عائله (بوبدر) وهي اساس القصه والقصه تحكي عنها(القصه سعوديه اصل وليس الجنيسه فقط سعوديه ) :
بدر: 26سنه يشتغل في شركه ابوه روح رياضيه يخاف الله مواصفاته :قمر ماشالله وشوي عليه قمر يجنن مملوووح مررره عيونه عسليه شعره اسود كثيف طويل وحلو طوله وجسمه موب نحيف ولا سمين...........
************************************************** *********************سلمان: 22سنه ثالث جامعه الكل يحبه لخفة دمه حبيب مواصفاته: شعره اسود عيونه عسلي فاتح مملوح حلو مو سمين ولا نحيف حلو طووله
************************************************** *********************الميا:19سنه احلى مافي العائله واجملهم وتقريباً هي اساس القصه الكل يحبها لطيبتها واخلاقها وجمالها بنفس الوقت والكل يتكلم عنها بالاخلاق والزين جمالها ماينوصف فلقه قمر ماشالله جميله لأبعد حد عيونها عسليه شعرها بني فاتح هي الوحيده الي طالعه على ابوها عيونها كبار رموشها كثيره دقنها طويل بس مو مره وهو الي محليها شعرها لما كتوفا وقاصته مدرج وذوقها يجنن ...
************************************************** ********************
الحين نروح لعيال عمهم (بو طلال) :
طلال: 26سنه يشتغل في شركه عمه بوبدر وماخذ منصب كبير منها علاقتهم هو بدر موب مره زينه علاقه عااديه روح مرحه معروف بالطيبه لكن شوي عصبي...
موصفاته: احل مافي عائلتهم مملووح شعره اسود عيونه عسليه كبار وحلوه احلى مافيه عيونه رموشه كثار ذويق طوله حلوو قمر ماشالله يجنن ....
************************************************** *****************
عبدالله:20سنه اولى جامعه مملوح مرح طيوب شعره اسود عيونه عسليه حبوب مع كل اخوانه..
************************************************** *******
لمى: 16سنه اولى ثانوي امممم عاديه مو حلوه لكن ماتقدرين تقولين شينه لون شعرها بني غامق عيونها بنيه غاامق حلو طولها لكن نحيفه والناس يحبونها لطيبتها ....
************************************************** ******************
نروح لعيال خالتهم علئه(ام ساره <خالتهم)
ساره: 25 سنه متزوجه عاديه عندها بنت اسمها ريم تشتغل مدرسه انجليزي
************************************************** *****************
شموخ:19سنه اولى جامعه مملوحه لكن العنود احلى شعرها اسود عيونها بني غامق
طويله نحييفه
************************************************** ********************نبداية القصه (*لو التمني ينفع الي تمنااااا*)
بدر: لميا قومي قصري عليه .
لميا: عندك الريموت انت قصر
بدر: الريموت خرباااان قومي قصررري
لميا: إنا لله وانا اليه راجعون ..قامت قصرت عليه
لميا:بدر
بدر: هلا
لميا: الصراحه ودي اركب بالسواق لحالي
بدر: والله يالميا ممنوع تركبين مع السواق لحالك افرضي صار لك شي ولا شباب لاحقوك وش تسوين تكلمين علينا يعني واذا بسرعه اخذوه واذا صار اي شي انتي ماتعرفين عنه وش تسوين وبعدين امي وانا وسلمان وابوي كل يوم طالعه ومدللينك ونطلعك ولا تخلينا نشك لان موب قاصرك شي كل يوم طالعه
لميا: طيب خلاااص صك الموضوع
بدر: ايه خلااص انا جوعااان متى تجي امي ؟
لميا :مدري طالعه هي وابوي
دخل سلمان معاه كيسه جوتها علبتين ببسي
بدر: كان ماجبلتي يااخ سلمان والله لو اني مروح السواق كان جابلي قبل لا تجيب لي
سلمان: السواق مع امي واحمد ربك اني جبت لك ماذكرتك الا يوم جيت احاسب
بدر: طيب ارم العلبه
سلمان: شوفي لميا السنه الجاي خلاص عاادي بس توك اولى جامعه
لميا : كل سنه تقولون السنه الجاييه ؟
بدر: لاننا نسكتك بس الحين لا والله من جد خلااص .....................................
لميا رقت فوق راحت عنهم
بدر: رااحت
سلمان: كيفها حنا موب مغيرن قرارنا قلنا السنه الجايه خلاص من جد والله
بدر:اققول دق على امي قلها ترسل السواق يجيب لنا غدى الحين هي رايحه مع ابوي والسواق مروحته لخالتي وحنا مالنا شي ؟
سلمان: قل للشغاله
بدر: قلت لها قالت ماما روح سوبر ماركت عشان جيب روز مافي روز كلاس
سلمان: ولا زم رز؟
بدر: لا حتى الصامولي ما فيه
سلمان : ما بقا شي الظاهر قم جب لنا غدى
بدر : لا والله خل السواق يرجع يجيب لنا بعدين يرجع لمي
سلمان: عيب عند خالتي الحين واذا رجع موب جاي الا المغرب قم جب انت..
بدر : افف خلاص من وين تحبون تاكلون
سلمان : اي شي بس انا جوعااااان اي شي اسأل لميا من وين تبي
بدر: لا خلها في غرفتها اصرف بجيب رز ودجاج وزين بعد
سلمان : الي هو بس انت جب الحين وبعدين التعليقات على ذوقك
بدر: هههه طيب تجي ؟
سلمان : لا
بدر: خلاص قم جب بوكي من غرفتي
سلمان: لا هونت خلاص اجلس لا تجيب شي
بدر: ياعجااااااااز خلاص انا اجيبه .................
في عرفه ليما: اسمعي ساره ليه ماتجين عندنا
ساره صديقه لميا من الجامعه يعرفو على بعض وكل وحده احلى من الثانيه
ساره: اوكي اشووف
لميا : خلاص يالله فمان الله
ساره: مع السلامه طرطع وقطعت الخط
لميا: بدررررررررررررر بدرررررر
بدر: هاه فعقتي اذني
لميا: وين رايح
بدر: اجيب غدى
لميا: طيب بالطريق جب تشبس ............الخ
بدر: طيب خلاص بس لمين ؟
لميا: بتجي صديقتي بعد شوي
بدر: اهااا طيب يالله سلمان قم
سلمان: ان ماتفهم قلت لك رح لحالك
بدر: ابركها من ساعه
طلع بدر وبعد نص ساعه دق جوال لمياا: الوو
ساره: هلا يالله افتحي الباب
لميا: يالله دقيقه حبيبتي
وفتحت لها الباب دخلت ساره وعلقت عبايتها بدر دخل مايدري ان ساره فيه ساره بسرعه
تغبت ورا المعلاق بدر ماانتبه ودخل المطبخ
لميا: بدر انتبه ترا سارا فيه
بدر: جت !؟
لميا: ايه
بدر: طيب خذي الاغراض سلماااااااااااااااااااان
سلمان: هلا
بدر: تعال الغدا هنا
سلمان: يالله جيت
ساره راحت فوق بسرعه تخاف يطلع عليها بدر ....
لميا رقت فوق
بدر: تعااااااال
سلمان جا : وليه موب عند التلفزيون
بدر: عشان صديقه لميا فيه وفالطاوله احسن عشان ما نحوس خل الشغاله ترتب
سلمان : طيب خلاص ........
لميا نزلت للمطبخ تجيب لها قهوه هي وصديقتها
لميا: عطني قطعه دجاج بدر
بدر: تعالي انتي خذي
لميا راحت قطعت قعطعه
سلمان: اجلسي
لميا: لا باخذ قهوه واروح فووق
بدر: طيب انتي موب جوعاانه ؟
لميا: لا عاادي
سلمان : طيب روحي تراك طولتي
لميا: ايه خلاص ...واخذت صينيه القهوه الي مجهزه ومحطوطه على الطاوله ....|
رقت فوق وجلسوا يسولفون وش صار بالجامعه يوم غابت قبل امس ساره ويوم بدر دخل على ساره وما شافها ساره بنت ولى كل البنات مملوحه تجنن اهلها مهتمين فيها ويخافون عليها كبر لميا وحلاتهم زي بعض يعني كل وحده احلى من الثانيه ممكن لميا حلوه لكن ساره فلقت قمر بنتين يجننون مملوحات ييهبلون بس لميا احلى بطبتها واخلاقها وبرضوا جمالها ,,.,,,,.,,,.,
بدر وسلمان خلصوا وجلسوا بالحوش على الطاولات كل واحد معاه ببسيه ويلعب بجواله
بدر: لعبتي احلى
سلمان: ياحليلك ماشفت الي معي
بدر: قسم بالله تقل بزارين
سلمان : وش اسوي لك عاد صح كلامي ماشفت لعبتي
بدر: اسمع انت دريت ان بكرا الخميس بنطلع استراحه ؟
سلمان : والله !! ماشالله وش دراك انت ؟
بدر: تو دقيت على امي وقالت ندور استرحه بنطلع حنا وعمي
سلمان : لالالالالا اعذروني انا موب جاي
بدر: وانا بعد اااسف ماابي انت رح انا منزمان مقرر اني مااروح
وفجأه انفتح الباب دخل ابوبد وامبدر
بوبدر: ماشالله جالسين هنا
بدر: من الطفش
*******اتمنى من كل قلبي تعجبكم وابغا ردود ولا تفشلوني
المواضيع المتشابهه 
قصه (نجوم الليل) ان شالله تعجبكم..... 
العرض العادي
