شفتها ياسعود صدفه بعد ما مرت سنين

........... عند قسم المختبـر وسط مشفى الجامعـه

جيتها ثم قلت ممكن في سؤالي تسمحيـن

...........ناظـرت فينـي بدهشه نظره متواضعـه

قالت انت تـحسبني من بنات صايعيـن

......تـحسبني في زماني عن طريقي ضايعـه

قلت انا ماراح اطـول كل ابوها كلمتيـن

........وابعـدت عني شويه ثم جتنـي راجعـه

قالت اسال واضح انك من رجال طيبيـن

........بس هرجك يالسنـافي كان وشهو دافعـه

قلت انا حبيت وحده يـوم كنا صغيـرين

.........ومن ثمان اسنيـن راحت للمواصل قاطعـه

عقبهـا ماذقـت نـوم يهتنيـه النايميـن

........ساهر في طول ليلي لين شـمسي طالعـه

اذكر انه فيه حبه فـوق ثغـره من يميـن

.............واذكر انه لاجـرينا كـن شعـره تابعـه

واذكر انـه عاشـق فـالورود الياسميـن

...........صار قلبي بالـورود اللي عشقهـا زارعـه

طابعا اسـمه بقلبي فيه سيـن وفيه عيـن

.............وفيه الف وفيه دال وسط قلبـي طابعـه

قاطعتنـي بقولها سبحـان رب العالميـن

..............ومـرتيـن كـررتـها وبعد مـره ورابعـه

قلت وشفيك وشبـلاك يابنيه ترجفيـن

............ليش عينك يابنيـه من كلامـي دامعـه

قالت الموقف وقلبـي والمحبـه والحنيـن

.................كيف اشوفك بعد ماكنـت عنك قانعـه

قلت انا بسألك انكانك انتـي تذكـرين

............عن مواثيـق ثـمنها من حياتـي دافعـه

قالت ظروف الزمان ماتطيـع العاشقيـن

.........بيعونـي غصب حبك لو هو ماني بايعـه

انا في دنياي حالي كنهـا حال السجيـن

.........حتـى لو فكـوا سراحه فيه شي مانعـه

زوجوني غصب واحد وحرموني حاجتيـن

............السعاده فـي زمانـي والحيـاه الرائعـه

والحين انا ام لثلاثه عندي ريـم وياسميـن

.............والولد ا سمه على اسمك والمشاعـر جايعـه
.................
قصيده اعجبتني وحبيت انكم تشاركوني جمال نضمها


احلام الربيع

قصيدة حلووه

حووار رائع وكلام جميل
ابيات فيها من العذاب على الحب الضائع
سلمت يداكي اختي احلام الربيع على النقل الرائع
فعلا اسعدتي ناظري

واحزنتي قلبي على قصة كاتبها
لاكن ما اجمل ان يبقى الانسان على ذكرا من احبب
لو بأسم ولد من اطفاله

وحتى لان نرا الاباء يزوجون بناتهم دوون الرجوع لهم
كانها سلعة يبيعون ويشترون بها سامحهم الله


لا حرمنا الله من جديدك بآنتظار المززيد

وفي نهاية اسطري اعاتبك


انتي دبه شي ؟

وراكي مصغره الخط حولتي عيووني لين قدرت اقراها ههههههههههههههههههههههههههههههههههههههههههههه ه

يعطيس العافيه اختي ويرحم امك كبري الخط المره الجايه

دمتي لناا
تقبلي مروري

صادق الإحساس

شحلاااااااااتها ياحلام

مشكورة على النقل الرائع

يسلموووو حلوومه قصيدة روووووووعه

ننتظر جديدك المميز

اوان الورد

العفو ياأخت أحلام

النظر أربعة بقرش عندي يعني (ماأشوف شي)

ولاعرفت أقراها
عموماً صح لسانك


ضــــمــــــى عــــــاشــــــق

تحياتي
مرورك اكبر شرف لي وتسام لي على كلامك الحلو
بالنسبه للخط غريبه انا شايفته عادي

عموما يسلم لي مرورك الحلو ياحلو

الله يعافيك اخوصادق
ياحبي لك انت وسينك
ههههههههههههههههههههههه

شرفني مرورك الرااائع

هاجس الحلو مرورك تسلم لي والله
مرورك يعني لي الكثير
دمت بود