تكفى طلبتك لاترد بقرارك
ان كان قلبك جازمٍ للمفارق
دام الخيانه طبع خلنا نتشارك
يمكن تجي مقهور من قلب حارق
لاتنتظرمني اجي من يسارك
ولايمكن اخضع لك يابو قلب مارق
بحرق بجوفك واتدفى بنارك
وبكتبك فى شعري وابا العب طوارق
سميتك الخاين وحسب اختيارك
لان قلبك صار فندق مشااارق
مايسكنه واحد ولكن دمارك
يامال فرقا العين كيف انت غارق
عرفت ألاعيبك وعارف مسارك
والله قلوب الناس فيها فوارق
ياخي تعلم !!! وانت قاعد بدارك
هذي مشاعر ناس ماهي بيارق
الأول اللى حطمك يوم زارك
عارف لقلبك يطرقه دوم طارق
نصيحتي صحح عواطف أفكارك
أما كذا والا ياخي رووح فارق