الجمر والبرد ( 103 )

أيجود الزمن بلقياك .. وألقاك تناصفني وجدي
وعيوني بشوقٍ ترعاك .. في أحلام اليقظة من سهد
فهيام العقل هيام .. وهيام القلب سقم
فغيابك زاد من زهدي
فأحمر من وردٍ بشفاك .. برحيقٍ يقطر من وردي
ورياض الحسن محيّاك .. به اجتمع الجمر مع البرد
ويحلو لي منك كلام .. وأقبل من عدلك ظلماً
في رضاً قد بلغك من رشدي
وبعيد أنت وأهواك .. وعشقي قد خلّد للخلد
وأسير الحب لعيناك .. وأسعد بجوارك للأبد
وقعت بي منك سهام .. فأغثني برحيقك يوماً
فعمل بلا وعدٍ لا يجدي


كلمات : ( مخاوي الليل )
ألحـان : ( خالد عبد الرحمن )
----------------------------------------
صبـر أيــوب ( 104 )

تحمّـلت أكـون غـلـطان وأنا اللي معاي الـحـق
تحـمّـلت أكــون اللــي ظلم نفسـه وهو ساكت
تـجمّـل خفـوقـي حيل تسـلّـح صبــر أيـــوب
عـلى كـل ما قـد جـاك جميـل الصبر عـذروب
أنا العمر وانت الوقـت عـلى هالأمـر مغلــوب
يـفنى العمـر وإلا انت عـــذابٍ عـلي مقسـوم


كلمات : ( مخاوي الليل )
ألحـان : ( خالد عبد الرحمن )
----------------------------------------
لا تـخـلـينـي ( 105 )

حبيبـي يا عـسى ربـي يـجيــبك تشوف الحـال بعد اللي جرى لـي
حــياتـي كـلـها وأنا انتـخـي بـك دخـيـلـك لا تـخـلـينـي لـحــالـي
أحـبك كـثر ظـلمك كـثر طـيبـك كـثر ما مرّ طـيفــك فـي خيالـي
أبي قربـك أبي يـوم اهتنـي بك وأبيك تـصيـر كل لـحـظـة قبالـي
أنا لا قـلت أحـبـك أعـتـنــي بـك ولا يـمكــن أخـون اللـي وفـا لـي
حبيبي ويش أسوي كيـف أجيبك وكيــف أبـدّل الـهـجـر بوصـالـي
حبيبـي ليـه ما تذكــر حـبيبـك وليــه الـحــب تمـحــاه الليـالـي


كلمات : ( يندر الرشود )
ألحـان : ( خالد عبد الرحمن )
----------------------------------------
أبصمــلك ( 106 )

غيرك ما طـرى يا شوق .. لولا حبس ماي بروق
ما للحـب بعــدك ذوق .. أبصملك على العشرة
زان الـدهــر وإلا شــان .. فـيـك المغـرم الولهان
دايم حيـل لك شفقـان .. أبصملك على العشرة
حـبـك مـصدر إلهامـي .. لأجـلــه دايــمٍ سـامي
بلـسم جـرحي وآلامـي .. أبصملك على العشرة
لـو العـشـق أضــنـانـي .. ووصفـك فـيك عـزّاني
حـبـك سـر وجــدانـي .. أبصملك على العشرة


كلمات : ( مجازف )
ألحـان : ( فلكلور )
----------------------------------------
انزعــه صمتـي ( 107 )

انزعـه صمتـي وعـلمنـي الكـــلام خـلّـنـي أقـتـل مفـاهيـم الخجـل
واكتشف من عـندي أسرار الغــرام شوفـة عيـونك طمـوحي والأمـل
أظـهرتـها عـيـوني همـي والهيـام مـتعب الحـال قلبـي وما حـمـل
بقـطـعـه وقـتـي وبوصـلك ســـلام يا حيــاة الوصـل أو حـل للأجــل
ليت أنا أبكي منك ليلي طول عـام واذكـرك شخـصٍ بعينـي ما كمل
بـس مشكـلتـي قــدرك يا وســــام مـنـك ما شفــت خـــطايا أو زلل


كلمات : ( مخاوي الليل )
ألحـان : ( خالد عبد الرحمن )
----------------------------------------
أسهرتنــي ( 108 )

أسهرتنـي يا غـلا والنـاس هـجّـاعِ النـوم عـنـي جـلا يا زيــن الأطـبــاعِ
الهم منـك اعتلى والصد بك شاعِ ما قلت لي وش بلا العهد منك ضاعِ
من بدّ كـل المـلا عـيني لك تراعي يا كـامـلٍ بالـحـلى ما للـجـنا داعــي
ارجع ترى لك وله من بين الأضلاعِ إن جـيت لي يا هــلا مانـي بـطمـاعِ


كلمات : ( خالد البذال )
ألحـان : ( سليمان الملا )
----------------------------------------
توادعــنا ( 109 )

توادعــنا أنا وياه .. لكن ما توادعــنا ..
رفـض قلبـي .. ورفض قلبه سوى هلّة مدامعنا
رجــع يبكي وبكاني .. أنا ما تـحمــل دمـوعـــه ..
ونادتنا ليالينا .. مسك يـدّي وتراجـعـنا
أنا فـضّـلت أعيـش بصمت سواءً كنت أو ما كنت ..
ولكن الأكـيــد آمن .. ومـحـبتـنا لـهـا مـعـنـى
حنيـن قـلوبـنا فـينا .. غـصـب عـنا يـناديـنا ..
يـبينـي يا ملأ واللـه .. عـسى اللـه لا يفرّقـنا


كلمات : ( إبراهيم الجنوبي )
ألحـان : ( خالد البراك )
----------------------------------------
ذبحنا الشوق ( 110 )

ذبحنا الشوق بغيابك .. وكل طاري لنا جابك
متى تسأل عن أحبابك .. علينا بس من قسّاك
نبيك وما نبي غيرك .. وعالي دوم تقديرك
رضينا بشرك وخيرك .. حبيبي وينها دنياك
تصدق من حكوا فينا .. وتبعد عن ليالينا
غريبة صرت ناسينا .. وغيرك ما قدر ينساك


كلمات : ( خالد البذال )
ألحـان : ( سليمان الملا )
---------------------------------------

ترّوي ( 111 )

تـروّي يا حـسـن منـظــور .. تـروّي يا مــلاك الزيــن
تـروّي كـود عـينـي .. تـلتمس منك حـنيّه
شوصفك لو بغيت اذكـر .. مـحاسنك انعدم بك شين
وأخاف انّك تصر في وصفي .. لو قلت حوريّه
نـقـضتـي حـال المـقــدول .. عـلى عــارض المـتـنيـن
وشفـشف هـوى روحـي .. عـلى فركـة إيديّه
كـتبت القــصيـدة نـاوي .. أعـنّيـك أنا بـسـطـــريـن
سجـى الفكـر بالمـعنـى .. ولـك تـمّت النيّه
أنـا ويــن جـــابـتـنـي المــقــاديــر .. وانـتـي ويـــن
تـولّـعـتـي الـلـــه لا تـزيــد الـولـــع فـيّـه
وداعــك .. عـمــر حـي .. خـذيـتيـه بـطـرف العيـن
معــك حي .. وإلا غبتـي يمـوت بعرب حيّه


كلمات : ( مخاوي الليل )
ألحـان : ( خالد عبدالرحمن )


----------------------------------------

يتيمــة ( 112 )

يتيمـة فرحتـي والله يتيمـة يـحسدوني عـلى فرحـة يتيمة
جمعنه ياس كل الخلق فينـي خفـوقي ما قوى صدمة عظيمة
حبيبي والله إني فيك مغـرم ونـفــسٍ مالهـا ذمّـة سقـيمــة
حبيبي كل شيء فيني ملكته ونار الحـب فـي جوفي ظريـمــة
إذا روحي لها في حبك ذنـوبِ هلا بذنـوبـها لو هي ظـليمــة
وإذا في حبـك إجرامٍ ارتكـبته فـأنا كـلّي فـخر بأعظـم جريمـة


كلمات : ( مخاوي الليل )
ألحـان : ( خالد عبد الرحمن )

----------------------------------------
الحــزن الأكيـــــد ( 113 )

قف وناظـر دمعتي يوم ادرجت يـوم شفتـك ناويٍ ترحل بعيـد
يوم كـلّمتـك وصديت اخرجت أذهلتني دمعـة الـحـزن الأكيـد
كـلمتينٍ كـنت أبا قول أمرجت دمعتيـنٍ سكّـرن حبـل الوريـد
ولا عليها لـوم بالشوق ادمجـت ما تريدونه عـلى ما كنت أريـد
ولو تقول أعداك نفسك ما نجت قل نعم شوقي على شوقه يزيد
الحبـايب عـن دواخـلـها رجــت ترجمان إحساسها صار النشيـد
عـن خـفايا في دواخـلـها لـجــت وكوّنت بيـن اثنينك بالرصيـد
ولا لـغيـر اللـه بالشـدة رجــت يـجمـع اللامة ويمحى كل كيـد


كلمات : ( غيوض )
ألحـان : ( خالد عبد الرحمن )
----------------------------------------

طال صمتك ( 114 )

يا حبيبي طـال صمتـك وش جرى لك اكشف الخافي وقل لي وش جــرى
صـارح اللي في الهــوى حبـك لـحـالك ما حدٍ فـي خاطـره غيـرك طـرى
المـشـاعر فـي الهـوى تـطـلب وصـالك وطيفك الغالي بعـيني ما ســرى
الـعيــون اللي تـعـذّب من جـمــالك يا حبيبـي مـنـك جافـاه الكــرى
خاطـري مشغـول ويش اللي في بـالك الزعــل إرمـه عـلى قــاع الثــرى
لا يـمـوت الـحـب من نــزوة خـيـالك ارحـم اللي في الهـوى حاله بــرى


كلمات : ( مخاوي الليل )
ألحـان : ( خالد عبد الرحمن )
----------------------------------------

المحــال ( 115 )

بيـن المـحـال وبـيـن تحـــقيق الآمـــال مثل الذي بالضبط بينـي وبينـك
بين الشقا والجـرح والدمـــــع والـحـال عـشره متينـه وثّـقـتـها سنينـك
عزفت فـي روحـي مـن الوجـد مــوال روحِ تــلاعـبـهـا بـأنامل يديـنــك
احيـي خيـالك في خـــيـالي وتـغـتـال حلم جمعنـا خايف انــــه يدينــك
دايم تعذبنـي ودايـم عـــــلـى الــبال الحب غـلاّ فيـك زيـنك وشينــــك
وكـان المـحـال بيخـون في لحـظـة وصـال درب المحال أمشيه من شان عينك


كلمات : ( منادي )
ألحـان : ( أحمد الفهد )

يا صاحـبـي ( 116 )

يا صاحبـي ما فـادنا كـثـر الأحــلام واللي بخـاطـرنا عـجـزنا نقـولـه
مـاتت أمـانيـنا عـلى كــف الأيــام حكم القدر فارض علينا ميولـه
نمشي ورى والوقت يـمشي لـقدّام ضـعـنا وضـيعـنا كـلامٍ نقـولـه
تـعبيـرنا ما ضمّتـه رووس الأقـلام تـكـسّرت كل الحـروف بسهولـه
طيف السهر في نظـرة العاطفة حام يرمي شباكه للعيون الخجـولـة
نـسهر وتـسهر مـقــاديـر الأعــوام ودروبـنا مـتـفـرقـة ومعـزولـة
العمر ولّى والبخـت طـاح مـا قــام الـحـظ وقّـف والليالي عـجـولـه
نصبح على همٍّ ونمسي على أوهام ضيم الدهر بالدرب نوّخ ذلوله
أحـلام عـشـنا وافـتـرقـنا بالأحــلام نحلم ونحلم من زمان الطـفولـة
يا صاحبـي ما فـادنا كـثـر الأحــلام واللي بخـاطـرنا عـجـزنا نقـولـه



كلمات : ( الشيخ : محمد آل إبراهيم )
ألحـان : ( خالد عبد الرحمن )

----------------------------------------

احساس خـالـد ( 117 )

لو أشوفــك فـي أي حال .. مثـلك مثل غـيـرك
ولا ظرف اللقا يغيرني
فرقـاك أصوّرها زوال .. وعينـي ما ترى عـينـك
أبلقى غيرك بيسعدني
حـتى ولا برسـم الخيال .. تغرينـي بـزيـنـــك
تـرى خوفي الذي أبعدني
أخاف من حـكـيٍ يقـال .. وتـصدقيـن مـحـاكينك
وتغلط أكثر وتظلمني
لا واخسـارة وقت الوصال .. عـن غـايتـي ويـنـك
شوق الحب لك سيّرني
حبك ترى من القلب زال .. وامسح ذكراي بيدينك
أنا كلي أسف تعذرني
منـك الخـطا منـك الاهمال .. ضـيّـعت مغـلـينـك
صبري من الأسى ودعني
لك فـي هـوى غيـري مـجال .. قـدّامك سـنينــك
غريب أنا تصورني


كلمات : ( مخاوي الليل )
ألحـان : ( خالد عبد الرحمن )

----------------------------------------
صفحـة الماضـي ( 118 )

طوينا صفحـة المـاضي وتـبـنا خـذينا اللي كـفانا وانـتهيـنا
وعن قولة نبي نصبـر تـعـبنا وعـن من لا يراعـيـنا سـليـنا
نبي نسلى من الحب ونشبنا عـذاب الحب مكـتوبٍ عـليـنا
نـهـايـة حـبـنا يأسـه غـلبـنا ولكـن يا زمن وش فـي يديـنا
لـحـبك يا بعـد روحي شربنا وتـكـسّر كاس حبك في يديـنا


كلمات : ( السامر )
ألحـان : ( خالد عبد الرحمن )
----------------------------------------

آهــــــــات ( 119 )

آهــات مــن طـول العنـا طاولـتنــي ونفـسي مـن الفرقى وحالي صخيفــه
جارت عـلـي مـن الفـراق وقـصـتنــي غــزت ولـكـن مـا نـوت بالنـكـيـفـــه
بهمومهـا اللي شفـت منها كـوتنـي هـذا الذي خـلا حـيـاتـي مـخـيـفـــة
باكـر يـروّعنــي وأنـا فـيـه فتنـــــي وأقـول ليـت الغـيب يبخل بـحـيفـــه
خيـل السعـادة بالـهـوى خالفتنـــي خالـفـت معهـا عيـد قلبـي وريــفـــه
هبّـت هبــوبٍ بالنيـا عـطّـشـتـنـــي وكـم غاليٍ قـبلـي ظـمـا من وليفـــه
ليت الليالي عـن غرامـي نهـتنـــي ولا بـدا زرع الأمـل مـنــك هـيـفـــــه
وإلا إنـهــا فـي غـايـتــي خيّرتنــــي وأختــار أنا مربــاع قـلبـي وصـيفـــه
خـلٍّ جيوشــه بالـمـحبـــة غـزتـنــي وأنا أسيـر مـن العـيـــون العـفيفـــه
أغلى هجـوسٍ طـول الأيـام جـتـنــي هاك الهجـوس اللي تـجينـي بطيفــه
الماضيــات بـغـيبـهـــا منصفـتـنــي والـمـقبـلات أرجـي عدلهـا خـلـيفـــه
أتبـع ظنـونٍ بالهـوى مـا شـفـتـنــي أحسب حمولـي بالمـحبـــة خـفـيفـــة
واليـوم ظالـمــة المـحبـــة طـوتنــي طي الـورق يـوم انطـوى به خــريـفـه
وأشبــاح ياسي بالهمـوم اعتـرتـنـي وأنا عـليّ أسبـاب صـدّك كـلـيـفـــــه
أشيـل حتفـي راضـيٍ فـوق متـنـــي وأروح نفسـي من حـيـاتي مــعيفـــه
وأقــول للــي بالـجـفـــا عـذّبـتـنــي عسـى الشـقـى مـن بيـننا بالنصيفـه
شربت من فيـض الشقى واشبعتنـي دنـيــاً مـع الأحـزان ضـدي حـليفـــه


كلمات : ( السامر )
ألحـان : ( خالد عبد الرحمن )
----------------------------------------

الذاهبـــــة ( 120 )

اللــه اللي راد والعقـدة قضـاهـا اللي عقدهــــا لا عـلى الدنيا سـلام ولا لبـاقـي العمـر زينــــة
الفضـى ما كـنـه إلا خيمــةٍ طاحـت عمــدهــــا والـفــرح ما كنّـه إلا شيــخٍ إنقصّـت يديـنــــــه
والعمـر قطعـة زجـاجٍ كَسـرت ولا طــال أمدهـــا والعــرب في العيد بدمـوع اليتامى مستهينــة
والشـوارع لفّـهـا ثــوب الظـــلام اللي هجدهـــا والبيـوت أطــلال من عقـب المحبــة والسكينـــة
والشتى والليـل والبــرد وسمـا يصـرخ رعدهـــا والعيـون اللي ورى الشـبــاك مذعـورة حزينــة
طوّلوا في الكهف الأصحـاب وبقت روحي وحدهـا كنها فـي كوكـــب ٍ ثـانـي خلى مـن ساكنينــه
الـوداع اللي بعلـم العيــن يعبـر مـن رمدهـــا والـوداع اللـي بلا عـلــم القضاء الصبـر غبينـــه
والــوداع اللي بلا رجعـــة عليّ مــن رودهــــــا واللــه إنـه غـرغــرة سـمّ وسكاكيـنٍ سلـيـلـــــه
والعنود اللي جفيت النــاس والدنيـا بـعدهـــا مدّت الفـرقـى لغاليـها وهي تعطـي الثمينـــه
وينهـا كيـف اتركتنـي ليه ما جـت في وعدهـــا والقمــر لا طلّ خابرهــا تـجــي بينـي وبينــــه
رحت أنادي وأتلمّس فـي مهـب الريـح يدهــــا كنـي حصــان بلا صاحب طوى البيدا حنينـــه
رحت أصيح الصبح وينه والعرب ما ردّ أحدهــا ما سمعــت إلا صدى صوتي يقـول الصبح وينـه
كنهم من يـوم ذيك الشمس غابت عن بلـدهــا طلعــوني فـي النفــود وصكّـوا أبـواب المدينــة
كنهـم من يـوم ذيـك الذاهبـة محـدٍ وجـدهـــا كل رجّـالٍ من الشرهـه قـلـع فـي الدرب عينــه
أثرهـا ماتت وماتت كـل فرحـة فـي مـهدهــــا والربيع أقفـت به اللي كــانت التـــاج لجبينــه
جاورت عقب الحدايـق حفـرةٍ مقسـى لـحـدهـــا حفرةٍ ما ني مـصـدق كيــف ضمّـت ياسمينـــه
للحـزن فينـي مثل ما للطهـارة فـي جسـدهـــا ويــش أسـوي لا فتشت اللي لها وسـط الخزينــة
زخرفـت حلـم وبنت له مسكـن وسمّت ولدهـــا آاه لــو غــرّد ولـدهــا فـي خمـيلــة والـدينـــه
عاهدتنـي واظفـرت بيمينٍ أقـوى من عهدهـــا والصبـي لا خيـر فـيــه إن كـان ما نفّـذ يمينـــه
ما تثقّـى عـن رثاهــا عـرقٍ اقتــظّ بـشهـدهــــا ولا تبقّى خلـف قـضبـان الجفـن عـذرى سجينــه
كيف عنـد العالـم أيام العـزى ما احصى عددها وإلا لا طالت شهـوره واللـه أعـلــم كـم سنينــه
لا الثـرى فيهــا نبـات ولا المشي خفّــف نكدهــا لا السماء فيهــا طيــور ولا البحـر يمّـه سفينـــه
لا القمـر هــذا مسـاه ولا العصـي هذا رغدهــــا لا الزهـر هــذا شـذاه ولا الذهـب هـذا رنـيـنــه
قالـوا الشيــخ الفلاني مرجع القـوم وسندهــــا قـال ابشـر بالعـوض والعـلــم جينـا نـاقلينــــه
ساق لـك بـدر البدور اللي نشدهـا مـن نشدهـا جـادلٍ هـزّة عـروش خيّـبـت رووسٍ ذهــيـنـــه
قسمها فـي رسمهـا في جسمهـا الا فـي رشدهــا وباسمه انجال الغضب قومـه على الألسن رطينه
اتـرك النـاي وعطيّــة شيخنـا غـنّي لسعدهــــا وانبسط يا عمّ وانسى اللي ورى التربـة دفيـنــه
قلـت ولصـدري تنـاهيــدٍ تـروّع مـن شهـدهـــا آاه واويـلاه مـن يجـذب علـى قلبـي ضنينـــــه
خلّـوا أغلـى ذاهبــة تــرعى ربيع اللي فقدهـــا والعـطـا راعيــه محـدٍ صوبـه الـلــه لا يهينــــه
لـو ضمنـت الجنـة تفاحـــة القلـب وشهدهــــا قلـت مـن بكـرة عسـى مجنونها تاقف سنينـــه

كلمات : ( ناصر القحطاني )
ألحـان: (خالد عبد الرحمن )

----------------------------------------

ســــارت ( 121 )

سـارت وأنا عـينـي تراقـب خــطاها خطـوة تسوق الخطوة ذهول وركـود
يـوم حـظرت غاب القمر من سماها واللي بقى من نجـومها قلّ معـدود
زين الوصـايـف والـحـسن اكـتسـاها شقراء وفيها من الحلى ما له حدود
لاعـتنـي بـنظـرة وبعد ما كـــفـاها حطّت بجوفي من الجمر شوق موقود
شـامـة تـعـلّى ثـغـرها من حــلاها تضفي على نور الحسن نور مـردود
صابـتنـي بــداها ونـفـسـي دواهـا من العيـون السـود دواي مـنشـود
أهـاوده قـلبـي انشغـف في هـواهـا متحمّلـه صـار الصبـر مني مفقـود
عــزّاه نـفـســي صـابها ما طـواهـا طي الورق رطـبٍ مقـطوف من عود
حـق اللـه أعـلم في الحشا وش غلاها تضحـك لها عيني ولو كنت مزهـود
الناـس ما تـجـري بـروحي وخـفاها يكـفي أجنّب نفسي عن كل منقـود


كلمات : ( مخاوي الليل )
ألحـان : ( خالد عبدالرحمن )
----------------------------------------

ساعة زمن مرّت ( 122 )

ساعة زمن مرّت وفـيها انــتهينا بـوجيهـنا اختفت كـل الـحقــايق
انتـوا ضـحكتوا واحنـا فيها بكينا شــاء القــدر بـعـدما كـنا رفـايـق
مادري السبب انا .. وإلا انتي السبب
أو عـذول أغرانا .. أو فراقنا انـكــتب
مـن حبـكـم ذقـنـا ولا ارتـويـنـــا غـريبـة ما كـنّا مـثل هالـخـلايـق
فيما مـضى كـنا لبعـضٍ عنينـــا ونـظرتـي للأمـل شمعـة شـرايق
الشـــوق ألـهـانـا .. ولا عـليّ عتـــب
والـحـظ ودّانا .. وكـل من فيـنا اغترب
تبكـيك عينـي يالـذي ما تجينــا ورموش عيني من دموعي غرايق
ترى مـدى النسيان يبه ما قوينا شبّت بجــوفي من فرقاكـم حرايق
للـه حـسبـنا .. عـلى الـذي انـسحـب
يا دنيا عطشانة .. من فينا منّك هرب


كلمات : ( مخاوي الليل )
ألحـان : ( خالد عبدالرحمن )
----------------------------------------

بيدي كتبت اسمك ( 123 )

بيدي كتبت اسمك .. وبيدي مسحته .. من كتاب الذكريات
توني أعرف طبعك .. يوم إني عشته .. يا عديمة للصفات
عـزّي عـلي ربعك .. صوتك سمعته .. جعلت من شخصي أدات
ذقت الملق لأجلك .. والله ذقته .. عشرة ميانة بالحياة
بانساك لو ألبس .. ثوب المجارح .. بألويه لو يبّس درب المسارح
لك فـي الملامة حس .. كل شيء واضح .. صعبة أذلّ النفس صعبة أسامح


كلمات : ( مخاوي الليل )
ألحـان : ( خالد عبدالرحمن )

ليـلي عـــذاب ( 124 )

ليلي عــذاب عشت أنا ليلي أعاني من العذاب
ليلي عــذاب .. وكـلي اغتـراب .. وقت الفرح عن ناظـري عدّى وغـاب
من رحلتـي جفنـي ما يغـفى أبد .. بس أقـلّب حزن فينـي أو أعـاتب
كم مـضى من ليل من قـلتـي وداع .. كم مـضى من ليل

عـطيتك عمري وأيامي .. أحسب إنّك معي توفيـن
ورحت لغيـري قدامي .. وصار الجرح بي جرحيـن
ولا أدري ليه خنتينـي .. ولا أدري ليه بعتينـي
بعـدما قلبـي تعلق فيك .. هجرتينـي .. تركتينـي

أفارق هم وأعانق هم .. ولا أدري وين مـشواري
أحس الغربة من بعـدك .. وأنا بيـن الأمل والياس
وأعيش الجـرح من صدك .. أحب وخاطـري حساس
أنا أترجـاك يا روحي .. أبي منّك ثواني قصار
تردين النظر لـحــظـة .. وشوفـي بحالتـي وش صــار


كلمات : ( أحمد الجوفي )
ألحـان : ( خالد عبدالرحمن )
----------------------------------------

لوعــــة الفرقــــا ( 125 )

لا تـنـشــد عـن أحـوالي .. ربـي أعـلــم بـحـالـي
فـي عـز الليل أناجي طيفــك الغالي
وزولك يا طرف هـارب .. يمـر بخـاطـري دايـم
يـخـفـف لـوعـة الفـرقـا .. وظـنا حالي
متى أشوفك .. متى ألقــاك .. حبيبـي يا قـريب وبـعيــد
يمـر العيـد .. وانت بعيـد .. ولا حتى بـطاقــة عيـد
تركت اللهفــة فـي قـلبـي تزيــــد
متى أشوفك .. متى ألقــاك .. متى قـلبـي يـحــس إنـه ..
لقـا نفسـه .. لقـا عـمـره .. ونـبضــه يكـتب احسـاسه
حبيبـي بشوفـتـك هـمي يـــــــزول


كلمات : ( غيوض )
ألحـان : ( أنور عبد الله )
----------------------------------------

للـنــــــدم ( 126 )

للنـــدم .. امش بخيارك .. والنهاية تتركك
للنـــدم .. انت وضميرك .. والنهاية تتركك
قلبي معك حاول إنه يقـنـعـك .. سافـر معك في كل كلمة يسمعـك
حزن وندم .. وحم الألم .. جرح ونـدم
باحمل جروحي واتركك .. والله أتركك
والله أتركك ..
أخذت في حبك سنين .. حرمان مليت الصبر
صبرت في شمسك عمر .. عـجـزت في عينك أمرّ
ضاع الأمل في كـلمتـين .. وداع تكفينـي عـذر

ما شفت في حبك أمان .. حتى مواعيـدك وهـم
نسيت في بعـدك تـبـين .. سنين لحـظاتـك تمـر
نويت عن خوفي أروح .. بالبعد بألقى لي مكــان
ضاع الأمل في كلمـتك .. وداع تكـفيـني عــذر


كلمات : ( عبدالرحمن الحوتان )
ألحـان : ( بندر الفايز )
----------------------------------------

هزّت شعوري ( رد على قصيدة في غربتي ) ( 127 )

هزّت شعـوري معاني ذكرهـا زيــنِ ورديت من شافت عيوني لك معانيها
راح الفكر يا مخـاوي الليل لسنيـني اللي مضـت من حيـاتـي زاهدٍ فيهــا
ذكّرتنـي اللي على بالي وناسيـني اللي معـه نبضـة احساسـي معنّيهــا
بيني وبينـه مسافـة وينــه ووينـي عـزاي ذكــرى المـودة مـع ليـالـيـهــا
مرسالـه الطيف لا منّـه لفى لعيني يطمّــن الـروح فـي لحظــة ويشفيهـــا
ليت السعادة رهينـة راحـة ايديني واعطيك واعطي البشـر باقي أمانيهــا


كلمات : ( بندر الرشود )
ألحـان : ( خالد عبد الرحمن )
----------------------------------------
قصيــدة حــب ( 128 )

ألا يا عـازف أحزانـي على لـحـن الفـرح للنـاس بدل صمت الحزن يلفظ عن الكـلمة معـانيــا
شعوري بالأمل ذكرى ليالي عشتها في اليــاس خذاني عطرها الدافئ حسبت إن الرجا فيـها
تمعّـــن والمـح عيونـي وحـس بحرقـة الأنفــاس مآسي والأمـل مركـب تحطّم فـي موانيـهــا
تجرّحت بسبب صبـري كثيـر وقلت له لا بـاس ما دام إنّـه دوا جرحـي ولأحلامـي أمانيـهـا
يذكّرني هبوب الريح حناي ورجعتـي بافـلاس ألا يا عازف أحزاني ..حياتـي ليش تنهـيهـا
يحـول أقسى مـن الحرمـان إلا منّي تمنيتـــك ترى بُعد المــدى يقصـر ولا ياصلك ما قـلتــه
رفيت العزم لأجـل أنسى زمـانٍ فيـه حبيتــك وأنا الولـهـان واشغلنـي عذابٍ ما تـحملتـــه
رمزت بـحرف حرماني على صدر الألم ليتـــك تحـس بلوعــة المجـروح يــوم إنّـك تجـاهلتــه
كتبـت آخر قصيـدة حـب بها الخدّاع سميتــك وأنا العطشـان وأغراني سـرابٍ لاح ما طلتــه
عن دروب الغرام أغضيت وعن وقتٍ به أغليتك رفيت احساسي المجروح وفى لك وانت همّلته
تـرى جـرح الغـدر وإن طـال فينـي ما تجّيتــك ألا وإن مات حبي لك عـلى كـف العزى شلتـه


كلمات : ( عبد الإله المطرف )
ألحـان : ( خالد عبد الرحمن )
----------------------------------------

بانــــت ( 129 )

بانـت مثل ما بيّن النور من شمـس مـن شافها سلهم يا محلى قبلتهــا
من شافـها ما ميّز الصوت من همس يسقى النظر فيها ولا يمل نظرتهــا
غضّيت عيـني عما كان منها بالأمـس واليوم أنا بعدهـا ملك ضحكـتـــها
لو تنظر بعـيـن اللطـف للحجـر حــس تحت القدم حسب الثرى بخطوتــها
فـي عينهــا دنيـا الغنـاوي توجّـــس ذاب حال طاغي الحسن من حلاوتها
ريّـانــة القـامـــة بحشـمـــه تلبّــــس يا علّها تعيش السعادة فـي دنيتها


كلمات : ( مخاوي الليل )
ألحـان : ( خالد عبدالرحمن )
----------------------------------------

رعـش قـلـبــي ( 130 )

رعـش قلبـي سحر عـينــك وأنا ما أقــدر على الكتـمان
ذكـرت اللــه عـلى زيـنــك يحفظـك من حسـد الأعـيـان
إلا منّك تـخـطيتـي .. ترى قـلبـي يسمـي لك
وإذا عـنـي تعديتـي .. لولا الـخوف أنا أجـيلك
لشـوفـك شوقي يدفـعنـي لـصوتـك نـفـسي لو أسمـع
كـذا شيء عـنك يمـنعنـي ولغيـر النظـرة ما أطـمــع
ترى عيني رأت حلوين .. ومثلك في البشر نادر
فـي غايـة روعة التكـوين .. هنيّا لك لـها قــادر
عـلى كـل البـشـر أغـليــك وأنـا لـك روح مـرهــــونــة
وإذا كـان النـظــر يرضيـك عــطاك العــاشـق عـيـونــه
إذا غبتـي عن عيوني .. أعيـش بحسرتي وينك
حـياة من دونك ودوني .. يباعد بينـي وبينك


كلمات : ( مخاوي الليل )
ألحـان : ( خالد عبد الرحمن )
----------------------------------------

البنات الغنادير ( 131 )

الله على شوف الغضي حزّة اعصـير في راس طـعـسٍ محــدٍ قد مـشى به
جـاه الربيع وصادق الغيـم بالخـيـر لين ارتوت الأرض وغـدت مثل غابه
ما غيـر أنا وسيـد البنات الغـنادير اللـي سـوالـيـفـــه تـزيــل الكـآبـه
لا نسمــع واشي ولا حاسـد يـغـيــر ما حـولـنا غيـر الـقـصـيــد وربـابه
أو صـوت نـجـرٍ يـشـرح البال ويثير قـلـبٍ ورى حدب الضلوع انتشى به
وإذا ذاع هيـلٍ مـن دلال المـبــاهيـر يطـرب لـهـا اللي ما يضيّع صوابـه


كلمات : ( قايد الشرف )
ألحـان : ( حسين العلي )
----------------------------------------

قـصـــة ريـــم ( 132 )

قلت حـظي جعل عمرك ما تقـوم عـقـب قـصة ريم خلّك مـستـريح
من عرفـتـك وانت آخر من يقـوم لا تـفـزّ ولا تـعـيـن اللي يـطـيــح
يشهـد اللـه ما تـبكّـينا الهـمـوم المـواجــع بيتـها القـلـب الجـريح
والـخـسـارة عـقـبـها فـوزٍ يـــدوم فـي زمـنّا ما يـصح إلأّ الصـحـيـح
السـوالـف كـلـها شرهــه ولـــوم والنواظـر فـي رجـا وجـهٍ مـليــح
والرّفـاقـه وقـتــها عـنـد اللــزوم ينعرف فيها الكريم من الشحيـح
يا اللـه إنك تـنصر المـظـلـوم دوم لا تـذلّـه وسط هالكـون الفـسيــح


كلمات : ( بندر الرشود )
ألحـان : ( خالد عبدالرحمن )
----------------------------------------

اذكـريـنــي ( 133 )

اذكـرينـي إذا حـبيتـي غــيــــري اذكــري المـشــتاق يا نــور عــينــه
اذكـري حبٍّ صـفا لك من ضميـري أرجــوك لا يـنسـيك منهو تـبينــه
عـشت وبـقيت مـنزلك في نظيـري لا يـخـدعـــك حبٍّ جــديـدٍ تريـنــه
يحكي لك الدمعـة يـشكي مصيـري واللي بدى مني باللـه تـجـاهـلينـه
في عـذابي عـن ما نويت استخيـري يكـفـي على قـلبي مفـارق ضنينــه
وشلون بـشـروع الهـوى تستعيـري ما ظـنّتـي درب الخـطا تـجـهلينــه
عـودي عـليّ إن كان قلـبك أسيـري إن كـانه بعـصمـة يدينـي رهـينــه
وإن كان مملوك في الهوى لحدّ غيري لا يمنعـك يـوم العزى تـحـظـرينــه


كلمات : ( مخاوي الليل )
ألحـان : ( خالد عبدالرحمن )
----------------------------------------

كــفّ الفــرح ( 134 )

النور من نورة كشف واجهر الناس عبدالله اللي من سنا النور نوّر
والنور ماهو وهـج من عـقد الألماس النور من كـف الفرح له تصــوّر
نورة لها فـي عيـن عبدالله احساس احـسـاس حـبٍّ بالمـعـزة يــدوّر
كل الاثنين اليـوم هم عطر الأنفاس اللـه يـهـنيهــم حـبٍّ تـطـــوّر
مبـروك يا كل العـريسين مـن راس بافراحكـم ليل الهنا اليوم نـوّر


كلمات : ( السامر )
ألحـان : ( خالد عبدالرحمن )

================================================== =======

ليلي عذاب
كلمات : أحمد الجوفي
الحان : خالد عبدالرحمن
ليلي عذاب
عشت أنا ليلي اعاني من العذاب
كلي اغتراب
وقت الفرح عن ناظري عدى وغاب
من رحلتي جفني ما يغفى أبد : بس أقلب حزن فيني أو أعد
كم مضى من ليل من قلتي وداع
عطيتك عمري وأيامي : احسب أنك معي توفين
ورحتي لغيري قدامي : وصار الجرح بي جرحين
ولا أدريه ليه خنتيني وبعتيني : بعد ما بعد ما قلبي تعلق فيك
هجرتيني تركتيني
أفارق هم وأعانق هم
ولا أدري وين مشواري
أحس الغربه من بعدك : وأنا بين الأمل والياس
وأعيش الجرح من صدك : أحب وخاطري حساس
أنا اترجاك يا روحي : أبي منك ثواني قصار
تردين النظر لحظه : وشوفي بحالتي وش صار

============================

اذكريني
كلمات :مخاوي الليل
الحان : خالد عبدالرحمن

إذكريني اذا حبيت غيري + اذكري المشتاق يانور عينه
اذكري حب صفالك من ضميري + ارجوك لا ينسيك منهو تبينه
عشت وبقيت ومنزلك في نضيري + لا يخدعك حب جديد ترينه
يحكي لك الدمع يشكي مصيري + واللي بلاني بذا تجاهلينه
في عذابي عن ما نويت إستخيري + يكفي على قلبي مفارق ضنينه
وشلون بشروع الهوى تستعيري + ما ظنتي درب الخطا تجهلينه
عودي علي إن كان قلبك أسيري + إن كانه بعصمة ايديني رهينه
وان كانه مملوك الهوى لحد غيري +لا يمنعك يوم العزا تحضرينه

====================================

قصيدة حب
كلمات الشاعر الكبير : عبدالاله المطرف
الحان : خالد عبدالرحمن

يحول اقسى من الحرمان
.. لامني تمنيتك =
ترى بعد المدى يقصر
.. ولاياصلك ماقلته
رخيت العزم لاجل انساه ..
زمان فيه حبيتك =
وانا الولهان واشغلني
.. عذاب ماتحملته
رمزت بحرف حرماني ..
على صدر الالم ليتك ..
تحس بلوعة المجروح.. يوم انك تجاهلته
كتبت اخر قصيدة حب ..
بهاالخداع سميتك ..
وانا العطشان واغراني
..سراب لاح ماطلته
عن دروب الظلام اغضيت..وعن وقت به اغليتك ..
رثيت احساسي المجروح..وفا لك وانت اهملته
ترى جرح الغدروان طال ..فيني ماترجيتك ..
الاوان مات حبي لك..على كف العـزى شلتـه

=======================
للندم تمنت انها كانت فى البوم رسمي
كلمات : عبدالرحمن الحوتان
الحان : بنجر الفايز


للندم
..... امش بخيارك والنهايه تتركك
للندم
.. أنت وضميرك والنهايه تتركك
قلبي معاك حاول أنه يقنعك ..
سافر معك في كل كلمه يسمعك
حزن وندم وأحمل ألم جرح وندم
بحمل جروحي وبتركك
والله اتركك

أخذت في حبك سنين ..
سنيين حرمات مليت الصبر
وصبرت في شمسك عمر ..
عجزت في عينك أمر
ضاع الأمل في كلمتين
وداع تكفيني عذر
ما شفت في حبك أمان ..
حتى مواعيدك وهم

نسيت في بعدك تبين ..
سنين لحظاتك تمر
نويت عن خوفي أروح ..
بالبعد بألقى لي مكان
ضاع الأمل في كلمتين
وداع تكفيني عذر

==========================

كف الفرح
كلمات : السامر .
الحان : خالد عبدالرحمن

النور من نوره كشف وأجهر الناس .. عبدالله اللي من سنى النور نور
والنور ماهو وهج من عقد الألماس .. النور من كف الفرح له تصور
نوره لها في عين عبدالله احساس .. احساس حب بالمعزه يدور
كل الثنين اليوم اهم عطر الأنفاس .. اللي يهنيهم بحب تطور
مبروك يا كل العريسين من راس ..بافراحكم ليل الهنى اليوم نور

=========================

لوعة الفرقى
كلمات : غيوض .
الحان : أنور عبدالله

لا تنشد عن أحوالي
ربي يعلم بحالي
في عز الليل اناجي طيفك الغالي
وزولك يا طرف هارب
يمر بخاطري دايم
يخفف لوعة الفرقى وضنى حالي
متى أشوفك متى ألقاك
حبيبي يا قرب وبعيد
يمر العيد .. وأنت بعيد
ولا حتى بطاقه عيد
تركت اللهفه في قلبي تزيد
وزولك يا طرف هارب
يمر بخاطري دايم
يخفف لوعة الفرقى وضنى حالي

متى أشوفك متى ألقاك
متى قلبي يحس أنه
لقى نفسه .. لقى عمره
ونبضه يكتب احساسه
حبيبي بشوفتك همي يزول

======================

رعش قلبي
كلمات : مخاوي الليل
الحان : خالد عبدالرحمن


رعش قلبي سحر عينك ..
وأنا مقدر على الكتمان
ذكرت الله على زينك ..
يحفظ من حسد الأعيان
الا منك تخطيتي ..
ترى قلبي يسمي لك
واذا عني تعديتي ..
لولا الخوف أنادي لك
لشوفك شوق يدفعني ..
لصوتك نفسي لو أسمع
كذا شي عنك يمنعني ..
لغير النظره ما أطع
ترى عيني رأت حلوين ..
ومثلك في البشر نادر
في غاية روعة التكوين ..
هنيالك لها قادر
على كل البشر أغليك ..
وأنا لك روح مرهونه
واذا كان النظر يرضيك ..
عطاك العاشق عيونه
اذا غبتي عن عيوني ..
أعيش بحسرتي وينك
حياه من دونك ودوني .. يباعد بيني وبينك

=====================

قصة ريم
كلمات : بندر الرشود
الحان : خالد عبدالرحمن

قلت حظي جعل عمرك ما تقوم ... عقب قصة ريم خلك مستريح
من عرفتك وأنت آخر من يقوم ... لا تفز ولا تعين اللي يطيح
يشهد الله ما تبكينا الهموم ... المواجع بيتها القلب الجريح
والخساره عقبها فوز يدوم ... في زمنا ما يصح الا الصحيح
السوالف كلها شرهه ولوم ...والنواظر في رجى وجه مليح
والرفاقه وقتها عن اللزوم ...ينعرف فيها الكريم من الشحيح
يالله أنك تنصر المظلوم دوم ... لا تذله وسط هالكون الفسيح

================================

الحزن الأكيد
كلمات : غيوض
الحان : خالد عبدالرحمن

قف وناظر دمعتي يوم ادرجت ........... يوم شفتك ناوي ترحل بعيد
يوم كلمتك وصديت اخرجت ........... اذهلتني دمعة الحزن الأكيد
كلمتين كنت اباقول امرجت ........... دمعتين سكرن حبل الوريد
ولا عليها لوم بالشوق ادمجت ........... ما تريدونه على ما كنت أريد
ولو تقول اعداك نفسك ما نجت ........... قل نعم شوقي على شوقه يزيد
الحبايب عن دواخلها رجت ........... ترجمان احساسها صار النشيد
عن خفايا في دواخلها لجت ........... وكونت بين الثنين أكبر رصيد
لا لغير الله بالشده رجت ........... يجمع الأعمى وتحمى كل كيد

=========================

يا حبيبي طال صمتك
كلمات : بندر الرشود
الحان : خالد عبدالرحمن

يا حبيبي طال صمتك وش جرالك ........... اكشف الخافي وقلي وش جرى
صارح اللي في الهوى حبك لحالك ........... ما حد في خاطره غيرك طرى
المشاعر في الهوى تطلب وصالك ........... وطيفك الغالي بعيني ما سرى
العيون اللي تعذب من جمالك ........... يا حبيبي منك جافاها الكرى
خاطري مشغول ويش اللي في بالك ........... الزعل ارمه على قاع الثرى
لا يموت الحب من نزوة خيالك ........... ارحم اللي في الهوى حاله برى

============================

يا صاحبي
كلمات : الشيخ/ محمد ال براهيم
الحان : خالد عبدالرحمن

يا صاحبي ما فادنا كثر الأحلام ........... واللي بخاطرنا عجزنا نطوله
ماتت امانينا على كف الأيام ........... حكم القدر فارض علينا ميوله
نمشي ورا والوقت يمشي لقدام ........... ضعنا وضيعنا كلام نقوله
تعبيرنا ما ضمته روس الاقلام ........... تكسرت كل الحروف بسهوله
طيف السهر في نظرة العاطفه حام ........... يرمي شباكه للعيون الخجوله
نسهر وتسهرنا مقادير الأعوام ........... ودروبنا متفرقه ومعزوله
العمر ولى والبخت طال ما قام ........... الحظ وقف والليالي عجوله
نصبح على هم ونمسي على أوهام ........... ظيم الدهر بالدرب نوخ ذلوله
بأحلام عشنا وافترقنا بلا أحلام ........... نحلم ونحلم من زمان الطفوله

===============================
المحال
كلمات : منادي.
الحان : احمد الفهد

بين المحال وبين تحقيق الآمال ........... مثل اللذي بالضبط بيني وبينك
بين الشقى والجرح والدمع والحال ........... عشره متينه وثقتها سنينك
عزفت في روحي من الوجد موال ........... روح تلاعبها بأنامل يدينك
أحيي خيالك في خيالي وتغتال ........... حلم جمعنا خايف أنه يدينك
دايم تعذبني ودايم على البال ........... والحب غلى فيك زينك وشينك
وكان المحال يخون في لحظة وصال ........... درب المحال امشيه من شآن عينك

=================================
اليكم يامحبين شعر خالد
هذه القصيده

مـابـدى مـنـــــــــي اقـصـور ................... لايـكـون بـعـض مـن الـعـرب قـد وشـوبـي

حـتـى ايـش لـو قـالـو تـرى الـقـلـب مـسـرور ................... مـا اوحـيـتـهـم لـــو كـلـهــــم عـذربـوبـي

انـا حـشـيـم ومـسّـهـد الـعـيـن ومـسـتـور ................... وراس مـالـي عـزتـــــــي وسـتـر ثـوبــي

نـفـس الـرجـل مـاتـقـبـل الـكـيــد والـجـور ................... لـيـه الـزعـل يـامـنـصـف الــحــق صـوبـي

الـحـب والـشـرهـه ولا نـــــــي ابـمـجـبـور .................. اشّـره عـلـى اللـي لــه غــلا ومـحـبـوبـــي

مـن مـاحـصـلـــي مـنـك مـاانـتـه بـمـعـذور .................. ابـيـات شـعـري شـرهـــة ٍ روحـو بــــــي

========================================
ساعة زمن للمخاوي
الليل قائلا في مطلعا

سـاعـة زمـن مـرة وفـيـهـا انـتـهـيـنـا ... بـوجـيـهـنـا اخـتـفـت كـل الـحـقـايـق
انـتـم ضـحـكـتـم واحـنـا فـيـهـا بـكـيـنـا ... شـاء الـقـدر بـعـد مـاكـنـا رفـايـق

مـدري الـسـبـب آنـا ... والا انـتـي الـسـبـب
او عـدونـا اغـرانـا ... او افـراقـنـا انـكـتـب

مـــــــن حـبـكـم ذقـنـا ولا ارتـويـنـا ... غـريـبـه مـاكـنـا مـثـل هـالـخـلايـق
فـيـمـا مـضـا كـنـا لـبـعـض عـنـيـنـا ... ونـظـرتـي للأمـل شـمـعـة شـرايـق

الـشـوق الـهـانـا ... ولا عـلــــــــــي عـتـب
والــحـظ ودانــا ... والـكـل لـوحـده اغـتـرب

تـبـكـيـك عـيـنـي يـاالـذي مـاتـجـيـنـا ... وارمـوش عـيـنـي مـن دمـوعـي غـرايـق
تــرامــد الـنـسـيـــان بـــــه مـاقـويـنـا ... شـبّـة بـجـوفـــي بـفـرقــاكـم حــرايـق

بـالله حــســبــانــا ... عـلـى الـذي انـسـحـب
يـادنـيـا عـطـشـانـا ... مـن فـيـنـا مـنـك هـرب

اليكم يامحبين شعر خالد
هذه القصيده

مـابـدى مـنـــــــــي اقـصـور ................... لايـكـون بـعـض مـن الـعـرب قـد وشـوبـي

حـتـى ايـش لـو قـالـو تـرى الـقـلـب مـسـرور ................... مـا اوحـيـتـهـم لـــو كـلـهــــم عـذربـوبـي

انـا حـشـيـم ومـسّـهـد الـعـيـن ومـسـتـور ................... وراس مـالـي عـزتـــــــي وسـتـر ثـوبــي

نـفـس الـرجـل مـاتـقـبـل الـكـيــد والـجـور ................... لـيـه الـزعـل يـامـنـصـف الــحــق صـوبـي

الـحـب والـشـرهـه ولا نـــــــي ابـمـجـبـور .................. اشّـره عـلـى اللـي لــه غــلا ومـحـبـوبـــي

مـن مـاحـصـلـــي مـنـك مـاانـتـه بـمـعـذور .................. ابـيـات شـعـري شـرهـــة ٍ روحـو بــــــي

تسلملي يمينك


بعدي والله



لاهنت ع الموضوع الاكثر من رائع

وربي موضوع متعوب عليه


تحياتي لك اخوي امير ولابو نايف

تركي999

الله يسلمك

مشكووووووووووووووووووور اخوي امير الحرف على الجهد المبذول

والموضوع المتعوب فيه

عساك على القوة

تقبل ارق التحايا

اخوك ابو وعد

تسلم اخي امير الحرف

وديوان رائع ما شاء اللله

ودائما في انتظار مخاوي الليل