اتمني تنال اعجابكم ...
مات الجمر وقلوب الاحباب حيّــه ***** والموت لاماتت قلوب الحبايـب
يا شيشتي لو فيك ذنب وخطيّه ***** معاك احس اني عن الناس غايــــب
العام كانو لي من الاصحاب ميّه ***** وقت الرخا لكن جفو بالنوايب
لاهنت ياقلبٍ شكى من خويّــه ***** كم راس من طعنات الاصحاب شايب
مرات اقول ان الخبل ياهــــــنيّه ***** ولقيتهم يشكون ظلم القرايب
ومرات اقول النذل لارحم حـــيّه ***** واثر النذل في بعض الاوقات صايب
يانفس شيليها على السامريـه ***** شيلت طرب ماعاد فيها طلايب
وش لي بتنبيه القلوب العمــيّه ***** وحنا في ها الدنيا دروب وركايب
ابتغزل في هــــذيك البنــــــيّه ***** بنتٍ تفل القلب فــل الـــذوايب
كم بعثرتني واجمعتني هنــيّه ***** بنفس المكان اللي جمعنا غرايب
ياضعفها معهم وعندي قــويّه ***** منها غدى ثلثين قـــلبي خرايب
مرباعها بين العيون الشقــيّه ***** ومقياضها بين الجـــروح العطايب
مااقول يذبح زينها بس هــيّه ***** تلفت لها قلبٍ عــن الــحب تايـب
ولا قول مغروره ولاهي خليه ***** فيها دلع طفـــلن تبنــاه شــايب
جمال نجد وفتنتن حايليــــــه ***** وش جمّع الثنتين فيها عجــايب
الا اقبلت بين حسناتن وسيّه ***** ياكثر ذنبي بين طيـــب وغصايب
والا ادبرت في دمعتينن نديّه ***** قلبن معاها وقلب في الصــدر ذايب
راح العمر مابين روحه وجيّـه ***** ياكثر غلطاتي ولانــــي بهــــايب
شبو الجمر مدام الاشواق حيّه ***** وطف العتب والعمر ضحك ومصايب
أخــــــــــوكـــم أبــــو نـــــــايــــــف
مـــــــــــــــات الجمـــــــــــــــــــــر ......! 
العرض العادي
