امرح عسى نوم العوافي منامك صدري غطاك
أمرح عسـى نـوم العوافي منامك 0
صدري غطاك ودافي ضلوعي فـراش
مادامنـي فـي وسـط قلبـك غرامـك
ماظنتي لا نمـت تصحـا على..مـاش
نار الضلـوع تصيـر بـرد وسلامـك
والقاسيـات الصلـف بيدينـك هشـاش
شفت الخفوق؟ان مـر طـاري مقامـك
قام يتخبـأ خلـف ضلعـي و ينحاش
ومن أستـراق السمع..يسمـع كلامـك
ويقول هذا قلبه ابيـض مـن الشـاش
لو كان راعي المـال بالمـال سامـك
وقلنا ميـة مليـون بيقـول ببـــلاش
وأنا عليك اشفع مـن أقـرب عمامـك
قلبي بطاقـة بنك..وعروقي الكـاش
أنـت المليـك اللـي يـروع حسامـك
مستوطنً قلبـي مـن الجاش..للجـاش
وأن مر موكب حضرتـك يـا فخامـك
صاحت شعوب القلب عاش الملك..عاش
طيري علـى بعـد المسافـات حامـك
متجوداً بالشوف ..والشـوف غشااش
مـــدري حلالـك حـب..والاحرامك 0
حبً يجي ويروح فـي غرفـة انعاش
أمرح وأحسد النـوم وشلـون نامـك ؟
يقدر عليك..وغيـره يلـم مـا حاش
مدامني فـي وسـط قلبـك..و دامك
عرفت مثلي منت صاحي على..مـاااش