البارحـه والهـم هـذي محاريـه
ارقـب مجيـه واتحـرى لملفـاه
وركزت له بين الحنايـا مراكيـه
وعديت له مرقاب الافكار ل(اقصاه)
وزهبت له دله بها اوجاع راعيـه
كله لجل كيفـه وبالـه ومشهـاه
هما" بدع من كيف ضيقي مساريه
ويارد على كيفه مداهيـل مسـراه
والخافق اللي مادرى وش مساعيه
ما بات ليله مـن مواجـع حنايـاه
يصدح بصوته لا لفى الهم عانيـه
ارحب هلا حيك رحم طيب مجنـاه
الطاري اللي ساقهم مـع طواريـه
همي وضيقي وغث بالي بمحـراه
مشتاق لك شوق الزمان لبلاويـه
ومحتاج لك حاجة هل العز للجـاه
كم واحدا" لا ضـاق وقتـه يبكيـه
وكم واحدا" لامن ضحك وقته ابكاه
وكم واحدا" من عقب طولى لياليـه
دارت به ادروب الزمن لين تاطـاه
ياكافي من لا يسنـع مماشيـه
لا ترتجي مع شيبته طيب ممشـاه
جيتك ولا ادري ها الزمن وتواليه
جيتك ولا ادري وش بقايا ضحاياه
جيتك وانا همي مع الوقت اباريـه
جيتك عسى بالقى لضيقي معانـاه
أبـــــو نــــايــــــف
ياكافي من لا يسنـع مماشيـه 
العرض العادي
