ياوجودي على مضنون عينـي
وجد من طاح وارهى به عدوّه
طاح من عقب ماطاحت ذلوله
وافقـوه اربعيـن بـوارديّـه
كل واحـد رمـاه بطلقتينـي
شاف ماله بهم حيل(ن) وقـوّه
لارفاقه ولا عـذر(ن) يقولـه
سلّم امـره للخـلاّق البريّـه
لارساله ولا خـط(ن) يجينـي
انتحى واختلـف نـوّي ونـوّه
اتمنـى وانـا مانيـب حولـه
راح يـم الديـار الاجنبـيّـه
هل دمعي وجـرّح وجنتينـي
صار مالي على خلي اجـروّه
كن دون الغضي عشرين دوله
واحـلالاه دام النفـس حيّـه
ليتها بين اهل خلـي وبينـي
كان اخاطر بروحـي واتفـوّه
كل رجل(ن) يذكّر في فعولـه
كـان هـي طيبـه ولاّ رديّـه
من عيونه طعنّـي حربتينـي
صوبن اسفل القلـب وعلـوّه
وين انا والحيـاه الله يهولـه
ويش يبري الجروح اللي خفيّه
في حياتي جرحنـي مرتينـي
جرح كامي وجرح(ن) منه توّه
جرح توه وجرح(ن) حال حوله
واهنـي المعافـى واهنـيّـه
ألتفت من يسارومـن يمينـي
وازهم اهل الحميّـه والمـروّه
لو يصيح المصيّح ماعنوالـه
كيف راحت من الناس الحميّه
كن عوده مثل عود الردينـي
في يد الفارس الظفر المفـوّه
مابعد شفت زول(ن) مثل زوله
من عرفته وانا عينـي شقيّـه
كان قلبك على الفرقـا متينـي
سوّبي ماتبـي يازيـن سـوّه
كل كبد(ن) من الحب مغسوله
مالها بالهـوى شـف ونحيّـه


أخــــــــــــــــــــــــــــــــــــــوكــــــــ ــم ابـــــــــــــو نـــــــــــــــــــــايـــــــــــف

ابو نايف انت روح المشاعر والأحاسيس

هنا وفى هذا اللقاء المفعم بالآلام المثقل بالأحزان

لابد لأرواحنا أن تلتزم الصمت وهى تُحلق فى العنان

هنا وفى ظل اجواء مفعمه بالمشاعر

وبين حنايا دقات قلب تنبض بالعشق

يأتينا سيد القلم الجارف الابداع

يأتينا صاحب الحضور المزلزل للوجدان

ليكون لنا من الروعه عقدا من اللؤلؤ والمرجان

حقيقة اخوي لايسعني الكلام لان كل يوم يزداد اعجابي بما تكتب

صح لسانك وسلمت يمناك وعساك دوم سالم ودوم مبدع والله لايحرمنا منك

الله يعطيك الف عافيه
اخت شهد الملوك
ومشكورعلى هذا
الاطراء الحلو ولا يسعني
الا ان اقول:
يفنى الكلام وتنتهي كل الاشعار
لاجيت اوصف قدرك المعتلي فوق
واضيع في بحر المعاني والافكار
واقول ( ما مثلك على الكون مخلوق)
فيك الوفاء مازال يبني له ديار
وفوق الوفاء طيب ....
ولك يا شهد الملوك ذوق

لاتحرمينا من دعمك

شكلك من هواة الشعر الله يسلمك على القصيده

محبكم وليد الذوق

كثير اخوي وليد الذوق
راح أكتب فيك قصيدة
يسلمو على مرورك