يايمه حـارت الدمـعه ابكيها وتبكيني = تنسيني ولاتنسى...الـيـن ابـكي انا فـيـهـا
يتوه الدمع بجروحي الين ارخي هدب عيني = يسابق نظرتي يجري ولاادري كيف ابخفيها
يجي ظميان للدنيا يجي وده يواسيني =على صـوت الونين يضم آهاتي يـواسـيـهـا
لقيت بضمته جـرحـي تجدد عـمـره الشيني = كذا طب الدمـوع يكون لاضمتك ايـاديـهـا
الى ياشين طـبـه ليت طبه مارسـى فيني =تـزيـد القلب آه ثم تشكي قبل انا اشـكـيـهـا
حنان الدمع يايـمـه قتلني واتعب سنيني =صـديـق بغربتي يجرح جروحي مايـداويـهـا
حنانك يابعد حالي زرع آمــال ترويني =تـنـور جـرحـي المظلم تعيشني بـمانـيـهـا
ابسمع صـوتـك الدافى..دعا ينبت رياحيني = ابي كـفـك الى منه لـمـس روحي يـدفـيـهـا
يايمه من ورى طول المسافه هــاك ضميني = حنانك ياصل لقلبي ورى الدنيا وبـلاويـهـا
إلـه الكون من وصفه وهـب لك ازين الزيني = يارحمة صاغها الرحمن وبالاخلاق كـاسـيـهـا
انا فـدو هـدب عين فديتك يابعد عيني = فـداك الـكـون والدنيا من اولـها لـتـالـيـهـا
عجز حرفي يوصف للبشر شوقي ومافيني = ولـكـن ربنا عـالـم بكل نيه ونـاويـهـا
الى منه سـرح بالي معا صوتك يناديني = سمعت الناس من حولي..عشق مسكين هـاويـهـا
يحسبون الهوى صيدي وانا الآهــات تكويني = قطعها من نوايا يقطع الامطار طـاريـهـا
انا قلبي ينادي امـي درى في قربها سنيني = تعيش وتزهر وتحيا وتنور كل لـيـالـيـهـا
°¨¨™¤ حـارت الـدمـعـه ¤™¨¨° 
العرض العادي
