اظلمت في عيني الدنيا ولا ادري ويـن اروح && قل نوم وظلم قـوم وكثـر لـوم ومضيعـه
ما اشوف الا الغرابيل اختفى برقـن يلـوح && لو تهيـا للسعـاده درب اكيـد ابـي اتبعـه
كل ما داويت جرح بجرح تظهر لي جـروح && ادري ان اللي بكاسي سم اسمـي واجرعـه
ضاع عمري منصف لغيري لعذالي نصـوح && سقم حال وضيق بال وسـوء فـال مجمعـه
كني بسجن انفـرادي مغلـق بالفيـن لـوح && لا امـل عفـون قريـب ولا تفيـد القرقعـه
ما تهنيـت بـدلال ولا خبـر عنـي شفـوح && ولا شقيت بجمع مال الستر نفسـي مطمعـه
مثل عصفورن يحسدونه على ريشـن وروح && لا نبت ريشه يطيـر وسقـم حالـه يمنعـه
وش تفيد لعيني الدمعـه وقلبـي لـو ينـوح && اشهد اني مع همومي ضعت وسط المعمعـه
با الغثى وقتي كريم وباالهنا حظـي شحـوح && اصبحت حالي مثل معمـي عيونـه بصبعـه
ما ظلمت ولا سلمت ولا خلط طبعي بجـوح && دايمـن بيبـان قلبـي للخلايـق مشـرعـه
كان جنبي من تناجيني قبـل تنـوي نـزوح && فارقت وامسيت هايم كـل مرقـاب اطلعـه
لا هنـاة ولا غنـاة ولا مشاطرنـي مـزوح && ما به الا نـزف مجروحـن وروح ملوعـه
كنت اطرز للاماني ثوب وابني له صـرو ح && ما تصورت القريـر يجيـه يومـن يفجعـه
كيف تصبح قمتي با الامس تحلم با السفـوح && وكيف تصبح جنتي با الامـس نـار مولعـه
اشحذ الفرحه من الاحزان قالت يـا لحـوح && فرحتك لو هي بيدي حبـل ملـزوم اقطعـه
لا نوى وقتك يهينك مـا تقـدم لـك شـروح && من حكم مسبق عليـك تظـن قلبـه يردعـه
اشهد ان الموت راحه واشهد ان الصمت بوح && السكوت دواي اظنه فـي زمـان الجعجعـه
03-30-2006, 07:05 PM 
وين اروووح ...! 
العرض العادي
