بسم الله الرحمن الرحيم <--- كاتبها عشان تسموون و آخذ أجركم

في هاك الصباااح المشرق و على صوت صاحب الغاز و هو يدور في الحاره صحيت من فراشي المشجر المبسوط في المقلط و رفعت رأسي عن المسنده اللي اتوسدها و اطرافها المبقعه ببقع من اللعاب ( ما وده يقول سعابيل خوفا على تسبودكم ) رفعت الشرشف عني و نطلت به بعيدا و وقفت أتمــغط و احك بطني و اتلمس اطرافي لأرى اذا كانت كامله و الا نسيت شي منها في الفراش ههههه .. تمغطت و تحكحكت على راحتي شوي و انا أتثــاوب و افكر كم الساعه هالحين .. رحت للصاله و انا اتسحب و وقفت على الباااب و ناظرت في الساعه المعلقه على المدخل و شفتها تشير الى الساعه العاشره و النصف صباحا .. تلفت يمين و يسار ما شفت احد في البيت قلت غريبه وينهوم فيه اليوووم الربع ..سكت شوي و بعدين صحـــت با اقوى ما عندي .. إيني بودي هيـييييــر .. و ما هي الا لحظاااات ما امداني فيها التفت لأعود من حيث اتيت .. الا و اسمع صوتا اقرب ماله صوت سيكل ما له كفرات و يدفونه ورعااان في حوش بلااط هههههه ( صوت ابوي وهو نازل مع الدرج ) ... التفت و ما شفت غير فتحتين سود و فيها شعر على جنوبهاااا و يطلع منها هواء قوي يروح و يجي .. ( أثره خشم ابوي مدخله في وجهي ) .. رجعت راسي ورا شوي و شفت ابوي مقرط على سنونه و الشرار يطلع منهااا و عيونه رايحه تقول فرامل كاديلاك 2005 ( على طاري الكدالك اللي معه كاديلااك يغيم الاسطبات اللي ورا و الا يشوف له صرفه ترا أجهرتونا عند الاشارات مهيب فرامل ذي ) و قالي بصوووت احسه طالع من محل ثاني لاني متأكد ان فمه مسكر هههه قالي وش تبي تصيح على هالصبح يا ابن الكلب .. ما خليتنا نرقد ؟؟ قلت : و الله صحيت و ما لقيتكم و خفت عليكم و قلت خلني اتطمن عليهم .. لعن الله امك و هذا اسلوب تطمن علينا فيه .. و لا عاد اذكر الا إني داخل المقلط و انا احوبي و ماسك بطني من الركب اللي جتني و التمحيط .. و دخلت في الفراش و انا منبطح على بطني ( شف انت وياااه لا احد يجي يقول يا ويلي ويلاااه تراها مليانه شعر ههههههه ) تونونت و تنــهدت شوي على الفراش و حسيت اني ودي اشرب ماء .. شكل ابوي فقع المثانه من كثر ما شوتني هههه و راحت السوائل اللي عندي و حسيت بنشوفه في الحلق قلت يا ولد خلني اروح المطبخ بس و من جديد وقفت و رجعت للصاله بس هالمره احاول ما اطلع صوووت .. حتى و الله ان فيني ترعه بس كتمتها عشان ما يسمعني ابوي هههههههه ( متأكد ترعه ) اول ما وصلت لباب الصاله .. واشوف رجليـــن ابوي مادها على السيب .. و انا تدخلني الذله و ارجع اركض للمقلط و اجلس افكر كيف اروح للمطبخ .. وفي بيتنا عشان تروح للمطبخ لازم تمر على الصاله و ابوي ماد رجلينه و انا بشرب مويه هذي و الله النكبه هههههه قعدت افكر شوي و يوم زادت نشوفة حلقي و بغيت اموت في المقــلط .. حتى بديت احس بتأثير العطش و قمت اشوف سراب في المقلط و كل شوي يطلع لي واحه في زاويه و الا جركل مويه على الدولاااب و اذا قربت منه اختفى ههههههه .. المهم يوم خلاااص بديت اشوف النسور قامت تحوم علي و اني ميت ميت ( جارنا يربي نسور لا تقولون لي منين جت ههههه ) قلت و الله لخربها و يا أناااا يا ابوي في ذا البيت <-- تهور الخبل هههههههه .. طلعت من المقلط و انا اركض و طمرت رجلين ابوي و دخلت المطبخ و انا اقول وينه وينه وينه فيه بس فكوني عليه <-- يقصد جيك المويه .. فتحت الثلاااجه و اخذت الجيك و فتحت غطوته و قعدت اشرب و اشرب و اشرب الين دخلت راسي في الجيك و قعدت الحس المويه الباقيه هههههه .. و مع انشغالي مع الجيك سمعت صوت روعني احسبنه ابوي جاء ههههه و تلخبطت و نشب الجيك في راسي و اقعد اتحمطر في المطبخ و انا اجر الجيك من راسي .. بغيت انكتم و ادور و ادور و افححححط و افحححط و اتناااوش الجداار و اصقعه براسي و ينكسر الجيك اشوى و يطلع راسي و اقعد انفضه .. تقول قطو طالع له من شعيب هههههههه .. و اقوم و ادور مصدر الصوت ما ابيه يصحي ابوي .. و ادور في الدروج و ادور في الفرن و ادور في الثلاجه و اخرتها لقيت الصوت جاي من المواعين اللي محطوطه على المجـلى و اجي و اناااظر الا هو جوااال ابوي الرهيـب شابكه في الشاحن و حاطه على الصامت و على الهزاز و حاطه وسط المواعين و جاي له قرقعه .. هههههه عشان ما عندنا خط ميتين و عشرين الا في المطبخ .. تشوف جوالاتنا كلها طرح في المطبخ .. ننتظر الشااحن ههههههه .. حتى مره لاقي امي غاسلتن جوالي و حاطته في درج الطفايات و المعاجم هههههههههههههه


عاد طلعت جوال ابوي من المواعين و شلت الهزاز و خليته على الطاوله .. و رحت اجمع قطع الجيك اللي تكسرت .. لا تقوم امي بعد و تسوي لنا سالفه ههههه و زلقت يا الربع في السيراميك و تنكست و صقعت المواعين براسي و انتثرت كل المواعين علي و حسيت ان شي طار في حلقي .. بس ما امدااااني اميز وشهو الا ابوي على راسي و امي و البيت كله .. و اقوم انفض نفسي و اشيل المواعين .. و كلبوهم ساكتين و يناظرون فيني و في حالة المطبخ .. و انا اجمممع في المواعين اللي طايحه و اقول كنت ابي آخذ كاس ابي اشرب مويه ( يا حليله مؤدب و الله ما تضربونه ) .. قامت عاصفه في المطبخ من الطلااايب و التشويت بعدها ما اذكر الا اني صافقن في جدااار المقلـــط و طايحن على فراشي .. تقلبت شوي احاول انااام .. الا و احس بشيء في حلقي .. حاولت اكح ابيه يطلع .. حاولت ادخل يدي و اجيبه .. ما قدرت .. و المشكله مدري وشهو اللي طار في حلقي .. قلت انا لازم ارجع للمطبخ و اشوف وش اللي ناااقص من المواعين .. اكيد اني بالع لي شي منها ههههه .. رحت للمطبخ ثاني مره .. و لقيت امي و الشغاله ينظفون المطبخ و يرتبووونه .. و اقعد ادور في المواعين .. قالت امي وش تبي يا السلووقي لا تطرح المواعين ثاني مره ثم و الله ليجي علمن ثاني .. و انا اسحب نفسي بسرعه الا و انا عند امي و متمسك في راسها و اسلم عليها .. قلت يمه و الله ما كنت اقصد اني اطرح الاغراض .. كنت بشرب مويه .. قالت وصخت بخنقي بنخاريرك .. خلاص رتبناها انقلع فكنا منك .. وش تبي الحين .. قلت يمه انتم رتبتوا الاغراض .. لقيتوها كلها .. يعني ما فقدتوا شي يمين و الا يسااار ؟؟ .. قالت . لقيناها كلها الا ملعقه وحده مدري وين رااااحت .. قلت هاااااااااااااااااااااااه

ملعقه .. ملــــــــــــــعقـــه .. ملعـــــــــــــقـــه ... معقـــووول يكوووون اللي طااار في حلقي ملعقــه ؟؟؟ لا لا لا لا لا مهيب ملعقه .. <--- انلحس ههههههههه
قالت امي هيه .. وشفيك وش قاعد تقول انت ؟؟ .. قلت هاااه .. لا لا و لا شي .. عن اذنك يمه .. رحت للمقلط و قعدت افكر انا صدق بالع الملعقه و الا لا ؟؟ مع غرقي في التفكير رقدت و ما دريت ... و لا صحيت الا الساااااعه ثمااان في الليـــل .. بعد ما صحيت ما عاد حسيت في حلقي بشي قمت و رحت للغساله و فتحت البزبوز و قعدت اغسل راسي و اشرب مويه .. و ارتحت ان اللي في حلقي راااح .. و رفعت راسي و قعدت اناظر في المرايه و اضبط شعري و انااااظر زين في المرااايه الا و اشوف يدي كنها مختلفه علي .. ناظرت في يدي الا و اشوف واااحد من اصابعي صاير شكله تقول ملعقـــه لمسته بيدي الثانيه و لقيت الملعقه طالعه في اصبعي ههههههه .. يلعن ابو النكبـــه وش السوااااه هالحين .. وش اقول للناااس .. بلعت لي ملعقه و طلعت في اصبعي ؟؟ و الا وش اقووول ههههههه الناااس تبلع ابره دبووووس مسمااار غطوة قارورة مويه غطااا بيبسي قطف زقاااير .. بس ملعقه هههههههه و الله الفضيحه ههههههههه دفيت الملعقه بيدي الثااانيه ابيها ترجع لبطني و الا شي و احاول اطلعها ههههههه و اختفت من اصبعي الملعقه و دخلت الحمااام .. أحاااول بشتى الطرق إني اطلعها بس ازريت هههههههههه اكلت موز اكلت قطن ابيها تنشب و تطلع طبيعـــيـــا بس مااااش عيت تطلع ههههههههههه و اخذ شوي و القاها راجعه لإصبعي ثاني مره .. قلت اقسم بالله ما عاد احركها .. خلها تقعد و اذا نشدني احد بقول صكيت على اصبعي الباااب و صار شكله مثل الملعقه ههههههه أخذت يومين و انا على هالحاااله و الملعقه في اصبعي عيت تروووح ... بس عقب يومين و الله تعودت عليهاااا ... صرت لا رحت الدوااام و ابسوي شاهي ما ابتلش بالملعقه .. احرك الشاهي با اصبعي ههههههه و صرت لا جيت اتغدى .. آكــل با اصبع واااحد . اللي هو الملعقه هههههههههه .. و اذا انكفى لبن على الفرشه اشيله با اصبعي ههههههه يعني انفعتني في حاجات واااجد ههههههههه .. بس عقب هاليووومين تفاجــأت ان الملعقـــه إختـــــفــت مره ثانيـــه ؟؟ و سكت عنهاااا قلت اشوى يمكن راحت و الا طلعت من نفسها ههههههه




انتهت الحلقه



موعدكم اعزائي المتصلين والمتصلات

التماسيح منكم والتمساحات قصدي السحليات

بكامل القصه بالحلقه القادمه وشوووكرن




مراسلكم : عبود سليم


< اقول يازينك ساكت بس

تسلملي والله وياعساها دووم هالضحكه على شفاهم اخوي بندر


توك ماجاك شي هذا الجزء الاول وطيحت الجهاز وشلون لا قريت الجزء الثاني

حدسي يقول انك بتنصرع انت وجهازك

هههههههههههههههههههههههههههههه
شاكرلك من كل قلبي على مرورك الكريم اخوي بندر




خدعه شـي