قصيدة أعجبتني اتمنى أن تنال إعجابكم



للشاعر ممدوح الراوي




مرت تجر العطر والثقل والزين ,,, وانا مثل كل الشباب وقفوا له

عطره يذر العطر على البساتين ,,, ثقله يسولف عن نسب عن حموله

فستانها ذايب بخصره من اللين ,,, وخصره من الفستان ياخذ عموله

ايو الله اني حاسدك يالفساتين ,,, ياحظك بخصره بعرضه بطوله

بعيونها سيوف العرب يوم حطين ,,, منها النفاذ " بجلد قلبك " بطوله

أقفت وأنا عيني عليها لهالحين ,,, مالوم عيني " ياخذ العقل " زوله

وناديتها " يامترفه " وبطرف عين ,,, قالت : أنا . قلت : إيه . قالت : أموله

أموله .. مية مرحبا . قالت : أهلين ,,, أموله : عندي بيت ممكن أقوله

قالتلي:قوله.قلت:الانسان من طين ,,, اما أنك أنتي طين ماهي معقوله

أنتي أظنك بالعطر تستحمين ,,, واجزم بأنك بالجمال مغسوله

شوفي شكل شفايفك قاهر التين ,,, والجمر يكوي والثمان امعسوله

" اموله " أنتي غير كل المزايين ,,, انتي مثل فصل الربيع وحلوله

قالت : منين ؟ وقلت له : يعني منين ,,, ماتعرفين اللي ذبل من ذبوله

قالت : وش اسمك بس تمتمت ميمين ,,, وآخر ثلاث حروف دوح امغيوله

قالت : معي للقاهرة . قلت له وين ,,, عادي تقول القاهرة بكل سهوله

" أمل " أنا رجال بلشان بالدين ,,, ويني ووين القاهره يامهبوله

أقساط وحسابات والراتب الفين ,,, وحزمة مشاكل اتعبتني حلوله

" اموله " روحي لازم انتي تروحين ,,, أنتي المطار مصاحبك من طفوله

وتذكّريني عند الاهرام تكفين ,,, تذكري حال النحيل ونحوله

" أموله " أنتي تذكره لاتحجزين ,,, روحي كذا تستقبلك أي دولة
[

هلا وغلا توبة طفل

اكيد راح تعجبنا اخوي

رائعه وتدل على احساسك الرائع

اتمنى ماتحرمنا تواصلك الملحوظ بقسم الشعر

ولك مني كل الاحترام والتقدير

شهد الملوك


لازلت أستمتع بوجودك هنا واتعطر من عبق حضورك



دمتي بكل خير

الله يسلمك إسم على مسمى توبة طفل والقصيده من أموله تدل على

أن كاتبها صغير في السن

محبكم وليد الذوق

مشكور اخوي توبة طفل

وصح لسان قايلها وسلمت انامل كاتبها وناقلها

تقبل مروري