هذا أول مشاركة لي وانشاء الله تعجبكم وأبي أعرف رايكم000
وانشاء الله مايزعلن مني السحالي

سوالف البنات في الباص.........
دخلوا وسمعوا سوالف البنات في الباص
سوالف البنات في الباص
حال البنات في الباص غريب وعجيب !!

يعني مثلا


وحدة ناااايمة واللي بعدها بين الحياة والموت

واللي بعدها باربع بنات بنتين يتكلمون
البنت (1) امي قالت حق خالي فيصل ود بنتي السوق
البنت(2) مو قلتي خالك هذا مسافر لندن
البنت(1) لا اللي مسافر هو خالي محمد
...البنت معرفتها على اسماء العائلة الكريمة



ومن جهة أخرى نجد الدافورات.. < الدافورات معناها الشاطرات وإللي يحبون العلم
البنت(1) الامتحان النحو صعب اليوم !!
البنت (2) اللي يسمعك يقول ماتاخذ علينا الاول اقول واللي يعافيك
اكرمينا بسكوتك
البنت (1) والله..صعب ماعرفت الاعراب انا شكيت هو (جار ومجرور) ولا (مجرور وجار)>>انه اقول نفسها


ومن جهة أخرى نجد بنات النت...
البنت (1) امس دخلت الشات ومالقيتك ايش فيك؟
البنت (2) انا داخلة لكني مغيرة اسمي
البنت(1) ليش غيرتيه
البنت (2) مزاجيييييييييي !!
البنت(1) طيب وراك ماتردين على مواضيعك الشينة
البنت(2) واللة مااحد اجبرك تردين على مواضيعي ولااحد عظك على يدك وقال راقبيها
الا القهر مقطع عيونك ماعينوك مشرفة وانا مسجلة بعدك خخخخخ



وفي مؤخرة الباص نجد الفن والطرب...
البنت(1) ماشفتي الحلقة الأخيرة من المسلسل أمس !!
البنت(2) إلا بااااايخه !! ماتوقعت ذي نهايتها !!
البنت(1) ايه صح مالها داعي
البنت(3) اليوم راح يجي مسلسل غيره شكله أزين!!
البنت(1) لا المسلسل اللي راح يجي اليوم قديم أنا تابعته!!


وبجانب بنات الفن..نجد بنات البلاي ستيشن..
البنت (1) اللة ياخذ شركة كونامي مانزلت (سايلنت هيل 4)
البنت (2) صادقة..ماشاء اللة على شركة كابكوم تنزل ديسكاتها بسرعة
الا هالمرة مانزلت(رزدنت إيفل زيرو) مايخالف يقولون لكل حصان كبوه>> حلو مطابق هالمثل
تتوقعين يكون فيه (التايرنت)
البنت(1) احتمال لان(البرت ويسكر )فيه
البنت(2) صدق..!!؟؟!!
البنت(1) ايه..قريت مذكراته ويقولون انه فيه...



ومجموعة ثانية تتكلم عن الطبخ
البنت (1) اليوم علي المطبخ وعييييييه
البنت (2) اللي يسمعك يقول كل يوم تكرف بالمطبخ اللة يرحم حالي
انا كل يوم عندي المطبخ والغسيل وكل شيء
البنت (1) لا الحمدللة انا مرة بالشهر
البنت(2) ياحظي..الا اقول تعرفين طريقة البسبوسة
البنت(1) مدري..ايه عرفتها انتم تشترون العجين>>>>> في بالها سمبوسة



واما بنات الميك اب والموضة
البنت(1) ناظرتي اخت العروس روووووووعة وخصوصا فستانها تهبل مووت>>> احلفي
البنت (2) ايه وشفتي الظل اللي مسويته قمة الغباء ليش مسويته تحت عيونها
البنت(3) يابنتي هذه الموضة تو نازلة الاربعاء>>> ولا الخميس
البنت(1) اقول لاتعطونها وجهه ماتفهم بشيء
البنت(2) نعم..!! وش تقصدين..لايكون تتكلمين عني....حدك
البنت (3) لا ياماما اكلم زوجة عمي خخخخخخخخ



فئة (ك ت ب )
البنت(1) عطيني الواجب حق بكره
البنت(2) وليش ماتحلينه بنفسك من غشنا فليس منا
البنت(1) مو انتي ناقلته من اللي بجنبك
البنت(2) هاااه
البنت (1) اي..اقول عطيني>>>> يعني اجباري
البنت(2) انا نقلته علشان احنا معزومين في البر
البنت(1) والله....واحنا معزومين بالبحر

وإنشاء الله أعجبتكم.










ملطوش0000 :cupidarro

ههههههههههه
أخيتي باراداسا
والله شي حلو الله يعطيكي العافية
مشكووووورة أختي
ننتظر المزيد من ابداعك
مع حبي.........بسام..........

هههههههههههههههه


يعطيك الف عافية اختي

نننتظر جديدك


اخوك ملك الرومنسية