سقى الله زمان فاتلي مع غزير الزين
ياليت البشر ما فات منهم يردونه
يعنك(ن) ما فاتك من الوقت زين وشين
رجوعه عليك اصعب من السيل لمزونه
انا حد علمي بالغلا يوم طبعه زين
قبل لا يطيع اللي عن الحب ينهونه
سمع سالفتهم وش وراء الحب وش بعدين
ومن يومها يا قل ما القاء تلفونه
اجي وافتح مس كول يا مال فرقا العين
ولا اشوف رقمه جعل الارقام يفدونه
اخيل الجهاز اقول يبي يتصل الحين
واثر اقتنع في فكره جت مجنونه
من العاذل الي شغلته تفرقت قلبين
انا اوحيت قلبي واجد اللي يسبونه
عذول المحبه جعل شرواه يعطى الشين
حرمني من اللي رغبتي فيه مرهونه
تغير علي واذا اتصلت ما سمعت اهلين
اخذ ثقل جعل مغيره تثقل ديونه
مثل ما ثقل ديني من مقاسط التموين
هاك البنك الاقشر جعلكم ما تمرونه
ذبحني غلاه وحط وسط الحشا جرحين
الاول من الصده والاخر من ظنونه
وانا من هذاك اليوم ومعايد الثنتين
يا صعب الوصال وصده عنه ملعونه
تمكن غلاه بوسط قلبي بعام الفين
ومن يومها الحب يكبر على هونه
يقولونه خله يا معود واقول انزين
ابي فكه منهم وانا اموت في عيونه
هذاك اذا ضحكلي رحت كلي ولا ادري وين
كم واحد قد راح لعيون مظنونه
وهذاك ان طرالي منه يقصني نصين
معه نص وابقى نص ما اعيش من دونه
وهذاك ان طلع رقمه وانا مشغل خطين
يروحون فدوه للنمرته ولتلفونه
عساه يرده اللي رد ركان بن حثلين
من الترك لدياره وللي يتحرونه
هذاك ان رجع عقب البطا ناذر نذرين
ابسامحه واني مع الوقت ما اخوانه

شكراً جزيلاً لموضوعك يا أبو نايف... ننتظر جديدك

تنبيـه .. هذه رسالة الرد الآلي... وسوف اقوم بالاطلاع على الموضوع واضافة الرد في اقرب وقت


دمتم بود

صح لسانك ياخوي وسلمت يمناك

يعجز لساني عن التعبير عن هالقصيده

بجد كل قصائدك رائعه

الله يسعدك ولايحرمنا منك

أختي شهد الملوك مشكوره
الله يعطيك العافيه
لاتحرمينا من مرورك المميز

أبــــو نايـــف أنت تتميز بحس الأختيار وهذا إن دل على شئ يدل على تذوق شعري



دمت لنا بكل فخر وعزه وجبرووت


كــــــافي تحملتكــ ؟

الله يعطيك العافيه أخوي كافي
كلك ذوق ومشكور أخوي