الغياب


قالت : وش احلى مايقول المحبين ؟
ساعة لقاهم بعد غيبه iiطويله
قلت : اصبري ، قالت : انا اقولك زين ii؟
قلت : اتمنى ماتكوني iiبخيله
قالت : عسى موتي على يديك هالحين
ان كان قيلت بين خل وخليله
قلت : احبكيها صح ياقرة iiالعين
قلبي يبيها صدق تشفي iiغليله
قامت تفكر !! قلت : يالله ، وبعدين
كن اصبعك طوّل بلفّ الجديله
! قالت : كليب !! وقلت : خير ! شتِقولين
قالت : رجع !! وشو شعور الجليله
قلت : اليمامه ! ماهي اقوى تحسين ii؟؟
من يوم غاب جبير صارت iiهبيله
وشبك سكتي ؟ ليه قمتي تلفّين
قالت : اخاف ان قلت تطلع iiثقيله
أخاف اقول وكلمتي تجرح الدين ii!!
واشيل ذنبٍ مقدر اني iiاشيله
استغفر الله وين وصلتني وين ii؟
وانت تعرفني والاصيله iiأصيله
ضمت يديني .. قلت: توك iiتحنين
قالت يدينك بس ؟ هذي iiقليله
يوم احضنتني دمّعت ، قلت : iiتبكين
قالت : اظن الدمع (أصدق وسيله)
ردّت ، وقالت : وش عذاب iiالمحبين?
قلت : الغياب ! وفي عيونك iiدليله


زمان المهزلة

يقولون الخوي : رجلٍ تجيه بساعة iiالشدات
وانا اقول الخوي : رجلٍ الى من ضاق iiماجاني
لانه خابرٍ عسر القوافي يجبر iiالابيات
لذلك يحسب حساب المعاني يوم iiينخاني
خويٍ مادرى .. يسكت ويفهمها .. على iiماجات
وخويٍ لو درى .. يمكن بيلعن جد iiشيطاني
وخويٍ شايف ويدري .. ولاهو مدور iiالزلات
وخويٍ مايبي يدري .. ولاادري ليه iiعاداني
ويقولون الزمان اللي تغير .. ماهي iiالعادات
وانا اقول : الزمن هذا .. خذا ربعي وخلاني
مع اللذات بالدنيا .. تطبع حبهم iiللذات
تغير كل مفهوم الحياة ... لجيب iiملياني
زمن يرفع ثمن حتى الكفن من كثرة الاموات
قريباً ... نسمع بموضة ( كفن للموت افغاني ii)
عشان ادم غلط يعني ؟؟ نتساهل باكثر iiالغلطات
بدى يخطي البني آدم بحجة آدم iiالجاني
محد يذكر أحد بالخير ... غصب الآدمي .. iiلامات
تشوف الخلق يطرونه ... مع انه مات iiوحداني
بعض هالناس .. ماتسمع طلال .. وماتجي حفلات
وبعد مامات .. كلٍ قال : ياخي كان iiفناني
اجل لو مات ( ابو لفه) ( عويد) راعي iiالكسرات
تصير الناس تتسمع : ( علام الواد جافاني ii)
زمان المهزله .. قلي : وشمخبيلنا iiعاهات
دخيلك بس لا يطلع .. بعد شارون : ( فدعاني ii)


صدر الشمالي

يقولون العرب صدر الشمالي .. مايضيق iiبساع
وانا اقول الصدور اليوم .. ماعادت iiشماليه
بدت في داخلي ضيقه عجزت القالها iiمطلاع
تغيب . وترجع .. وترجع تغيب ... ومالها iiنيه
عمتني كلمة ٍ جتني . وضقت .. وضاق صدر iiالقاع
الا يالله لاتجزى غشيم ٍ .. قالها iiفيّه
لهو صفاع .. ياربي .. ولاهو للعرب نفاع
بلاني وابتلى حاله ... وبعض الناس iiمبليه
نهيته قبل هالمره .. يخلي سيرتي .. iiماطاع
الا يالعنبو جد القصيد .. ولعنبو iiبيه
ضعيف النفس ( نسونجي ) يشوف بعينه iiالاطباع
يحسبني مثل ربعه .... يسوق بضاعته iiليه
انا اشري .. لابغيت اشري .. ولاني مساوم iiالبياع
الى من قاللي ميه .. عطيته فوقها iiميه
انا اكتب .. لجل من يقرا .. ولاارجي من يقول ابداع
وابد لاتحسبن مثلك يشكلي iiأهميه
ترى ياهيه .. لامني نويتك .. بس اطق اصباع
يجيني الف شيطان ... ووراهم الف iiجنيه
أجرك من طرف حرفك .. وارد الصاع مية iiصاع
جنون القاف ... ارقصها ... على راسك .. هجائيه
يويلك لو توليتك .. وربي .. مالك الشفاع
يجيك من القصيد .. احسب .. ثلاثميه.. ثلاثميه
ولكن .. خلك بحالك .. مادام ان الصدور iiوساع
ترى للحين ماضاقت ولسعها .. iiشماليه


صدق غاياتي

انا اللي يابعد عمري بقول ( آسف ) ولو مخطيت !
لأن اكبر خطا منّك صغير بجنب iiغلطاتي
ابد ماني بقايلك : ترفّق ! ليه ؟ وشسويت !
قل اللي ودك بقلبك تقوله واترك سكاتي
عسى الله لايعافيني اذا من هرجك iiانغثيت
أشوف ان السكوت ارحم لاني خابر iiسواتي
ومدامه ( صح ) كل اللي تقوله ، فانت iiمازليت
واذا زليت هالمره ! نسيت ؟ شكثر iiزلاتي
نسيت انك تنسّيني الزعل كله الامن iiجيت
مجرد ضحكة عيونك بنظره تجمع iiشتاتي
نسيت ؟ شكثر تغليني ؟ وكم لك ؟ وانت iiمامليت
نسيت ان الوفا منّك يذكّرني خيانااتي ii؟
نسيت ؟ الله يومنّك علي من الزعل iiغنيت
" حسبت اشواقنا غابت " وخابت فيك iiهقواتي
عجزت انطق ولاكلمه بلحظتها سوى iiياليت
يجيلك يوم باذن الله وتقراها مع iiابياتي
هذاني جبتها شفني وازيد من ( الغلا ) لك iiبيت
مادام ان القصايد فيك توي في iiبداياتي
احبك ؟ ايه احبك .. ايه احبك ..آآه iiلوعديت
من الآحاد للآلاف تملا كل خاانااتي
حبيبي لاتحاسبني وانا ياااما عليك iiاخطيت
ترى لو مت بيديني غفرلي صدق iiغاياتي


مساء الخير

مساء الخير هالمره بلاش آسف على iiالتأخير
مدام الرد بعيونك دموع فكل iiتأخيره
ثقل دم العذر ، والا كسح وجه الخطا iiتبرير
مدامك عارفه طبعي . أجل وشوله iiالحيره
ترى ماجيت لجل اسمع سواليفك عن iiالتقصير
أعرف ان الخطا مني (بلاش نعيد iiهالسيره)
انا وانتي بهالدنيا تحملنا بعضنا iiكثير
تعوّدتي على عنادي ، وصرت آحب iiهالغيره
انا وانتي حكايتنا مثل : صدر السما iiوالطير
كثير اللي يطالعها ،، ولحدٍ طالها iiغيره
انا وانتي حكايتنا .. مثل لعبه ، وطفل iiصغير
مع انه دوم يهملها رفض يسمحبها iiلغيره
انا وانتي .. وشاوصفلك ؟ عجز عن وصفنا iiتعبير!
مثل ! مدري ! مثل وشو ! ولكن صعب iiتصويره
انا وانتي بلاش انتي أنا لو بفقدك iiشيصير
ومجرد طاري الفرقا علي ياصعب iiتأثيره
أحبك ؟ ايه أحبك .. ذي بعد يبغالها تفكير
يخلف الله على عقلٍ ملكتي كل iiتفكيره
تعالي .. نحترم ( شيبة غلانا ) .. لعنبو iiالتصوير!!
تعالي نغتنم فرصة لقانا دامها iiقصييره
ومساء اللي تبي ، حاضر ولاتزعل ( صباح الخير )
أنا كل يوم بتأخر .. اذا في دمعتك iiخيره



مو حزن لكن حزين

يقولون .. الشعر قدح الخيال .. وطلقة .. iiالتفكير
وانا اقول الشعر .. برق الصحيح .. ومزنة iiأفكاره
رشيق الحرف .. والمعنى العميق .. وروعة التعبير
ربيع الشعر .. واشجار الربيع .. وريحة iiأزهاره
على روض الورق حامت عصافير .. ونبت نوير
بعد ماجفت .. دموع الغمام .. / .. وجتني iiاخباره
سمعت اني على باله .. ويذكر عشرتي .. iiبالخير
وهو ماغاب عن بالي .. ولا قد هان .. iiمقداره
سرابي .. هاجس الذكرى ولا ني بحاجة التذكير
لأني عايشٍ أصلاً .. بلاه .. / .. بروح .. تذكاره
إذا .. هو يذكر .. ايام الغرام .. ويشتكي iiللغير
فانا .. ماغير افكر به .. وصدري ، حافظ اسراره
واذا هو صار بفراقي .. قصيده مابها .. iiتصوير
فانا لازلت ، بفراقه .. لحن من دون .. / .. قيثاره
حزن ماهو حزن .. لكن حزين .. ومالها iiتفسير
غريب .. ولا غريب ..الا غريبٍ .. داخل iiدياره
الى من قالوا .. شلونك .. أحمْد الله واقول بخير
مدامٍ .. صاحبي .. يذكر .. وأنا لا زلت .. iiباشعاره
يقولون .. الشعر قدح الخيال .. وطلقة .. iiالتفكير
وانا اقول الشعر .. برق الصحيح .. ومزنة iiأفكاره



هلوسه

تسأليني من أنا ؟ مدري انا منهو أكون !!
تعقّدت هالمسأله ،، وازريت الاقي حلها
جايز تقولي : ( هلوسه ) والا تسميها جنون ii!!
أو تعجبي !! لو قلتلك : نخله تشح iiبظلها
أعمى . ويطلب منظره ! أخرس يبيهم يفهمون !!
واطرش ! حسبها اغنيه . يقول : مسمع iiعلها
سمرا ودايم تكتحل .! تبغى الحمايل يخطبون ii!!
شينه ، ولاينفعبها ، فيها القباحه كلها ii..
هذي حكاية قريتي ، رغم التعاسه يضحكون ii!!
جيلٍ تبع جيل وبقى حبل السنين iiيتلها
ولاتسأليني ليمتى ؟؟ تبقى اجاباتي ظنون ii!!
لاجيت احلحل عقدتي يصرخ زماني : iiخلها


نعم مغرور

تقول: الله يالدنيا *!! غدى شاعر ، وله iiجمهور
واقول : انتي قبل تطلع جماهيري iiتعرفيني
أنا ماني مثل نايف ، ولاضيدان بن iiمنصور
صحيح اني على قدي ، ولكنك iiتخبريني
نسيتي يوم جبتيلي قصيده كلبوها iiكسور؟
نسيتي قبل اخليها ( قصيده ) iiوشعطيتيني
صدق من قال : هالدنيا تدور وتكشف iiالمستور
ترى ماقلتها لحّد ولكنك iiجبرتيني
انا ماسعى ورى الشهره . ولكني ! خطفت النور
كثير اللي عشق شعري مثل مانتي iiعشقتيني
نعم مغرور ياهبله ! ( على مثلك ) نعم iiمغرور
واذا لك حاجة عندي خذيها iiلاتغثيني
ومادامك تعرفين اني غديت الشاعر iiالمشهور
أجل لاتشرهين اني أعرفك . لو iiصدفتيني



عرعر ... غير وجدة .. ماهي غير


من قالـك جـده غيـر..جـده مهـي غيــر ............... قولو لمنهو قالها.. ماحزرها

ماهيب ..حزورة ولاهيـب ..فوازير ............... الغيـر واللـه بالشمـال نخبـرهـا

عرعر ..ويلمح بالسما بارق الخيـر ............... لايابعد جده وساحـل .. بحرهــا

ان كان .. جده زينتهـا النوافيــر ............... عرعر تزينها سحــايب مطــرهـا

وان كان جده تفتـخر ..بالهواميـر ............... عرعر هل الطولات مصــدر فـخـرهـا

ياعنـك مايسـكن بهـا الا المنــاعيـر ............... اللـي بذكـر..الطيب كـل ٍ ذكرهـا

ربعـي بنـي وايـل .. بوقت المعـاسير ............... لو قصـرت يمنـى حـديـهم بتـرها

الى هـنا واقــف على حــد تعـبير ............... من شجرة الساحــه .. كفــاني ثمــرهـا

لو مالـي الا عيـال وايـل جماهيــر ............... قصـيدتي ..ياكوود ..يطـلع خبرهـا



قصيدة خلف المشعان في برنامج شاعر المليون


إن غبت جبت وعادتي لاغبت ماارجع بالهزيل
........................................ ان جبت اجيب اللي محد بالشعر قبلي جابهـا
على سبيل اهل المثل ماني مثل اهل السبيـل
........................................ اللي معاني حضورها تشبـه معانـي غيابهـا
تعشقني الفكره ..بكر..واقهر بها الوزن الثقيل
........................................ اللي بنات افكارهم مبطـي رميـت حجابهـا
لا المستحيل يردني ولا ابن عـم المستحيـل
........................................ ياماكسرت القاعده واخلفـت وجـه اعرابهـا
مهما بلغ كثر العدد يبقى بنظـر عينـي قليـل
........................................ مايغلبـون التغلبـي قـوم عطـت مضرابهـا
ايه الشجاعه تغلب الكثره وانا اعطيك الدليـل
........................................ الذيب يـدرع بالغنـم ولا يحسـب حسابهـا
لو كل من اسمه جميل من العرب يطلع جميل
........................................ كان أكثر اسماء العرب تحمل صفات اصحابها
ماينعم بظل النخيل اللي تحت جـذع النخيـل
........................................ الشمس تصقع هامتـه حتـى يحيـن غيابهـا
ولا طولت عمر أدمي قولة عسى عمرك طويل
........................................ طول العمار وقصرهـا رب العبـاد ادرابهـا
رح ردها عني وانا بأكبـر عواقبهـا كفيـل
........................................ ان كانها كذبـه فأنـا بيـن العـرب كذابهـا
ان الشجاعه تغلب الكثره وهـذا اكبـر دليـل
........................................ الذيب يـدرع بالغنـم ولا يحسـب حسابهـا