0
0
0
0
0
0

هذه رسالة عتب للمبدع والمتميز شاعر الجنوب عبدالواحد الزهراني على قصيدته (بانت الرياض ) والتي نشرت في العدد الاخير من فواصل........ والتي انتقد فيها رواية بنات الرياض لرجاء الصانع ولكني ارى ان شعر عبدالواحد كما عهدناه ارقى من توجيه نقد لاذع لكاتبه سواء نجحت ام فشلت روايتها في في النهايه بشر مثلنا يصيب ويخطيء وكتبت وجهت نظري لمجرد قول كلمة الحق والعتب لكي لايقع احدنا في مغبة شعره ولكي لا تكون الموهبه التي حبانا الله بها حجة علينا عند الله سبحانه لن اطيل عل الجميع اليكم الموضوع مع التحية للجميع ولا يزعل علينا احد.


قصيدة (بنات الرياض) للشاعر المتميز/ عبدالواحد الزهراني والتي نشرت في مجلة فواصل العدد184 – 1 يوليو 2006:

البنات من الرياض اللي حكايتهن حكاية
أهدرولي دم قلبي واشعلوا في الراس شيبي!
البداية في النهاية والنهاية في البداية!
تشرق الشمس وتغيب وتشرق الشمس وتغيبي
جمَّعت فحشا على منكر وسمتها رواية
تصنع من الذيب حمل وتصنع من الحمل ذيبي!
دون حد الاحتراف ودونها حد الهواية
بابعد ابعد من بعيد واقرب اقرب من قريبي!
في شريعتها زواج بدون مهر ولا ولاية
ذيك عداها القطار وذيك ماجاها النصيبي
وذي تقول ارضى بكاين من يكن يطلع معاية
احتفل به واكتفل به شرط مايطلع خطيبي
وذي تقول اهتك شرف نفسي واشهر به نكاية
في ابوي وامي وعمي واخوي وفي خطيبي
صورت هذا البلد للعالم الغربي مراية
الثمامة تعكس الصورة من البحر الكاريبي
ماادري ليش تفوح من صفحاتها ريحة وشاية
خبث صهيوني مغلف مرتين بحقد ليبي
انشهرتي يارجا الصانع بما فيه الكفاية
إنما ظنك وظن اكبر شياطينك يخيبي!!
الرياض الراية الخضراء تحدت كل راية
واقفة بالند والمرصاد للغزو الصليبي
دار ابو متعب وابو متعب تسلمها وصاية
من فهد من سالف اخوانه من الجد العريبي
اصبح اول من رماك اللي تعلمه الرماية
و أصبح اول من طعنك اخوك ماهو الغريبي
فعلا ارهاب العقول احق واولى بالرعاية
والسهام اللي تصيب الفكر مضربها عطيبي
هو صحيح ان الرواية رجعتنا للقراية
مير جرحٍ سوته بالقلب لايمكن يطيبي
وفرت باسلوبها المقذع تكاليف الدعاية
ولبَّستك البشت بالمقلوب يا.............!!
عبد الواحد الزهراني

.................................................. ..................................................



للمتألق المبدع عبد الواحد الزاهراني واللامعة رجاء الصانع و لـ (بنات الرياض) مع التحية
بنات الرياض

اسمحولي رغم إني في حياد من البداية
لكن اشهد يارجا الصانع عرفتي وش تجيبي
ماهي من باقي خواتي ولا لها قربى معايه
بس شيٍ ثار فيني.... وكنها جت تنتخيبي
لا تقولوا وش شهَرها ؟ انتو كبرتوا الحكاية
والله ماصارت حكاية كنها غزوٍ صليبي
وقبل ما واحد ضعيف الراي يفهمها براية
(قومة بنية لبنيه) وينتقد شعري ويعيبي
ايه بنيه ويشهد الله إن لي بيض النوايا
لا التعصب مذهب اهلي لا ولا سنة حبيبي
ولا (رجاء) لاجيء سياسي وانا اعطيته الحماية
ولاهي من باقي الجماعة من بعيد او من قريبي
بس شفت الدنيا قامت واستشاطت من رواية
والله لو هي خانت الدولة وقامت بالمريبي
كل مافيها خيال من البداية..... للنهاية
نادتـَـه وقت الكتابه قال لبيك ...ابشريبي
ومثل ماقال اللي فاهم رزق جاها بلا دعايه
ولولا (عنوان الرواية) والله ماكانت تصيبي
وش لكم وش للقشور المستفزة للقراية
كلها حبكة فـ إثارة وهذا هو زاد الأديبي
وانا بس اللي دفعني وشد أبياتي وراية
(اسم شاعرنا المفضل) ابن زهران العريبي
من بعد (خط الجنوب) و (صفر سبعة) والقضايا
والمدايح والعلوم اللي لها الخاطر يطيبي
ماعلى شعرك كلام.. الكلام إن النوايا
ما تعدى غير نقدٍ لا يودي ولا يجيبي
خوفي ربي يحتسبها غيبه او زور ونكاية
وهل يُـكب الناس عنده غير من ألسن تصيبي؟

قبل ما ناكل بعـَـضنا وكلنا نغدي ضحايا
نفتكر إنَّــا أوادم ....كلنا يخطي ويصيبي
وأكثر اللي هز ذاتي يوم قلتإنها وشايه
خبث صهيوني مغلف مرتين بحقد ليبي)
دام عبدالواحد كتبها مابلوَّم في البقايا
لو نقدها من هنا لهناك للبحر الكاريبي
كلمة الحق اجبرتني و اعتقد هذا كفاية
لجل كل شيطان اخرس يسمع الداعي ويجيبي
والعتب لك يالجنوبي انت ياحسن السجايا
وش علينا لاعتلينا تلمع النجمة وتغيبي
من تهامة قلت قولي وكان لك حق معايه
الشيوخ اللي براسي تنصفك لو قلت عيبي
لو خطيت يجيك عذري من الحنايا للحنايا
بس وانا اختك اظن ان العتب ماله طليبي
العتاب اللي رفعته ياجنوبي مو خطايا
وش علينا من رجا الصانع ومن غازي القصيبي
ويا رجاء والله تري امك داعيتلك في الخفايا
يومك من اول رواية صار لك صيتٍ عجيبي
هذا انا اوقف واصفِق وظنتي العاقل معاية
اشهد انك بنت ذيب يو اثرتي الف ذيبي

كلمات / وصايف تهامية (القنفذة)