.................................. اللي عـــيون المــسك تسقي ثراها
لايابعد من تلبس الجنز والكوت
.................................. اللي تبين في كعـــــبها خــــطاها
بنت الرجال اللي لهم فعل مثبوت
.................................. أهل البيـــــوت اللي يذري ذراها
سمية اللي دونها السيف والموت
.................................. ورجال يرفع صيتها مســـــتواها
يمويس والله بالغلا منت مبخوت
.................................. راحت به اللي مايليق لســـــواها
الله عطاها والغلا بي منحوت
.................................. لا تلـــومني مادام ربي عطـــاها
حورية العينين مبحوحة الصوت
.................................. وتزعل الــــرمان حــمرة شفاها
لاجت جينا كلنا شعب وبشوت
.................................. وإن روحت رحنا نـدوهج وراها
ياناس والله لو تقرب لكم نوت
.................................. تدرون وش يعني غـلاي وغلاها
مسيـّـت بالخيـر
مسيـّـت بالخيـر .. يوم الخيـر .. مســّـى بـك
...........ياللى .. عليك المسـا .. بالصبـح يجمعنـي
هذي حقيقـة .. كشفهـا الوقـت .. بأسبـابك
..........يامن على وصلـك .. الأقدار .. تدفعنـي
أبطيـت . في جيـّـك .. وأسرفـت .. بـ غيابـك
..........وعلـّـقتني .. بين .. تاصلني .. وتقطعنـي
أعوام متناحره .. وأعوام تتشابــك
..........والحظ .. يقطع كلامي .. قبل يسمعنـي
ليـن إعترف .. بالخطا .. يوم الهوى جابك
..........وقبلت عذره .. قبل بالعذر .. يقنعنــي
مانيب .. فاضي .. ياكود لـ هـوسـة أهـدابــك
..........دعنــي ... فديتـك أحـلّل هـوستـه .. دعنــي
طابـت .. ليالي هدبـك .. بـ ريـق عنـّـابك
.........قدام لا أجوع لـه ... مفروض يشبعنـي
يا عيـن جـِـدي .. عسى ما صابني .. صابك ؟؟؟؟؟؟
..........قـول (إيـه) لو كـذب. .. منك الكذب .. ينفعنـي
راضـي .. وأحبك .. وأشيـل .. الحب .. لأحبـابك
.........وأنت .. إخذني .. فوق قاع العشــق .. وإزرعنـي
يمكن ..تماديت ؟؟ لكـن راجـع حسابك
..........وتشووف كيـف أنـت ؟؟ تنـزل بي .. وترفعنـي
أوّّّآآآه .. يوم أسمع الونـّة ورا بـابك
.........أحـس فيها هنيـّـا .. حيـــل ... توجعنـي
حالة لها وقـت .. تذبحني .. وتحيا بك
..........وأنا .. ولا أدري .. مـن المقصود .. والمعنـي
بس أنت ..تدري وش اللى سبـّـب إعجابـك
.......... وتدري وش اللى عــن .. التلميـح .. يمنعنـي
كان .. السبب .. يوم أشوف الوصـل .. بـ غيـابـك
.......... يوم إن .. خيالك .. يفـرّقني .. ويجمعنـي
متوجه للقاهره
الشعـر وهبة وزّعـت بين الخلايـق والبشـر
....................... مقـسّـمه بين القلوب المذنبة والطـاهـرة
الشعر منهـج فلسفـه بين المحانى والفكر
...................... ضرب إتفاق .. ويبتدى سـرّى .. وعقب مجاهـره
الشعـر مزج مــن الثقافه .. والفراسة .. والعبر
...................... فيه النوايا تختلف الباطنة والظاهـرة
الشعـر خبــث الثعلب اللى جـدّه مـن أمـه نمر
......................خبث ... ودهـاء .. ويعشـق السيـف .. ويقدّس شاهره
الشعـر أبـرد مـن بلاد الروس فى وقـت الفجر
......................وأحـر .. من صحـرا النفود أم الشموس الصاهـره
الشعـر أثقل لا وزنتـه مـن جــلاميد الحجـر
...................... وأخـف .. من كلمة شرف مرّت لسان العاهـره
الشعر ماهــو صبغة الدفتر مـن إنزاف الحبر
....................... الشعـر متعة للعقول المبدعة والباهـره
واللى ماهو شاعر مـاهـو لازم يطــوّل بالسهر
....................... ويترك حديـث الدمـع لأهداب العيون الساهـره
لاصار بيته لا بغى يبنيه ياخــذ له شهـر
....................... يحجـز .. على أول .. طايرة متوجهة للقاهرة
خذها على جبهتك
ياشي .. مالك شي .. دامك .. ولاشي
....................................... ومقابل اللاشي ... والله غميضه
سكرت أذاني .. عن صدى المنطق السي
....................................... وقلت اتجمل .. والجماله فريضه
حاولت اعزك .. مير عيٍ ... ولد .. عي
...................................... والعي .. ناقص والمراجل نقيضه
ياوي .. من وقت التعاجيب .. ياااااوي
.................................... اثر القلوب .. بشوف زولي مريضه
خذها على جبهتك .. خذها .. كما.. هي
.................................. وتعرف .. وش كبر الشعيب ومفيضه
الاوله : تنجض على قلبك .. النــي
....................................... والثانيه : نيه .. ونفسك نجيضـه
ترى اليهودي .. نجس وينجس شوي
..................................... لاصار .. جدانه .. قبيلة .. قريضه
ياللي خذيت الميت .. في زلة الحي
..................................... ذبح السلوقي ماينجي .. عضيضه
ولا صار مالك .. من جبال اليمن في
..................................... وشلون تطمع .. بالشمال ومقيضه
سمعت راغب .. قال : يمّاي .. يابي
.................................. بس انت ماتسمع .. وش يقول عيضه
يقول : متن طويق .. يسند جبل طـي
................................... والبغض واجب .. للوجيه .. البغيضه
افهم .. يمال الهشل .. والضعف واللي ّ
..................................... وحاول تبرق .. بالخطوط ..العريضه
وان مافهمت آخر علاجٍ .. لك الكـي
..................................... يابا العيون .. الناعسات .. الغضيضه
وبكره تجي .. محقور .. وتقبل يدي
..................................... واقول بدري .. والحضيضه حضيضه
ياشي .. والله بالحقيقه .. ولاشي
..................................... حتى .. ولاشي .. اعتبرها غميضه
الثــــور
الصمت في بعض المواقيف منكور
........................................ والحكي في نفس المواقيف خيره
ماللصبر داعي الياوصلت الزور
......................................... كف البليد .. اللي مضيع مسيره
اللي على الصحبه معه كنت مجبور
.......................................... زميل درس وقبلها حق .. جيره
من جانبي صحبه بها العز .. مذكور
........................................ ومن جانبه صحبة مصالح حقيره
كم لي وأنا اطوف له سنين وشهور
......................................... واقول اخيره بس وين الأخيره ؟؟
وان كبر الزله علي قلت معذور .. !!
.......................................... صاحب ويمزح والكبيره صغيره
الين خلى الدم في قلبي يفور ..!!
....................................... الهافي اللي .. مهفي الله ضميره
دستور ياعصر الحضارات دستور
......................................... أنا اشهد انك ملت ميله .. كبيره
خليت واحد مثل هالنذل منصور
......................................... يجرى على قول العلوم الخطيره
يقول لي هكري ومن هكرة الزور
.......................................... ولا لنا بين العرب ... أي سيره
هكري بعينك لعنبو عين هالثووور
........................................... ياثور حنا اللي حكمنا الجزيره
من العراق إلين عرعر وابو القوور
.......................................... لطريف لديار الشريف الشهيره
للشام لـ لبنان واستكمل الدوووور
........................................ لـ َ نجد .. لديار الكويت وقصيره
حكام من حكام والسيف مشهوووور
....................................... من دم جدانك .. نخضّب جفيررره
عيال وايل .. مابنا راس محقوور
................................... روس الرجال .. اهل الوجيه السفيره
عيال وايل .. عز من بات مقهور
...................................... يصبح بعزٍ ... مايبي عزّ .. غيره
صقور صيد وصيدنا كله صقور
...................................... يازين صيدات الصقور .. المغيره
لنا على دار الفخر .. عرش وقصور
..................................... وانشد وتلقى العلم .. في كل ديره
شجعان خلقه والشجاعه لنا سور
...................................... والشاهد الله ، والسيوف الشطيره
رضيعنا يسوى ثمانين طابور .. !!
..................................... من مثل جنسك .. يامخاشر منيره
من مثلنا ياناقص العقل والشـور
..................................... حتى الذي مثلك يزود .. صفيررره
هذا وانا ماقول بالعالم .. قصــور
.................................... الطيبه .. في كل قوم .. وعشيرره
مير انت ناقص وابن ناقص ومحقور
.................................... واخف عندي .. من قشور الشعيره
لكن ترى ماقال راكان مخبـوووور
...................................... ( الهرج يكفي صامله عن كثيره )
ياثور يابن الثور يارباية الثوور
....................................... اترك بني وايل .. ورح للحضيره
هلوسه وارتجاج
ضحكـي بـ يديك .. ودمعتي .. برضو.. نواصيهـا بـ يديك
تقـدر تضحـّكني وتبكينـي ..وتلحـق مشتهـاك
اللـه عطاك .. وسلـّمك أمـري .. وأمري محتويك
إحفـظ حقوقي .. وإلطـف بـ حالى .. بعد ما الله عطاك
العفـو عنـد المقـدرة .. والعـدل شيمـة والديـك
وأنا ولـد هـادي معـك .. وأكبر مشاغـب .. من وراك
هنا آآتفـّرق منك .. وهناك اجتمع .. وآآذوب فيـك
والخوف جـايز . من هنـا .. والموت حتمـي من هنـاك
وأكبـر دليل إني .. ليا حاولت .. يوم أزعـل عليـك
لقيـت قلبي كل ما يزعـل .. يـدوّر عـن رضـاك
وإذاك تـذكـر . يوم كنـّا بين أجيـك أو ما اجيـك
وشلون قلبي كسـّر .. الرهبـة تحت صـدري .. وجـاك؟
ماجـاك.. يهـلك فـي نجـاتك .. جـاك ينجـى بـك .. هليك
لـنّ .. النجاة (بما تنـص اللائحة )عندك هـلاك
ياللى.. هـلاكك .. مبتكـر على نظـام الهـدروليـك
مهمـا يكن حجـم الألم .. يمنع وجود الإرتباك
لبـّا الهـلاك اللي كـذا .. يوم انتهـي بـه .. وأبتديك
وألقى نظام الطيش .. يرسمني على فوضـة صبااك
وأنا ولا أدري . لبه أنا أظما لك؟؟ وأنا أقدر أرتويك ؟؟
تدري؟؟ أقولك شي؟ أحلا شي ؟ يوم أروى ظمـاك
أبيك ياعمـري .. وإذا ما تعجبـك كلمـة .. أبيـك
خذهـا بـ لهجـة ساكنييـن (دبـي) ياعمـري أبـاك
يكفيك لامـن غبـت .. مالك إسم .. غير إسم المليك
وإن جيت عقب غيـاب ..مالك إسم ..غير إسم المـلاك
حشمـة غـلا .. وإلا غـلا حشمـة .. وذيك تعـز ذيـك
غـلاك يفضـح حشمتـك .. وبحشمتـك .. يـُستـر غـلاك
يا قبلة الله .. كل ما أتخيـّل.. تقـوّس حاجبيــك
لاطـارت عيونـك عجـب .. وأغضيت من زايد حيـاك
أفقـد وجود الجاذبية ..وأرتفـع لك .. هيـك هيـك
.وأطلـع بعـد أكثر .. وأكثر .. لين تحضني سمـاك
وألقى سماك ..تلفـّــني من حول .. كوكب ناظريـك
وأسمع .. مماليك الكسـل .. تفخـر بـ عهــد الإمتـلاك
حالة .. تجـرّد .. وإرتجاج .. وهلـوسـة .. تنسـب إليـك
أمـّا أتحمـّلها ..عنـك .. وإلا أتحمـّلها معاك
مع إن مالي ذنـب .. بس أقـول .. يرضى لي عليك
الله يسعد لي صباحك .. قبل يسعد لي مسـاك
شفـت إن ربـّي .. سلـّمك أمري .. ولا لك أي شريـك
إلا أنـت .. وعيـونك .. وخـدّينـك .. وتذويبـة شفاك
سلطان
سلطان أنا وجهــك .. ووجهــك مراتي
........................................ وأنا أدري إنك من غيابي تضايقـــت
وأنا حضوري فيك .. وأكبر غناتي
........................................ إنك لــ طلّة وجه مطلق .. تشفـّـقـــت
وإنك تخاف إني أصالح عــداتي
........................................ وإني لـ تعسيل السواليف .. صــدقت
لا .. يا ابن عمـي .. لا..لا وإسمع للآتي
........................................ دامي شربت الكيف الأشقر .. وروّقت
سلطان شفني فوقهم لاتحاتي
........................................ وشفني على متون الكواكب تسلقــــت
نسجت من خيط المعزة عباتي
........................................ وبـ دهن عود النجم الأوحد تعــرّقت
والناس لو تقدر تسوي سواتي
........................................ ما شفتنـــي يا ولد عمي تفوقـــــــت
ذي تونس الخضرا .. وأنا أكبر زناتي
........................................ جمعتهم تحت .. وطلعت وتفرقــــت
حتي خذا لون الفضا لون ذاتي
........................................ وطلبني أغيب نجـــــــــومه ووافقت
فـ إن شفت داخن عودهم بـ جمراتي
........................................ أحرقتهم من قرب ولا تحــــرّقـــت
وإن شفتهم يبوني أقطع صلاتي
........................................ حجـّيت بيت الله وصمت وتصدّقت
وإن شفتهم يبوني أفقد ثباتي
........................................ غديت مثل طويــق .. ولا تطــوّقت
فلا يزعلك سلطــان كثر إلتفاتي
........................................ إزعل علي لو شفتني .. يوم دنــّقــت
عن مــدّة البندق .. تكفي عصاتي
........................................ ولو إنهم كفـــو... البنادق تبندقــــت
وإن شفتني ساكت وطوّل سكاتي
........................................ تأكد إن المسئلة .. مسئلة وقــــــــت