محد قدها

سؤال لكل عزوبي .. يتسدح بالملحق ؟هل تنام على بطنك !!! او تخم الوسادة بالليل !!! او تعفس الكنب وتعضه وتسعبل عليه وانت نايم !!!
او تنام في الشوارع كأنك قطو !!! او تنام على الكنب وانت تقرأ الجريده !!! او تنام ويطلع سرك ستر الله سرك !!!
إذا كانت الاجابة بنعم فإن
كل هذه اعراض لرغبة جامحه وكامنه بالزواج وان ما تلاحقت عمرك راح يجي اليوم اللي يقول فيه الوالد لك !!!
" الله لا يبارك في الساعة اللي جبنا فيها شغاله ".
لا تتخذ قرار الزواج إلا وانت في حالة هدوء تااام بعيدا عن الاثارة والعواطف الجياشه !!!
مو تشوف فيديو كليب بعدها تطمر لأمك وانت مشبك اصابعك ومميل رقبتك وتقول !!!
<--- ( دوروا لي ابي اعرس ) ، ابي اكمل نصف ديني !!!
اولاً : مرحلة ما قبل الزواج :
كيف تعرف انك استويت عزيزي الشاب وحان قطافك من بنت الحلال :
أ: علامات الرغبة في الزواج عند الشاب :
1 - إذا بديت تحب الاغاني وتسمعها بمخمخه وتتخيل انك تقول الكلام لوحده .. فاعرف انك ( قاضي )
فتلاحق عمرك وشف لك بنت حلال ، بشرط توافر الشروط الاخرى فيك
( وظيفه مناسبة ، ومبالغ مالية لمواجهة مصاريف العرس ) !!!
كذلك إذا صرت تتابع الفيديو كليب وتفتح فمك ولو يناديك ابوك ما ترد عليه !!!
<--- أعرف أنك (( منتهي )) يعني رايح في خبر كـاان !!!
2- إذا بديت تقول يا زين بيروت والـ إل بي سي والمستقبل ؟ فاعلم اخي (( الاعزب )) انك لو انتظرت سنتين !!!
راح تصدّي صواميل ظهرك وتصير بلا مستقبل !!!
3- إذا بديت تمشى بالسوق وتتمنى ان البنت اللي قدامك يطيح اللي هي شايلته علشان تصدم فيها وتقول ( ليمون
نعناعه ) فاعرف انك على مشارف انك تكون ( سبهه ) وشهار ما يقبلك ولا منتسب . كخخخ
4 - إذا بديت تعطّر بعطور نسائيه وتقول ما فيها شيء ( العطورات ليست حكرا على احد ) .. فاعرف انك بديت
( تخق ) !!! كخخخ
ثانيا : اثناء الخطبة :
1 - لا تتهيبل وتروح تتسلف سيارة زميلك (الفخمة) وترزها عند باب اللي انت خاطب منهم !!
لأن الخطيبة مصيرها تعرف ان السياره مو سيارتك وبالتالي تطيح من عينها <<< هذا إذا ما طحت من أول يوم !! كخخخ
2 - اثناء الشوفه لا تستحي ابدا وقز البنت من راسها لرجليها ولا يهمك ابوها واخوانها
لأن الشرع( يدعمك ) <-- توه يعرف الشرع !!! كخخخوان قالوا شيء .. قل لهم حديث الرسول صلى الله عليه وسلم
" فلينظر اليها وتنظر اليه فأنه احرى ان يؤدم بينهما "
<--- أحفظوا الحديث مو كل ما خطب واحد منكم يتصل علي يقول وشو الحديث !!!
وكما قال الشاعر ( لسان الفتى نصف ونصف فؤاده **** فلم يبق الا صورة اللحم والدمِ ) <<<< يضيع مع اللحم
3- في الخطبة ان صار فيه مكالمات بعد ما يوافقون عليك .. فلا تصير لصقه وعلة و كل دقيقة داق على البنت !!
( وينكم فيه ) ؟ وش سويتوا اليوم ؟ ما اشتقتي لي؟ <<< زاثق الأخ !! وش تسوين ؟ انت على السرير وإلا في المقلط ؟ << يخرب بيت السؤال ؟ !!! كخخخ
4 - لو ( كتبت كتابك ) على البنت قبل بفترة وبديت تأثث بيتك .. لا تاخذ البنت إلا علشان تختار غرفة نومها بسسسسسسسسس ، وإلا باقي الاثاث اختاره انت وإلا خلها هي اللي تختاره كله !!
لانكم إذا بديتوا تطلعون مع بعض تختارون الاثاث .. فراح يطلع الاثاث مشكل تشكيلة عجيبه والوانه مبربسه مثل وجعك يالعزوبي المنتف !!
كذلك اضبط ميزانيتك على مستوى معين من الأثاث بمعنى .. ما تشتري لي لوحه بــ 3000 الاف والكنبات بـ 5000 الاف .. يعني ما فيه توازن وتروح تشتري لوحه ثانية من ( حلة بن دايل ) بــ 20 ريال ، ومن ايكيا بــ 150 ريال .. فيصير بيتك كأنه
( حراج ابن قاسم ) من كل بحر قطره مدري وشو !!
فتصير مثل اللي بيتهم طين وعندهم ( رولز رويس ) !!
5 - اياني وياك تظهر بشكل مثالي في الخطبة بل خلك على طبيعتك ، بحيث تقول للبنت هذا اناااا ..
مو تصير حبيّب بالخطبة وصدام بعد الملكة !!
ثالثا : ليلة الزواج :
ليلة العمر والليلة الوحيده اللي تحس فيها انك اهم واحد بالاحتفال .. فلا تصدق عمرك ويكبر راسك .. خلك طبيعي
ولا تكثر من شرب الشاي والقهوة ليلة العرس بعدين تنتفخ مثانتك !!! ، فتتورط ، لانه صعب إذا رحت جلست مع العروس على ( الكوشه ) .. فجأه تقوم تقول بعد اذنك باروح الحمام .. صدقني راح تقول البنت إللي هذا اوله ينعاف تاليه !! كخخخ
.. فلنفرض انك قمت من الكوشه ؟؟
بعد ما تخلص هل بترجع وتجلس مع العروس مره ثانية ؟؟
وإلا بتطلع من هناك ؟ بالعربي .. انت بتبلش بلشة ما بعدها بلشة !! كخخخ
<--- الله يستر علينا ذيك الليله !! كخخخ
أما إذا رجعت بيقولون الحريم
اجل إذا راحوا الشقة بلحالهم وش بيسوي هالخواف.؟ !!! كخخخ
فتصير علك في فم الرايح والجاي وملطشه للصغير والكبير !!!
2 - ليلة العرس ارفق على سيارة الرجال اللي انت متسلفها منه .. لانك ممكن تصدم لانك ما تعودت انك تكون بسياره كشخه وجنبك بنت !!
3 - خلك ذوق واسحب يد البنت وحطها على ( المركه حق السياره ) وحط يدك فوقها
ولا تكثر تفغيص يدها لانك بتتهور وممكن يصير لك شيء وإلا يجيك ( شد عضلي ) بعدين تصدم باشاره >>> لاحقين على خير ان شاء الله !!
رابعا ً : سواليف ليلة العرس :
الكثير من الشباب في أي المواضيع يطرح ليلة الزواج وبرأيي انه بالامكان طرح مواضيع تتعلق بذكريات الخطوبة .. والابتعاد عن المواضيع الرسمية .. بمعنى تجنب الآتي :
-1 انتبه تتميلح او تنكت اكثر من اللزوم لان الموضوع سينقلب ضدك وبدال ما تصير وش زينك تصير ( كخا ) !!
2 - انتبه تجيب طارئ ( أمك ) ليلة العرس ، وتقعد تقول لبنت الناس من اول ليلة ( انا بصراحه امي أغلى امرأة عندي بالعالم ).. انا امي بصراحه ابيك تشيلينها فوق راسك ، انا امي بصراحه ما ابي احد يزعلها ، انا امي بصراحه مالها غيري
مافيه شك ان الام قدرها غالي ومكانتها عظيمه بس لكل مقام مقال .. فما فيه مناسبه انك تجيب طارئ امك ، ممكن تأجل الموضوع لليلة اخرى.
3 - امدح مكياج المدام ، وفستان فرحها لانها تعبت شهور حتى تظهر بهذا المظهر اللي انت تتمتع فيه انت وعيونك المغمصه !!
حتى لو كنت ( كمخه ) في مواضيع الذوق واللبس ولا تفهم فيها شيء امدح وخلك عباراتك فيها صدق بحيث تكون ( الكذاب الصادق ) << عاد أنتم حلوها !!
فهذا من شأنه انه يحسس المدام انها جميله بعينك ، ويرفع روحها المعنوية ، ويخليها تهضمك يا ابو كوع ( بني ) !!
<<< مفروك لين قال بس فتغير من اسود الى بني !!!كخخخ
4 - انبته ثم انتبه انك تصير عاطفي او تخق ومن اول ليلة تقول للبنت ( بصراحه انا احبك وميت فيك ) !! لانها مؤكد انها مو مصدقتك ( ما امدى بسم الله تحبها ) !!
بصراحه كثير من الشباب محروم من ( كل شيء ) <<< وافهموها .. عاطفيا و... و .
واول ما يلمس يد تختلف عن يد صديقه ( الضب ) .. يخق وبسرعه يسعبل و يخق و ... و ... !!
خلك ثقل وخلي سلوكك هو اللي يقول للبنت اني احبك مو اساليب ( قردنه )!!!
<-- الله يستر من المشرفين شكلي طلعت عن النص !!
احبك بعدين تقول لها ( وش رايك نلعب عريس وعروسه ) <--- وشـرايكم ما طلعت عن النص !! كخخخ
ترى هالحركات ما تمشي على البنات التاليات .
معاني الكلمات : قردنه : محاولة اقناع جاده يتخللها وضع اليد على الكتف مع تــنــزيل الرأس وكأنك بتقول سر للطرف الآخر مع الاتجاه ( لقرنة ) الغرفه !! كخخخ
خامسا : ملابس ليلة العرس
1 - بعد ما تفسخ ثوبك وشماغك وعقالك .. تروش الله يصلحك لانه ممكن ريحتك تكون طالعه وانت ما تدري من كثر السلام والقلق اللي عشته في قصر الافراح ولا يهمك انك راش لك كم ( بخه ) على الشعيراات اللي بصدرك وبازن بها.
---> تنظفوا ( ابتل ) اعلمكم ... همااااه ؟
2 - انتبه تصير قروي وتلبس سروال ابو حبل !!! كخخخ
<-- عاد إذا الحبل عيا ينفك وش بتسوي !!! كخخخ
اختر اللبس المناسب لجسمك ..
مثلا شورتات رياضيه اذا كان جسمك رياضي .. وإلا اذا كنت دب فخلك بالثووب الله لا يخلينا !! كخخخ
اتمنى للكل عزابي الزواج
وساامحوونا كانا خربناها شوي بالموضوووووع<<<<<<<<<<<بس شوي
هذا كانهم ماحذفوووه<<<<وحذفووني معاااه


تحياتي
ماحد قدها

 

 

 

 

 

منصور

؟هل تنام على بطنك !!! او تخم الوسادة بالليل !!!


عل حسب الوضع ههههههههههههههههههه


ننتظر جديدك

 

 

 

 

 

المبدع2007

ههههههههههههههههههههههه هههههههههههههههههههه

وش مسووووووووووووويه انتي ياا محد قدهااا

ماا خليتي و اا بقيتي شئ والله

من قبل الملكه الى وقت الدخله

حااولت ارد عليك بس يووم وصلت نهااية المووضووع نسيت اوووله

وقلت عجززززززان اقرررا مره ثااااااانيه

بس انه حلوو والله وفيه كثيير من ظلم الشبااب خخخخخخخخخخ

بس ووووينك ياا شركة مكاافحة الحشراات تجي تشوف محد قدهاا>>تراه اسم عضو جديد يتوعدكم


ويسلموو ع مووضوعاتك الهجووميه عليناا عموووما هههههههههه


اتمنالك التووفيق.

المبدع

 

 

 

 

 

محد قدها

المشاركة الأصلية كتبت بواسطة منصور      ؟هل تنام على بطنك !!! او تخم الوسادة بالليل !!! عل حسب الوضع ههههههههههههههههههه ننتظر جديدك

ههههههههههههه على حسب هااااااا
مشكور اخوي منصور على مروك ويعطيك الفعافيه
ومانحرم من ردودك ولا عدمناك
تحياتي
ماحد قدها

 

 

 

 

 

محد قدها

المشاركة الأصلية كتبت بواسطة المبدع2007      ههههههههههههههههههههههه هههههههههههههههههههه وش مسووووووووووووويه انتي ياا محد قدهااا ماا خليتي و اا بقيتي شئ والله من قبل الملكه الى وقت الدخله حااولت ارد عليك بس يووم وصلت نهااية المووضووع نسيت اوووله وقلت عجززززززان اقرررا مره ثااااااانيه بس انه حلوو والله وفيه كثيير من ظلم الشبااب خخخخخخخخخخ بس ووووينك ياا شركة مكاافحة الحشراات تجي تشوف محد قدهاا>>تراه اسم عضو جديد يتوعدكم ويسلموو ع مووضوعاتك الهجووميه عليناا عموووما هههههههههه اتمنالك التووفيق. المبدع

حلوه وينك ياشركه مكافحه الحشرات حنا
مو حشرات حنا فراشات هههههههههههه
وما عليه يكفيني بس انك مريت على
الموضوع ورديت بس خسرتالرد الي كنت
مجهزه اكيد يضحك مسخره ههههههههههههههه
وبعدين بالعكس مو هجوميه شوف انا اجيب المواضيعا لي
مضمون ضحكها موهجوم وحتى لو عن البنات المهم نضحك
ومشكور على مرورك ويعطيك الف عافيه ومانحرم من ردودك
ولا عدمناك
تحياتي ماحد قدها

 

 

 

 

 

مرهف الاحساس

هههههههههههههههههههههههههههههههه
ههههههههههههههههههههههههههههههههههههههه
هههههههههههههههههههههههههه


مت من الضحك الله يرجكـــ رجاء فى علبه فليت


نتظر جديدك

 

 

 

 

 

الإمبراطورة

هههههههههههههههههههههههههههههههههههههههه موضوعك روعـــــــــة بس في شيء مو صـــــحيح وهـــــــو ...

بعدها تطمر لأمك وانت مشبك اصابعك ومميل رقبتك وتقول !!!
<--- ( دوروا لي ابي اعرس ) ، ابي اكمل نصف ديني !!! <<<والله لايشبك اصابعه ولا يربطها ولا يــعرف طريق الحياااا .ههههههههههههه والدين ما يتذكروة إلا بالزواج ...

يســــــــلمووووووو محد قدها على موضوعــــــــــك الصرقـــــــــــــعه × صرقـــــــــــــــــعه ..

تمنياااااااااتي لــــــــكِ بالتوفيق ..

 

 

 

 

 

محد قدها

[quote=مرهف الاحساس;197865]هههههههههههههههههههههههههههههههه
ههههههههههههههههههههههههههههههههههههههه
هههههههههههههههههههههههههه


مت من الضحك الله يرجكـــ رجاء فى علبه فليت


نتظر جديدك[/quo
ههههههههههههههههههههه علبه فليت ها

انشالله دوم هالضحكه مو يوم داماني معاكم

لاتشيلون هم الضحك يتضحكون ,,,,,,,,,,,, ياواثقه

مشكور اخوي مرهف على المرور ويعطيك الف عافيه

ومانحرم من ردودك ولا عدمناك

تحياتي ماحد قدها

 

 

 

 

 

مس شقحاء

وهههههههههههههههاااااااااااااااااااااااييييييييييي يييييييييي

وربي خطييييييييييييييييييييرة خصوصا الاشياء الي كاتبتها بالنهااايه

مخليتني اتسدح من الضحك و صرقعتيني لين قلت بس

هههههههههههههههههههههههههههههه

ولا تطولين علينا يالغاليه ننتظرك

.:.:.:.:ترى هالحركات ما تمشي على البنات التاليات.:.:.:.:.: