حبيبي لا تعذبني ترى ماني قليل ظرووف
...................... على ما قيل يا ابن الناس في اللي مكفيني
علامك تبخل بشوفك وانا لك عاشق ٍ ملهوف
...................... مدام انك تعرف أن الوصل يا زين يشفيني
اجي لك مندفع وارجي عسى قلبك علي يروف
...................... واروح ولا ظفرت الا بهم ٍ منك قافيني
تعبت اطرد سرابك والمشاعر من عطشها وقوف
...................... يصافقها الحيام اللي مثل ثوبي مضفيني
على شانك تحملت المتاعب والاسى والخوف
...................... وعلى شانك جفيت اللي من اصحابي مجافيني
دخيلك لا تخلي هامتي تنزل على المكشوف
...................... وانا لي سمعة ٍ لو جيتها مكسور تنفيني
عليك الله وامانه يا ضياعي سوبي معروف
...................... ترى ما عاد لي قلب ٍ ليا احتجته يوفيني
ابيك تحس في قلب ٍ على شوفك يجيه شغوف
...................... يسريه الهيام لشوفتك والناس غافيني
ترى مال الجفا داعي مدام ان الوصل معسوف
..................... تجمل في وانقذني من اللي صاير ٍ فيني
انا محتاج لك حاجة قليل المال للالوف
...................... تعال ابغاك لا نام ٍ ردون الليل تدفيني
إذا انك لاقي ٍ غيري حبايب فـ ابتعد مخلوف
...................... عسى الله معهم يهنيك .. وجروحي تكفيني
وإذا انك حاذف ٍ قدري ترى قدرك بعد محذووف
...................... انا بعفيك من قدر المحبه وانت تعفيني
ترى من خلقتي ما لد عيني في حلال ضعوف
...................... ولو لديت عيني يا عسى الله ما يعافيني
واذا قصدك تبي اتبعك والعالم علي تشوف
...................... ترى ما هوب انا اللي يتبع الناس المقفيني


أبـــــــــــــو نــــــــــــــــــــــايــــــــــــــــــــــــف

واذا قصدك تبي اتبعك والعالم علي تشوف
...................... ترى ما هوب انا اللي يتبع الناس المقفيني

الله الله

احساس رائع مع عزة نفس شامخه

صح لسانك وسلمت يمناك

والله يديم علينا عطائك الرائع

أصفق لك اعجابا
رائع كما عودتنا
قصيدة جزلة
معاني وصور ومفردات قوية
أحييك أخوي وأهنيك على ابداعك
بانتظار جديدك
دمت بود

أخت شهد الملوك ولهاهيبه
الله يعطيكم العافيه
وتسلمولي على المرور
ارئع

قصيده رائعه أبو نايف الله يوفق ويسمح لك دربك

محبكم وليد الذوق

الله يعطيك العافيه
أخوي وليد الذوق
لاتحرمنا من مرورك

تسلم يدك ابو نايف

كلامات اكثر من رائعه

وبالتوفيق

وتقبل مروري

هلا وغلا مجرد أنسانه
نورتي المنتدى
الله يعطيك العافيه