بنوته

تعبت انا انثر هم قلبي على الناس
وتعبت ادور للحقيقه حقيقه
يلعن ابوه شعور لابوه احساس
لاجيت اسوي من جراحي حديقه
شف لي طريقه لا غدى دربنا يأس
تعبت انا ترديد شف لي طريقه
ما عاد يساع الحزن اي كراس
وما عاد قلبي يحتمل اي ضيقه
شفني رشفت من الغرابيل كم كاس
والصبر ما بلت امانيه ريقه
اكبر مصيبه طيحه انسان حساس
تسوى بعيني موت كل الخليقه
اكذب على نفسي اذا قلت لا بأس
والبأس اصلا من زهوري رحيقه
صعبه تشوف بعينك الحلم ينداس
كنت اتطفي من دموعك حريقه
الموت ماهو لانحنى للتعب راس
الموت نفسك لانحنت للخليقه
كل الدروب اشوفها يأس في يأس
سايق عليك الله شفاي طريقه


*************
لا لي قلب يحضني وانا ميت بوسط تراب
ولا في عين تدمعلي ولا في شخص يحويني
اموت بغصه في القلب ولا اشره سوى بعتاب
عسى يوصل لك عتابي وتشعر يالغلا فيني


**********
حاولت ارسم بسمتي حاولت اعيش بلحظتي
لاحظت اني مختلف وان الشقا في ضحكتي
اعيش يومي مبتسم والقلب حطمه الالم
جرفني طوفان الندم واضحك وامسح دمعتي

*************
اصبر يا قلبي وانتظر خل الحزن مكتوم
كل المعاني تغيرت واتضحت الصورة
صار الصدق في هالزمن مثل الوفا معدوم
ونفوسنا تجرحت والفرحه محظورة
كل المبادي تنشرى واللي معاه يسوم
حتى المشاعر ارخصت والكلمه مهدورة


***********
قالو العشرة تجي قسمه ونصيب
ومن يغير في مفاهيم القدر؟
هذي جروحي وضمد يا طبيب
خلني انسى معاناه القدر
من يقول الشمس ما تهوى المغيب؟
ومن يقول الليل ما يهوى القمر ؟
ومن تحرى شوق في قلب الحبيب
يا شقى جفنه على طول السهر


عجبتني وقلت انقلها لكم
مع تحياتي اختكم
بنووووووووته