بسم الله الرحمن الرحيم

السلام عليكم ورحمة الله وبركاته


ياللـي دفنتـوا جثـتـه.. لـيـه تبـكـون؟

لـولا الحيـا..لأقـول : معـكـم خـذونـي

منه انحرمت وكنت انا عنـه مسجـون

مـا أذكـر لمحتـه .. غيـر مـره بعيونـي

شفتـه ..وكانـت فرحتـي مالهـا لــون

عجزت لأوصف .. من لمحته شجوني

ياليتنـي ..كنـت الكفـن يـوم تمشـون

أبـقـى مـعـه بالـقـبـر ثـــم تدفـنـونـي



أو ليتني .. من خلفكم كنت (مجنون)

أتـبـع خطـاكـم والـعـذر هــو : جنـونـي

أبكي وراكم .. وأدعي ان كـان تدعـون

مـا يكفـي انـه عـاش عمـره بدونـي؟؟

تكفـون < هاكـم عمـري اليـوم تكفـون

بـرخـص حيـاتـي دام خـابــت ظـنـونـي

مـا فادنـي صبـري !! ولا فـادنـي عــون

ولا فادني دمع(ن) .. حرق لي جفوني


يـا مـا بكيتـه والبكـي يحـرق عيـون

ميت أو انه حي .. دمعي بعيونـي!!

العـام كـان بفرحتـه.. يعـزف لـحـون

واليوم ؛ تحت الأرض .. ماهو بكوني

لكن أنا في فرحتـه.. كنـت مدفـون

فوق الثرى .. واليوم موته سجونـي

(سميت قلبي عقب فرقاه ملعون)

هو و الليالي .. عن هناه امنعونـي

ياليتنـي.. ماعشـت لحـظـه بهالـكـون

و ياليت ربعي .. في سكات اذبحوني

وياليتكـم .. عـن همّـي اليـوم تــدرون

منه انحرمت > ومن عزاه .. احرموني

حتى بوفاته !! يـوم أنـا طحـت مطعـون

أخفيت طعناتـي .. قبـل لا يفضحونـي

بكـيـت!! لـكـن .. ماتظـاهـرت بالـهـون

أبكي وأقول : الموت هو سبة طعوني

وإن كان في حبّـي أنـا ..ماتحسّـون ..؟!

دلوني لقبـره .. وهنـاك .. اتركونـي ..!


قصيده اعجبتني وان شاء الله تعجبكم

يسلمو شهد الملووك على الكلمات الرائعه

محبكم وليد الذوق

قووووويه شهد
اختيار رائع
ومؤثره جدا

يعطيك الف عافيه

شهد الملوك يعطيك العافيه
قصيده قويه مواثره في نفس الوقت
اوهذا شي لابد ان نمرعليه كفاناه الله
الكل بيفارق حبيبه قريب اوبعيد بس
نعرف ان الدنيا ماتسواشي لاان اخرشي لازم وداع
فاالله يرزقنا الصبر ولاعاد تزيدي اكثرمن الي حصل


تقبلي مروري / اسسسسيراشششوق

هواوي وجودك رائع

وروحك رائعه

وكلامك رائع

اتمنى ماتحرمني روعة وجودك

قصيده رااائعه وكلمات اروع

وعيبتني

يعطيج ربي الف عافيه

تقبلي مروري

وليد الذوق

ياهلا بك والله

تسلم على مرورك الرائع

ولاتحرمنا تواصلك

لها هيبه هلا يالغلا

مشكوره على تواصلك الرائع

ولاتحرميني طلتك

يعطيك العافيه شهوووووووووووده وعساك على القووه


دمتي لناا

تقبلي مروري

صادق الإحساس