المشاركة الأصلية كتبت بواسطة الإمبراطورة

بااااااااك


طيب خلونا نبدأ بسواليف ..
كل وحده تقول لنا موقف صاار لها ايااام الإبتادئي ..

انا ببدأ بمووقف .. طبعا هي موااااااااااااقف

انا يوم كنت بالإبتدائي كانت اختي الكبيرة هي الي تدرسني
كنت جااااايبة لها الغثاا.. وامي كماان تدرسني . بس باقي يكتبون لي هع
يتنااوبوا علي هع

المووهيم ... انتقلت لرابع ابتدائي واول مره اخذ تاريخ ويصير عندي
امتحانات شهرية

المووهيم كان عندي درس عن الخنساء واولادها الي استشهدوا
واختي تحلفت لي قالت لي و الله لو جيت العصر ومالقيتك حافظة يااويليك << طبعا العصر هو موعد الدراسة ..

وتجيك الأخت الإمبراطوورة شغااله حفظ من الدفتر ..
والأبلة كانت كاتبة تحت عنوان قصة الخنساء (انظري الكتاب )

فأنا اول مره تمر علي هذه الكلمة .. فصرت احفظ قصة الخنساء
على انها انظري الكتااب << يالله والله كنت غبية

ومبسووطة خلصت بدري ..

جت اختي تسمع لي قالت لي اذكري قصة الخنساء يوم كتبت الشعر على ما اظن

وانا اقوولها انظـــــري الكتاالب

طبعاً اختي تسدحت من الضحك .. قالت لي يااحماره يعني افتحي الكتاب
واحفظيها

واذا بي اطس للغرفة واحفظ من جديد

هع هع هع شراااايكم بالذكااااااااااء