السلام عليكم مبدعنا كيفك ..
لا .. من جد إنتوا فيكم جني .. كان على بالي الموضوع دا ..
و كنت إنت بالذات إللي أبغى أقترحوا عليك .. لأنك مشرفنا و مبدعنا ..
و تمون على الكل .. لأن الموضوع يحتاج تفاعل من الأعضاء.
بس كانت فكرتي عن المواقف المؤثرة أو المضحكة عامة في أي سن ..
على مواقف الطفولة >>
أنا بنوتة وحيدة على 3 أولاد يعني دلوعة شوية
أي مضاربات بيني و بين أخواني .. على طول عند بابا و ماما
يعني ضربني و بكى.. سبقني و أشتكى خخخ
مدري في شغلة عالقة في ذهني و أنا صغيرة عمري 4 سنين أو اقل
مع إنه في العمر دا قليلا ما نتذكر >>
رحنا مع أهلي و أهل أمي على البحر .. و خلاص قريب لمن نبغى نروح
ركب خالي السيارة.. فعرفت إننا خلاص نبغى نروح .. إلا هو قالي يمزح معايا .. لا إحنا بس نروح .. إنتي رح نسيبك هنا ..و خلاص قفل السيارةو شغلها..أنا خلاص عيوني بزبوز موية .. بعدين جا يراضيني و يعطيني حلاوة ..و أنا ابدا بزبوز الموية مو راضي يتقفل
و في حكاية و أنا دوبني جيت في الدنيا .. كان رح يصير معايا فيلم هندي..
واحدة كانت تبغى تخطفني ..بس ربنا ستر..
و كمان في شغلة في أهالينا .. أكيد كلكم مارسوها معاكم ..
ما أدري ليش يحلالهم يصورونا و إحنا نستحمى أو نغير ملابسنا ..!!
يعطيك العافية يا مبدعنا ..و ننتظر مواقفك ..
و دمت بود..