السلام عليكم
كيفك مبدعنا إنشاء الله تمام
الشات ..و ما أدراك ما الشات
- هل أنت َ من مرتآدي الشآتآت ( بصرآحه ) ..؟
لأ ..بس مرة مرتين دخلتوا فضول و كان مع أخويا و كمان يعني أعمل نفسي الأخت الكبيرة و أشوفه إيش يسوي .. و بس ما عجبني
بس تضييع وقت و كدب على بعض .
أنا و أخويا أصحاب يقول لي على كل شي فأطمن من إنه ما يسوي شي غلط
أحيانا يدخل لمن يكون فاضي .. لمن يسجل باسم ولد محد يعبروا ..
يعني إن أحد عبروا يقعدوا يتكلموا على الهوايات و الكورة ..
بس تعال شوف لمن يسجل باسم بنت ( عليه طلبات بالهبل على الخاص ) و كلام سفيه ..و صور ..
مرة دخل شات مرئي كدا فضول بنت حطت الكاميرا على نهودها .. طبعا المشرف قطع كامرتها و حذرهم من الموضوع دا ..ما أدري ناس غريبة مريضة ..
ما عجبوا قال خلينا نجرب الأجانب دخل شات أجنبي و يشوف الأجانب ماعندهم السفاهات دي بس تعارف بريء ..
و أناأحس المنتدى أفضل بكتير بمية مرة ..
الغرض من الشات تعارف ..طيب المنتدى نتعرف فيه على الناس, بس في حدود الأدب و الإحترام غير إنك تستفيد من المواضيع و المعلومات .
وأخيرا أقولك تشكر لطرحك هذ الموضوع الهام بهذا الرقي و يعطيك العافية مبدع
و دمت مبدعا دائما بمواضيعك
و بخير و صحة .
أختك زمان الصمت