منتديات مملكة ذوقي - عرض مشاركة واحدة - اهداء من الاميرة لايفوتكم ... قويه جدا ....

الأميرة · 12-10-2006, 02:14 PM

اختي صحيح الكلام اللي في هالقصيده لبنت السعوديه ولكن انا اعتبره عضه وعبره لكل بنت .....

فعلاااااااااااا اعتبريهاااا نصيحه مني ........ وتمعني في كل كلمه داخل هالابيات القويه ....

وبعدين .... نصيحه اختي ترا حب الشات والمنتدى ماهو حب صدقيني .. كله وهم في وهم ...

هالقصيده اثرت فيني كثيراااااااااااااا ...... اتمنى ان تاثر بكل بنت تقول اني حبيته من خلال هالشاشه ......

يا بنت أرجوك أنا مأقدر كفانـي ماضـي الغلطـات............أخــاف الله يعذبـنـي وأنــا خــواف يابنـيـه

واخـاف ابساعـه اللـذه يجينـا هــادم الـلـذات...........ويأخذ مـن حشـى جوفـي بقايـا روحـي الحيـه

أنا ليّه ثمان اسنيـن وأنـا مدمـن علـى الشهـوات...........ديـار الفسـق حاستهـا مواطـي تحـت رجلـيـه

عيوني مـن كبـر همـي تخلـط الـدم والعبـرات............مِسيـل الدمـع مـن عينـي حفـر بالخـد ماريـه

صحيح إنك جميله بـس تبنـا مـن هـوى الزينـات..........تركنـا الحـب غصـب وطـوع للعيـن الشقاويـه

يابنت أنتي على بالـك أبأخـذ مـن بنـات الشـات؟...........أجـل مجنـون أنـا يابنـت أشيـل العقـل بيديّـه؟

ترى أكبر شيء يربطني مِعك جـوال ابـو شاشـات...........وهاتـف ينقـل أشواقـي علـى نبـرات سلكـيـه

وترى كل العلـوم اللـي عطيتـك بالهـوى كذبـات...........وحتـى دمعتـي يـوم الفـراق الصعـب كذبـيـه

هـذاك اليـوم ماهلـت عيونـي لجلـك الدمعـات............لأن الدمـع ماينـثـر بقـصـه حــب وهمـيـه

أنا أضحك مِعك واضحك منك ..عليك أكثّر الضحكات..........كأنـي بالـهـوى جـنـي.. يعـبـي راس جنـيـه

وأنا مانـي بخكـري يلبـس القمصـان.. والشرتـات..........ويفـرح قلبـه المسكـيـن إذا حــب الدوينّـيـه

أنـا مـن لابـةٍ أروت ضمايـا سيوفهـا الغـزوات............خلاياجسمـنـا عـاشـت عـلــى دم القبيـلـيـه

ودهنتي شعـرك الاسـود بألـوانٍ مـن الصبغـات.........وعيـت تقبـل الصبـغـه ملامـحـك الخليجـيـه

وحشرتـي ردفـك المسكيـن بالبنطـال ..والجنـزات..........خلاقـيـنٍ تصنّعـهـا مـزاجــات اليـهـوديـه

عشاني ميـتٍ فـي ثغـرك الأحمـر أبـو لمعـات...........تحسبينـي أبرضـخ لـك لأن إشـفـاك ورديــه ؟

ورب الكون مأرضى فيك لو إنك شيخـة الحلـوات...........وإذا صمـل علـيّ العلـم أكـب ارض السعوديـه

يابنت الناس عـزك فـي سـوادٍ يستـر العـورات........وعزي في شماغ أحمـر.. وثـوب أبيـض.. وطاقيـه

سعودييـن نفخـر فــي عبـايـات السعـوديـات.........نغـض الطـرف إجـلالً إذا شفـنـا السعـوديـه

وخليجييـن نفخـر فــي عبـايـات الخليجـيـات........نغـض الطـرف إجـلالً إذا شفـنـا الخليجـيـه

اتمنى تعجبكم والكلام اللي فيها اعتبرة حقيقة او بالاصح اعتراف شاب

فالنقف هذه الوقفه ... ونتكلم وبكل صراحه عن مدى حقيقة هذه الابيات ,,,

هل صحيح هذا تفكير الشباب ... فاين انتي اخيتي من هالكلام ؟؟؟

اوقفي وبكل صراحه وقفة تامل وتصارح مع النفس .........

ولكم من الاميرة كل الحب والنصح والاحترام .........